KPT+

មនុស្សស្រី៨៨%ចំណាយពេលស្វែងរកបុរសអ្នកមាន ជាជាងខំឲ្យមានខ្លួនឯង

បានផុស

៣ years មុន

នៅ

ថ្ងៃពុធ ១៨ វិច្ឆិកា ២០២០

ដោយ

ការសិក្សាមួយនៅកូរ៉េខាងត្បូងបានបង្ហាញថា ការជ្រើសរើសរៀបការជាមួយមនុស្សដែលមានសមភាពចំណេះដឹងនិង ទ្រព្យរវាងគ្នា ប្រសើរជាងរៀបការជាមួយអ្នកមាន ខណៈគេរកឃើញថាមនុស្សស្រី៨៨.៣៤ភាគរយ បានសារភាពស្តាយក្រោយ ដែលធ្លាប់បណ្តោយជីវិតអាជីពខ្លួនឲ្យហួសអស់ ដោយសារតែរត់តាមចាប់ប្រុសអ្នកមាន។

រៀបការជាមួយមនុស្សមានឋានៈប្រដំស្មើគ្នា គឺប្រសើរជាងចិញ្ចឹមចិត្តចង់រៀបការជាមួយអ្នកមានឋានៈជាងព្រោះទីមួយមិនងាយបានសម្រេចបំណង បានហើយងាយលែងលះវិញ ទំនាក់ទំនងកាន់តែធ្លាក់ចុះមិនដូចកាលពីចាប់ផ្តើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកដែលនៅតែស្ថិតស្ថេរក្នុងទំនាក់ទំនងជាគូជីវិតភាគច្រើនបានលើដៃគូដែលម្នាក់ៗស្មើភាពគ្នានៅក្នុងសមិទ្ធិផលជីវិតមិនថាលុយឬចំណេះជំនាញ។

អ្នកដែលមានកម្រិតសមិទ្ធិផលប្រហាក់ប្រហែល នឹងមានអាយុប្រដំគ្នា មានប្រាក់ចំណូលបទពិសោធន៍ប្រហាក់ប្រហែលងាយគោរពសិទ្ធិគ្នា និងមានការនិយាយគ្នាត្រូវគ្រប់របត់នៃជីវិតជាងដែលភាគីម្ខាងចំណុះឲ្យម្ខាងៗ។

ក្នុងចំណោមហេតុផលជាច្រើនដែលធ្វើឲ្យមនុស្សបែកបាក់ ការខ្វះការគោរពអាចជាហេតុផលលេខលំដាប់លេខមួយ១ព្រោះម្ខាងអាងលុយ ម្ខាងអាងសម្រស់។ល។ អមដោយការអាក់អន់ចិត្តដែលជាចំណុចលេខ ២ ។

ចំណង់ចំណូលចិត្តរាងកាយគ្រាន់តែជាភ្លើងដែលឆេះមួយឆាប ចំណងចិត្តទើបយូរអង្វែង។

ក្នុងនាមជាមនុស្សម្នាក់ ដែលចង់ក្លាយជាអ្នកមាន ធំឡើងមកភ្លាម នារីជាច្រើនរំពៃគិតរៀបការជាមួយអ្នកមាន ហើយចង់ទាក់ទាញសង្គមឲ្យងាកមកកោតសរសើរខ្លួនអស់មួយជីវិត ដូចច្នេះបានជាភាពយន្តស្នេហាណា ដែលមានតួប្រុសជា ទេវបុត្រ រមែងមានគេមើលច្រើន ដូចជា Crazy Rich Asian និង Fifty shades of gray ។ល។

គុណវិបត្តិ គឺពួកគេកម្របានរៀបការដោយសារ តែពួកគេចំណាយជីវិតលើរឿងនោះខ្លាំងពេក ភ្លេចអំពីរបៀបបង្កើ់តតម្លៃពិតរបស់ខ្លួន។

បុរសអ្នកមានឱកាសកាន់តែច្រើនក្នុងការឈានទៅមុខ។ សម្រាប់អ្នកដែលមានមោទនភាពនិងការលើកទឹកចិត្តខ្លួនឯងដើម្បីធ្វើអ្វីមួយដោយខ្លួនឯង គេទុកមនុស្សស្រីរត់តាមស្រមោលគេជារឿងលេងសើច។

មនុស្សស្រីណាដែលចំណាយពេលគេចសាលា ទៅជប់លៀងនិងដើរលេងស្វែងរកបុរសប្រភេទខាងលើ ភាគច្រើនមានជីវិតរញ៉េរញ៉ៃដោយសារការខកចិត្តជានិច្ចជាកាលឬមានស្វាមីច្រើន។

តាមទស្សនៈវិវត្តចុងក្រោយនៃសម្រង់មតិនោះ អ្នកឆ្លើយសំណួរភាគច្រើន បានចាត់ទុកថា ការប៉ុនប៉ងរៀបការជាមួយប្រុសឬស្រីដែលអ្នកមានជាងខ្លួន គឺកើតមានដោយការភ្លើតភ្លើនមួយគ្រា ហើយបើនៅតែអូសបន្លាយយូរទៀត ព្រោះមនុស្សនោះខ្លួនឯងមិនចេះថ្លឹងថ្លែងពិចារណា។

ប្រែសម្រួល៖ ស្រស់

ចុចអាន៖មនុស្សប្រុសច្រណែនខ្លាំងជាងមនុស្សស្រីក្នុងវិស័យការងារ?

Related Topics:ប្រទេសកូរ៉េខាងត្បូង