ព័ត៌មានអន្ដរជាតិ

ចារកម្មក្រុងសេអ៊ូល៖ អាមេរិកនឹងវាយកូរ៉េខាងជើង បើកូរ៉េខាងត្បូងរងការវាយប្រហារនុយក្លេអ៊ែរ

បានផុស

១២ ខែ មុន

នៅ

ថ្ងៃព្រហស្បតិ៍ ១៩ មិថុនា ២០២៥

ដោយ

Chheang

លោក Lee Jong-seok ដែលជាបេក្ខជនថ្មីត្រៀមទទួលតំណែងជាប្រធានចារកម្មជាតិកូរ៉េខាងត្បូង (NIS) បានលើកឡើងថា លោកជឿថាសហរដ្ឋអាមេរិកនឹងធ្វើការវាយប្រហារនុយក្លេអ៊ែរប្រឆាំងនឹងកូរ៉េខាងជើង បើទីក្រុងព្យុងយ៉ាងហ៊ានបើកការវាយប្រហារនុយក្លេអ៊ែរលើកូរ៉េខាងត្បូង។

សកម្មភាពមេដឹកនាំកូរ៉េខាងជើងកំពុងចុះត្រួតពិនិត្យសព្វាវុធ (រូបថត៖ Reuters)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំឡុងសវនាការក្នុងរដ្ឋសភានាថ្ងៃទី១៩ខែមិថុនានេះនៅពេលត្រូវគេសួរនាំថាតើទីក្រុងវ៉ាស៊ីនតោននឹងសងសឹកដែរឬទេ បើទោះបីជាការធ្វើដូច្នេះបានធ្វើឲ្យកងកម្លាំងអាមេរិកប្រឈមនឹងហានិភ័យនុយក្លេអ៊ែរក៏ដោយ លោក Lee បានឆ្លើយតបថា «បាទ នោះជាជំនឿរបស់ខ្ញុំ» ដោយអះអាងថា សម្ព័ន្ធមិត្តរបស់ក្រុងសេអ៊ូលនឹងចូលជួយជាក់ជាមិនខាន បើកូរ៉េខាងត្បូងត្រូវបានវាយប្រហារដោយអាវុធនុយក្លេអ៊ែរពីកូរ៉េខាងជើង។

ការប្រកាសនេះ ធ្វើឡើងចំពេលមានការព្រួយបារម្ភកាន់តែខ្លាំងអំពីកម្មវិធីនុយក្លេអ៊ែររបស់កូរ៉េខាងជើង និងការស្តុកទុកសម្ភារៈសម្រាប់ផលិតអាវុធបរិមាណូ។ ទោះបីជាទីក្រុងព្យុងយ៉ាងមិនទាន់បានសាកល្បងមីស៊ីលបំពាក់ក្បាលគ្រាប់នុយក្លេអ៊ែរក៏ដោយ ក៏មហិច្ឆតានុយក្លេអ៊ែររបស់ប្រទេសមួយនេះនៅតែជាកង្វល់សន្តិសុខដ៏ធំបំផុតសម្រាប់ទីក្រុងសេអ៊ូល។

លោក Lee ត្រូវបានតែងតាំងជាបេក្ខជនថ្មីត្រៀមដឹកនាំភ្នាក់ងារចារកម្មជាតិកូរ៉េខាងត្បូង នៅពេលដែលប្រធានាធិបតីទើបជាប់ឆ្នោតលោក Lee Jae Myung ចូលកាន់តំណែងកាលពីថ្ងៃទី៤ខែមិថុនា។

សូមជម្រាបថា បើយោងតាមរបាយការណ៍របស់វិទ្យាស្ថានស្រាវជ្រាវសន្តិភាពអន្តរជាតិ Stockholm (SIPRI) កូរ៉េខាងជើងត្រូវបានគេប៉ាន់ប្រមាណថាមានក្បាលគ្រាប់នុយក្លេអ៊ែរប្រហែល ៥០គ្រាប់គិតត្រឹមខែមករាឆ្នាំ២០២៥។ បច្ចុប្បន្ន កូរ៉េខាងជើង មានសម្ភារៈ និងធាតុផ្សំគ្រប់គ្រាន់សម្រាប់ផលិតរហូតដល់ ៤០គ្រាប់ថ្មីបន្ថែមទៀត៕

ដោយ៖ ឈាង