សុខភាព

ដឹងទេ! តែបៃតងអាចជួយសម្រកទម្ងន់បាន

បានផុស

៩ ខែ មុន

នៅ

ថ្ងៃសុក្រ ២៩ កញ្ញា ២០២៣

ដោយ

មានវិធីជាច្រើនដែលមានប្រសិទ្ធភាពក្នុងការសម្រកទម្ងន់ រួមទាំងការគ្រប់គ្រងរបបអាហារផងដែរ។ ក្នុងនោះមានទាំងលំហាត់ប្រាណ ការជ្រើសរើសអាហារដែលជួយឲ្យស្រកទម្ងន់បានយ៉ាងងាយ។

តែបៃតងក៏ជាជម្រើសមួយដែលប្រជាជនជប៉ុនប្រើដើម្បីជួយសម្រកទម្ងន់។ ចូរយើងស្វែងយល់ថាហេតុអ្វីបានជាតែបៃតងអាចជួយអ្នកក្នុងការសម្រកទម្ងន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ ឥទ្ធិពលរួមរវាងជាតិកាហ្វេអ៊ីន និង catechins

ជាតិកាហ្វេអ៊ីននៅក្នុងតែរំញោចក្រពេញ Adrenal ឲ្យបញ្ចេញ adrenaline និង noradrenaline កាន់តែច្រើនទៅក្នុងឈាម។ Noradrenaline ទទួលខុសត្រូវក្នុងការបង្កើន lipolysis នៅក្នុងជាលិកា adipose ។ Catechin គឺជាសារធាតុ polyphenol ដែលត្រូវបានបែងចែកជា៤ ប្រភេទ: epicatechin, epicatechin gallate និង Epigallocatechin gallate ក្នុងចំណោមសារធាតុ polyphenolic ទាំងអស់ epigallocatechin gallate ឬ EGCG គឺជាសារធាតុប្រឆាំងអុកស៊ីតកម្មដ៏មានឥទ្ធិពលដែលការពារការបំបែកអរម៉ូន noradrenaline ដែលមានឥទ្ធិពលដុតបំផ្លាញជាតិខ្លាញ់ក្នុងរាងកាយ។ ដូច្នេះវាអនុញ្ញាតឲ្យរាងកាយរក្សាឥទ្ធិពលនៃការរំលាយអាហារជាតិខ្លាញ់បានយូរ។

២ សារធាតុ Polyphenols ក្នុងតែបៃតង បង្កើនសមត្ថភាពរបស់ថ្លើមក្នុងការបន្សាបជាតិពុល

សារធាតុ Polyphenols នៅក្នុងតែបៃតង និង matcha មានសមត្ថភាពពង្រឹងមុខងារថ្លើម ជួយបណ្តេញជាតិពុលចេញពីរាងកាយ។ នៅពេលដែលជាតិពុលត្រូវបានបញ្ចេញយ៉ាងងាយស្រួល វានឹងធ្វើឲ្យរាងកាយដុតបំផ្លាញជាតិខ្លាញ់បានល្អប្រសើរ និងធ្វើឲ្យវាកាន់តែស្លីមជាងមុន។

៣ Theanine ក្នុងតែបៃតងកាត់បន្ថយចំណង់អាហារ

L-theanine គឺជាអាស៊ីតអាមីណូដែលមានច្រើននៅក្នុងតែបៃតង និង matcha ។ វាមានលក្ខណៈសម្បត្តិធ្វើឲ្យរាងកាយសម្រាក និងធ្វើឲ្យអ្នកគេងលក់ស្រួល។ ជាងនេះទៅទៀត សារធាតុប្រភេទនេះក៏ជួយកែតម្រូវកម្រិតនៃសារធាតុបញ្ជូនសរសៃប្រសាទ Serotonin និង Dopamine ឲ្យស្ថិតក្នុងស្ថានភាពមានតុល្យភាព។ ដូច្នេះហើយ វាជួយបន្ថយអារម្មណ៍នៃចំណង់អាហារ និងនាំឲ្យស្រកទម្ងន់។

ប្រសិនបើអ្នកស្ថិតក្នុងដំណើរការនៃការគ្រប់គ្រង និងសម្រកទម្ងន់ សូមសាកល្បងប្រើតែបៃតង ដើម្បីជួយឲ្យអ្នកស្រកទម្ងន់បានលឿន។ វាត្រូវបានគេរកឃើញថាការផឹកតែបៃតង ១ ពែងមុនពេលញ៉ាំអាហារមានប្រសិទ្ធភាពក្នុងការដុតបំផ្លាញជាតិខ្លាញ់ក្នុងខ្លួន។ ហើយបរិមាណដែលអ្នកផឹកសម្រាប់ការសម្រកទម្ងន់គួរតែមានប្រហែល ៥០០ មីលីលីត្រក្នុងមួយថ្ងៃ តែបៃតងប្រភេទខ្លះមានបរិមាណជាតិកាហ្វេអ៊ីនខ្ពស់ ដូច្នេះត្រូវប្រុងប្រយ័ត្នកុំផឹកវា មុនពេលចូលគេង៕