តែបៃតងពិត មិនឆុងចេញពណ៌បៃតងទេ ព្រោះថា…..

ចុះតែដែលមាន​ពណ៌បៃតងហូបរាល់ថ្ងៃ ជាអ្វីវិញ?

យោងតាម Foodnetwork.com តែបៃតងមិនមែនសំដៅលើឆុងចេញមកមាន​​ពណ៌បៃតងទេ គឺ​ផ្តោត​លើ​ស្លឹកតែដែលមាន​ពណ៌បៃតងនិងមានក្លិនស្មៅស្រស់។

តែនេះមាន ក្លិនក្រអូបនៅពេល​ដែល​ស្លឹកតែត្រូវបាន​លីង​ស្ងួតប៉ុណ្ណោះ ចំណែក​តែឆុងចេញមានពណ៌​បែតង​ដិត ឬក្លិនឈ្ងុយឆួលខ្លាំង ជាប្រភេទ​សំយោគ ជាមួយពណ៌បន្ថែម​ឬ​គីមីក្លិន។

តែសំយោគអស់ទំាងនេះមាន​តម្លៃធូរ ខុសឆ្ងាយពីតែបៃតងពិត​ដែលថ្លៃ និងមានគុណភាព​មហាសាល​ចំពោះសុខភាព។

ជាទូទៅ​តែបៃតងពិតៗ ឆុងចេញមក មាន​ពណ៌លឿងចាស់ ឬ​ពណ៌ត្នោត ដូចតែនានា ។ បៃតងនេះ ត្រូវបានផលិតចេញពីស្លឹក Camellia sinensis ដូចដែលគេ​ប្រើដើម្បីផលិតតែអូតែឡុងនិងតែខ្មៅ Balkce Tea ដែរ ភាពខុសប្លែក​គឺ​គេយកវាតែត្រួយណាដែលបៃតងស្រងាត់មករំលីង។

ការធ្វើបែបនេះ ធ្វើឱ្យតែបៃតង បន្សល់ទុកយ៉ាងល្អនូវសារជាតិ Catechins ដែលមាន​សមត្ថភាព​ប្រឆាំងអុកស៊ីតកម្មធម្មជាតិ ជួយការពារការបំផ្លាញកោសិកាក្នុងរាងកាយ រួមទាំងសារជាតិកាហ្វេអ៊ីនដែលមានឈ្មោះថា EGCG។ការសិក្សារបស់​អ្នកស្រាវជ្រាវនៅសាកលវិទ្យាល័យ Purdue បានរកឃើញថា ការបន្ថែមទឹកក្រូចឆ្មារឬជាតិ​វីតាមីន C ទៅក្នុងតែបៃតង ជួយឱ្យរាងកាយស្រូបយកជាតិកាហ្វេអ៊ីនកម្រិត​សមល្មម ដែលអាច​​ប្រឆាំងអុកស៊ីតកម្ម បង្កើនការដុតបំផ្លាញជាតិខ្លាញ់និងជួយឱ្យអ្នកស្រកទម្ងន់​បាន​។

ជាទូទៅ​ដើម្បីទទួលបានប្រសិទ្ធិភាព​គេត្រូវ​ឆុង​តែនេះ​ក្នុង​សីតុណ្ហភាពត្រឹមត្រូវគឺទឹក​១០០អង្សារមិនលើសពីនេះ ហើយ​ឆុងក្នុងពេល​កន្លះនាទីលើកចេញ។​

ការ​បន្ថែមទឹកឃ្មុំឬជាតិ​ផ្អែមផ្សេងទៀតនៅតែអាចជួយដល់ការសម្រកទំងន់ ​ប៉ុន្តែ​ទាល់តែ​យើង​ទិញប៉ះ​តែបៃតងពិត ដែល​គេ​ប្រើស្លឹកតែមានគុណភាពខ្ពស់មករំលីង។ តែនេះមិនគួរញ៉ាំ​ក្រោយម៉ោង​៩យប់ទេ។​

ដំបូងឡើយ តែបៃតងមានដើមកំណើតនៅប្រទេសចិន ប៉ុន្តែដោយសារទីផ្សារ​រីកចម្រើនខ្លាំង ការផលិតនិងការបោកបញ្ឆោតបានរីករាលដាលដល់ប្រទេសជាច្រើនទៀតនៅអាស៊ី៕

ប្រែសម្រួល៖ ស្រស់​

ចុចអាន៖ តិចនិក រក្សាបន្លែ ផ្លែឈើ ឲ្យស្រស់បានយូរ