សុខភាព

ដឹងទេ! តែបៃតងអាចជួយសម្រកទម្ងន់បានយ៉ាងមានប្រសិទ្ធភាព

បានផុស

៣ years មុន

នៅ

ថ្ងៃសៅរ៍ ៣ មិថុនា ២០២៣

ដោយ

មានវិធីដ៏មានប្រសិទ្ធភាពមួយចំនួនក្នុងការសម្រកទម្ងន់ រួមទាំងការគ្រប់គ្រងរបបអាហារផងដែរ។ លំហាត់ប្រាណ ការជ្រើសរើសអាហារដែលជួយលើកកម្ពស់ការសម្រកទម្ងន់យ៉ាងងាយស្រួល។ យ៉ាងណាមិញ តែបៃតងគឺជាជម្រើសមួយដែលប្រជាជនជប៉ុនប្រើប្រាស់ជាជំនួយក្នុងការសម្រកទម្ងន់។ ចូរយើងស្វែងយល់ថាហេតុអ្វីបានជាតែបៃតងអាចជួយអ្នកក្នុងការសម្រកគីឡូបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១ ឥទ្ធិពលរួមរវាងជាតិកាហ្វេអ៊ីន និង catechins

ជាតិកាហ្វេអ៊ីននៅក្នុងតែរំញោចក្រពេញឲ្យបញ្ចេញអរម៉ូន adrenaline និង noradrenaline កាន់តែច្រើននៅក្នុងឈាម។ Noradrenaline ទទួលខុសត្រូវក្នុងការបង្កើន lipolysis នៅក្នុងជាលិកា adipose ។ Catechins គឺជាសារធាតុ polyphenols បួនប្រភេទគឺ epicatechins epigallocatechins និង catechins ។ epigallocatechin, epicatechin gallate និង epigallocatechin gallate ក្នុងចំណោម polyphenols ទាំងអស់ epigallocatechin gallate ឬ EGCG គឺជាសារធាតុប្រឆាំងអុកស៊ីតកម្មមានប្រសិទ្ធភាពខ្ពស់ដែលការពារការបំបែកអរម៉ូន noradrenaline ដែលមានឥទ្ធិពលដុតបំផ្លាញជាតិខ្លាញ់ក្នុងរាងកាយ។ ដូច្នេះ រាងកាយរក្សាឥទ្ធិពលនៃការរំលាយជាតិខ្លាញ់ឲ្យបានយូរ។

២ សារធាតុ polyphenols ក្នុងតែបៃតងបង្កើនសមត្ថភាពរបស់ថ្លើមក្នុងការបន្សាបជាតិពុល

សារធាតុ polyphenols ក្នុងតែបៃតង និង matcha មានប្រសិទ្ធភាពពង្រឹងមុខងារថ្លើម ជួយបណ្តេញជាតិពុលចេញពីរាងកាយ។ នៅពេលដែលជាតិពុលត្រូវបានបញ្ចេញយ៉ាងងាយស្រួល នឹងធ្វើឲ្យរាងកាយដុតបំផ្លាញជាតិខ្លាញ់បានល្អ និងធ្វើឲ្យវាកាន់តែងាយស្រួលក្នុងការកាត់បន្ថយ។

៣ Theanine ក្នុងតែបៃតងកាត់បន្ថយចំណង់អាហារ

L-theanine គឺជាអាស៊ីតអាមីណូដែលមានច្រើននៅក្នុងតែបៃតង និង matcha ។ វាមានលក្ខណៈសម្បត្តិដែលធ្វើឲ្យរាងកាយសម្រាក និងធ្វើឲ្យការគេងលក់ស្រួល។ លើសពីនេះ សារធាតុនេះក៏ជួយកែតម្រូវកម្រិតនៃសារធាតុបញ្ជូនសរសៃប្រសាទ serotoninនិង dopamine ក្នុងស្ថានភាពមានតុល្យភាព។ នេះអាចជួយបន្ថយចំណង់អាហារ និងនាំឲ្យស្រកទម្ងន់។

ប្រសិនបើអ្នកគ្រប់គ្រង និងស្រកទម្ងន់ សូមសាកល្បងប្រើតែបៃតងជាជំនួយ ដើម្បីជួយឲ្យអ្នកស្រកទម្ងន់បានលឿន។ ជាមួយគ្នានេះដែរ យោងតាមការស្រាវជ្រាវបញ្ជាក់ថាការផឹកតែបៃតង ១ ពែងមុនពេលអាហារក៏មានប្រសិទ្ធភាពក្នុងការដុតបំផ្លាញជាតិខ្លាញ់ក្នុងខ្លួនផងដែរ។ ហើយបរិមាណនៃភេសជ្ជៈសម្រាប់ការសម្រកទម្ងន់គួរតែមានប្រហែល ៥០០ មីលីលីត្រក្នុងមួយថ្ងៃ។ ទោះជាយ៉ាងណាក៏ដោយ តែបៃតងប្រភេទខ្លះមានជាតិកាហ្វេអ៊ីនខ្ពស់ ដូច្នេះសូមប្រយ័ត្នកុំផឹកមុនពេលចូលគេង៕