អ្នក​ជំនាញ​ព្រមាន​​គ្រោះ​ថ្នាក់ដោយ​ការ​ពាក់​ម៉ាស អំឡុង​សីតុណ្ហភាពក្ដៅខ្លាំង
Connect with us
Helistar Cambodia - Helicopter Charter Services

សុខភាព

អ្នក​ជំនាញ​ព្រមាន​​គ្រោះ​ថ្នាក់ដោយ​ការ​ពាក់​ម៉ាស អំឡុង​សីតុណ្ហភាពក្ដៅខ្លាំង

បានផុស

នៅ

អ្នក​ជំនាញ​សុខាភិបាល បាន​អំពាវ​នាវ​ឲ្យ​មាន​ការ​ប្រុង​ប្រយ័ត្ន​បន្ថែម​ទៀត​សម្រាប់​រដូវ​ក្តៅ​កំពុង​ចូល​មក​ដល់ ស្រប​ពេល​មនុស្ស​ម្នា​ជុំ​វិញ​ពិភពលោក បាន​ព្យាយាម​ពាក់​ម៉ាសការពារ​វីរុស​កូវីដ ១៩ ដែល​នាំ​ហានិភ័យ​បង្ក​ឲ្យ​ពិបាក​ដក​ដង្ហើម និង​បាត់​បង់​ជាតិ​ទឹក​ធ្ងន់ធ្ងរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់​ម៉ាសការពារ​មុខ​ចំពេល​រដូវ​ក្តៅ នឹង​ធ្វើ​ឲ្យមនុស្ស​ជា​ច្រើន​ឆ្លងកាត់​បទ​ពិសោធន៍​ថ្មី​មួយ​ទៀត​សម្រាប់​ជីវិត​រស់​នៅ។ នេះ​បើ​តាម​ការ​លើក​ឡើង​របស់​សាស្ត្រាចារ្យ Yasufumi Miyake ប្រធាន​មជ្ឈមណ្ឌល​សេវា​សុខាភិបាល​សង្គ្រោះ​បន្ទាន់ នៃ​សាកលវិទ្យាល័យវេជ្ជសាស្ត្រ Teikyo ប្រទេសជប៉ុន។

ទំនាក់​ទំនង​រវាង​ការ​ពាក់​ម៉ាស នឹង​គ្រោះ​ថ្នាក់​អំឡុង​ពេល​រដូវ​ក្តៅ គឺ​ដោយ​សារ​ ការពាក់​ម៉ាស​​បាន​រាំង​ស្ទះ​ការ​ស្រូប​យក​ខ្យល់​ត្រជាក់​ចូល​ក្នុង​សួត នាំ​ឲ្យ​សាច់​ដុំ​ផ្លូវ​ដង្ហើម​រង​សម្ពាធ​កាន់​តែ​ធ្ងន់​ធ្ងរ ជា​លទ្ធផល​បណ្តាល​ឲ្យ​ដក​ដង្ហើម​បាន​ខ្លី ជា​ហេតុ​រាងកាយ​ប្រឈម​ហានិភ័យ​កើន​កម្តៅ​យ៉ាង​ឆាប់​រហ័ស។

សាស្ត្រាចារ្យ Yasufumi Miyake ដែល​ជា​អ្នកជំនាញ​ផ្នែក​ការពារ​ជំងឺ​ពាក់​ព័ន្ធ​រលក​កម្តៅ លើក​ឡើង​ទៀត​ថា កត្តា​សំខាន់​បំផុត​គឺ​ត្រូវ​ជួយ​ឲ្យ​សីតុណ្ហភាព​រាងកាយ​ចុះ​ត្រជាក់ ដើម្បី​ការពារ​បញ្ហា​ល្ហិត​ល្ហៃ​ដោយ​សារ​កម្តៅ និង​ឡើង​កម្តៅ​រាងកាយ។ ​លោកបាន ណែនាំ​ឲ្យ​គ្រប់​គ្នា​បើ​អាច ត្រូវ​បើក​ម៉ាស៊ីន​ត្រជាក់ និង​ផឹក​ទឹក​ឲ្យ​បាន​ច្រើន និង​សម្រាក​ឲ្យ​បាន​គ្រប់​គ្រាន់។

ជាមួយ​គ្នា​នេះ សាស្ត្រាចារ្យ Noriyuki Koibuchi មក​ពី​សាកល​វិទ្យាល័យ​វេជ្ជសាស្ត្រ Gunma University ជំនាញ​ផ្នែក​សរីរវិទ្យា​បរិស្ថាន លើក​ឡើង​ដែរ​ថា លើ​ផ្ទៃ​មុខ​របស់​យើង​គឺ​មាន​សរសៃ​ប្រសាទ​ជាច្រើន នាំ​ឲ្យ​ងាយ​ឡើង​កម្តៅ និង​ចុះ​ត្រជាក់​ជាង​ផ្នែក​ផ្សេងៗ​នៃ​រាងកាយ។ លោក​ថា ដើម្បី​កាត់​បន្ថយ​ហានិភ័យ​ឡើង​កម្តៅ​អំឡុង​ពេល​ពាក់​ម៉ាស់ យើង​គួរ​តែ​ប្រើ​ទឹក​ត្រជាក់​ផ្សើម​ទៅ​លើ​ថ្ងាស​ឲ្យ​បាន​ញឹក​ញយ។

សាស្ត្រាចារ្យ​រូប​នេះ​ព្រមាន​ទៀត​ថា នៅ​ពេល​យើង​ពិបាក​ដកដង្ហើម​ដោយ​សារ​ពាក់​ម៉ាស ហាម​ដាច់​ខាត​មិន​ត្រូវ​ហាត់​ប្រាណ​របៀប​ធ្ងន់ៗ​នោះ​ឡើង ព្រោះ​ក្នុង​ប្រទេស​ចិន មាន​សិស្ស​វិទ្យាល័យ ២នាក់ បាន​ស្លាប់​ដោយ​សារ​ពាក់​ម៉ាស​អំឡុង​ពេល​ហាត់​ប្រាណ​ធ្ងន់ៗនេះ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ របៀបពាក់ម៉ាសឱ្យបានត្រឹមត្រូវតាមក្បួនសុខាភិបាល

ចុចអាន៖ តើអ្នកចាក់វ៉ាក់សាំងគ្រប់ដូសហើយ អាចឆ្លងវីរុសកូរ៉ូណាបំប្លែងខ្លួនដែរឬទេ?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services