ព័ត៌មានជាតិ
សម្តេចធីបតីប្រកាស មិនឲ្យក្រុមហ៊ុនផ្តាច់មុខដឹកកម្មករ ដើម្បីរក្សាឆ្នាំងបាយអាជីពអ្នកបើកបរ
ការរៀបចំការដឹកជញ្ជូនដោយសុវត្ថិភាព សុខុមាលភាព ជាការគិតគូរយកចិត្តទុកដាក់ពីរដ្ឋាភិបាលដល់កម្មករបម្រើការងារ ប៉ុន្តែក៏ត្រូវគិតពីឆ្នាំងបាយអាជីពអ្នកបើកបរផងដែរ។ នេះបើតាមការគូសបញ្ជាក់របស់សម្តេចធិបតី ហ៊ុន ម៉ាណែត ក្នុងពិធីជួប “សំណេះសំណាលជាមួយថ្នាក់ដឹកនាំអង្គការវិជ្ជាជីវៈ ក្នុងឱកាសខួបអនុស្សាវរីយ៍លើកទី១៣៩ ទិវាពលកម្មអន្តរជាតិ ១ ឧសភា” នៅព្រឹកនេះ។
មានក្រុមហ៊ុនស្នើសុំធ្វើរថយន្តក្រុងដឹកកម្មករតែម្តង ប៉ុន្តែសម្ដេចថ្លែងឲ្យគិតទាំងសងខាងពីសុខុមាលភាពរបស់កម្មករផង និងអាជីពអ្នកបើកបរផងដែរ។
សម្ដេចបានអះអាងថា ការផ្តល់លទ្ធភាពឲ្យក្រុមហ៊ុនផ្តល់សេវាដឹកកម្មករ ក៏ត្រូវគិតគូរពីឆ្នាំបាយរបស់អ្នកបើកបរ ប៉ុន្តែក៏មិនភ្លេចត្រូវយកចិត្តុទុកដាក់ពីសុខុមាលភាពរបស់កម្មករនោះដែរ។
សម្តេចថា កិច្ចការនេះត្រូវអនុវត្តបន្តិចម្តងៗ ហើយសម្តេចឲ្យរួមគ្នាពង្រឹងលើសេវាដឹកជញ្ជូនឲ្យមានប្រសិទ្ធភាព ដោយត្រូវធ្វើការជាមួយសមាគមអ្នកដឹកជញ្ជូន ដើម្បីបម្រើបានផលប្រយោជន៍ជូនដល់កម្មករនិយោជិត។
ជាមួយគ្នានេះ សម្តេចបានស្នើដល់ម្ចាស់រថយន្តសូមបើកបរគិតគូរពីសុវត្ថិភាព ខណៈដែលរថយន្តដឹកកម្មករភាគច្រើនចាស់ ដែលការបើកបរត្រូវមានការប្រុងប្រយ័ត្នខ្ពស់។
បើតាមបេឡាជាតិសន្តិសុខសង្គម នៅក្នុងចំណោមរថយន្តដែលកំពុងផ្តល់សេវាដឹកជញ្ជូនកម្មករនិយោជិតទៅមកបំពេញការងារ ដែលមានជិត ៤.០០០គ្រឿង គឺមានប្រមាណ ៦០ ភាគរយ ជារថយន្តប្រភេទដឹកទំនិញ។
រដ្ឋាភិបាលកំពុងជំរុញការផ្លាស់ប្តូររថយន្តដឹកកម្មករប្រភេទរថយន្តទំនិញដែលកម្មករនិយោជិតត្រូវឈរ ឬអង្គុយប្រជ្រៀតគ្នាណែនតាន់តាប់ មកជារថយន្តដែលមានសុវត្ថិភាពប្រសើរជាង៕
-
ព័ត៌មានអន្ដរជាតិ២ ម៉ោង agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
កីឡា៤ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៣ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
អត្ថាធិប្បាយ៥ ថ្ងៃ agoវិចារណកថាចក្ខុវិស័យកែទម្រង់យោធាកម្ពុជា៖ ពីកម្លាំងបរិមាណ ឆ្ពោះទៅកងទ័ពជំនាញឌីជីថល និងមនសិកាការពារជាតិ
-
ព័ត៌មានអន្ដរជាតិ៥ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានអន្ដរជាតិ៤ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានជាតិ២ ថ្ងៃ agoរោងចក្រផលិតជីក្រុមហ៊ុន ម៉ុង ឫទ្ធី ចាយទុនប្រមាណ ១០ លាន នឹងចាប់ផ្តើមផលិតចែកចាយលក់ក្នុងតម្លៃទាប ជួយកសិករដាំដុះដំណាំកសិកម្ម
-
ព័ត៌មានអន្ដរជាតិ២ ថ្ងៃ agoពូទីន៖ រុស្ស៊ីតែម្នាក់ឯង ត្រូវប្រយុទ្ធជាមួយ លោកខាងលិចទាំងមូល ក្នុងសង្គ្រាមនៅ អ៊ុយក្រែន