Connect with us

សុខភាព

៣ សំណួរ ឆ្លើយជាមួយពល​រដ្ឋទាក់ទងវ៉ាក់សាំងកូវីដ១៩

បានផុស

នៅ

ដូច​គ្នា​យើង​បាន​ដឹង​ហើយ​ថា​បណ្ដា​ប្រទេស​មួយ​ចំនួន​នៅ​លើ​ពិភព​លោក​បាន​ប្រកាស​ថា​ខ្លួន​បាន​ទទួល​វ៉ាក់សាំង​កូវីដ១៩ និង​កំពុង​តែ​ដំណើរ​ការ​ចាក់​ជូន​ប្រ​ជា​ពល​រដ្ឋ​របស់​ខ្លួន​ផង​ដែរ។ ទន្ទឹម​នឹង​មាន​វ៉ាក់សាំង​នេះ ក៏​មាន​ដែរ​សំណួរ​មួយ​ចំនួន​ទាក់ទង​នឹង​ការ​ទទួល​បាន​វ៉ាក់​សាំង​នេះ។

១. តើ​ខ្ញុំ​ត្រូវ​ពាក់​ម៉ាស​ និង​រក្សា​គម្លាត​ទេ បើ​សិន​ជា​ខ្ញុំ​បាន​ចាក់​វ៉ាក់សាំង​កូវីដ១៩ ពីរ​ដូសរួច​ហើយ?​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់​ចម្លើយ​លើ​សំណួរ​នេះ មជ្ឈមណ្ឌល​គ្រប់គ្រង​ជំងឺ​ CDC ​អាមេរិក បាន​ឆ្លើយ​ថា​ត្រូវ​នៅ​បន្ត​ពាក់​។ បើ​តាម​ CDC អ្នក​ជំនាញ​លើក​ឡើង​ថា​​វា​ពិត​ជា​មាន​សារៈសំខាន់​ណាស់​ដែល​គ្រប់​គ្នា​ត្រូវ​បន្ត​ការពារ​ខ្លួន​តាម​គ្រប់​វិធី​ដែល​មាន ដើម្បី​បញ្ចប់​ការ​រាលដាល​ជំងឺ​កូវីដ១៩​។ គ្រប់គ្នា​ត្រូវ​ពាក់​ម៉ាស​ លាង​ដៃញឹកញាប់ និង​បន្ត​រក្សា​គម្លាត​សង្គម​។​

CDC អាមេរិក​បញ្ជាក់​ថា ការ​ទទួល​បាន​វ៉ាក់សាំង​កូវីដ១៩ និង​ការ​អនុវត្ត​តាមការណែនាំ​ពីរបៀប​ការ​ពារ​ខ្លួន គឺ​ជួយ​យើង​ឲ្យ​រួច​ផុតពីជំងឺ​កូវីដ​១៩ និង​ការ​រាល​ដាល​កូវីដ​១៩​។ CDC បញ្ជាក់​ថា​ខ្លួន​ត្រូវ​ការ​ពេល​សិក្សា​បន្ថែម​ទៀតពីប្រសិទ្ធ​ភាព​វ៉ាក់សាំង​ មុន​នឹង​សម្រេច​ចិត្ត​ដូរ​គោល​ការ​ណ៍​សុវត្ថិ​ភាព​។

២. ចុះ​បើ​ខ្ញុំ​បាន​ឆ្លង និង​ជាពី​កូវីដ១៩ ហើយ តើ​ខ្ញុំ​នៅ​ត្រូវ​ការ​ចាក់​វ៉ាក់​សាំង​ឬទេ?

គិត​មក​ដល់​ពេល​នេះ CDC អាមេរិក​ថា ​នៅ​មិន​ទាន់​មាន​ព័ត៌មាន​ជាក់​លាក់​ថា​តើ​អ្នក​ធ្លាប់​កើត​កូវីដ​១៩ អាច​ការ​ពារ​ខ្លួន​បាន​យូរ​ប៉ុនណា​ពី​ការ​ឆ្លង​កូវីដ១៩ ម្ដង​ទៀត​នោះទេ​ ដែ​ល​នេះ​គេ​ហៅថា​ប្រ​ព័ន្ធ​ភាព​ស៊ាំ​ធម្មជាតិ​។ តាម​ការសិក្សា​កន្លងមក ប្រ​ព័ន្ធភាព​ស៊ាំ​ធម្មជាតិនេះ​មិន​អាច​នៅ​ការពារ​បាន​យូរ​នោះ​ទេ​ តែ​ថា​ត្រូវ​មាន​ការ​សិក្សា​បន្ថែម​ទៀត​លើ​ចំណុច​នេះ។ មក​ដល់​ពេល​នេះ CDC អាមេរិក​ មិន​ទាន់​អាច​ផ្ដល់​យោបល់​បានទេ ថា​អ្នក​ធ្លាប់​កើត​កូវីដ​១៩ គួរ​ចាក់​វ៉ាក់សាំង​ឬយ៉ាងណា ត្រូវ​រង់ចាំ​ការ​ណែ​នាំពី​គណៈកម្មការ​ប្រឹក្សា​យោបល់​ផ្នែក​ប្រ​ព័ន្ធ​ភាព​ស៊ាំ បន្ត​ទៀត​។

៣. តើ​ពេល​ណា​ខ្ញុំ​អាច​ឈប់​ពាក់​ម៉ាស​បាន ក្រោយ​ពី​ចាក់​វ៉ាក់សាំង​កូវីដ១៩​រួច?

Singapore PM gets second dose of Covid-19 vaccine | The Star

បើ​តាម​CDC អាមេរិក ពេល​នេះ​នៅ​មិន​ទាន់​មាន​ព័ត៌មាន​ច្បាស់​ទេ​ថា​ពេល​ណា CDC នឹង​ឈប់​ណែនាំ​ឲ្យ​គ្រប់គ្នា​ពាក់​ម៉ាស​ និង​រក្សា​គម្លាត ដើម្បី​ការពារ​កូវីដ​១៩។ CDC ថា​អ្នក​ជំនាញ​ត្រូវ​ការ​ដឹង​ឲ្យ​បាន​ច្បាស់​ពី​ប្រ​សិទ្ធភាព​ការពារ​របស់​វ៉ាក់សាំង​ជាមុន​សិន​មុន​នឹង​មានការ​សម្រេច​ចិត្ត​ណាមួយ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ អ្នក​ជំនាញ​ព្រមាន​​គ្រោះ​ថ្នាក់ដោយ​ការ​ពាក់​ម៉ាស អំឡុង​សីតុណ្ហភាពក្ដៅខ្លាំង

ចុចអាន៖ អ្វី​ខ្លះ​អ្នក​បើកបរ និង​អ្នក​ដំណើរ​លើ​រថយន្ត​សាធារណៈ​ ​គួរ​អនុវត្ត​ការពារ​កូវីដ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម