ព័ត៌មានជាតិ
ស្ដាប់អ្នកនាំពាក្យអគ្គនគរបាលជាតិបញ្ជាក់ ក្រោយការបែកធ្លាយសំឡេង ស្តីពីការអនុវត្តច្បាប់ចរាចរណ៍
នៅថ្ងៃទី២០ ខែមិថុនា ឆ្នាំ២០២២ នេះ បានបែកធ្លាយសារសម្លេង ក៏ដូចជាលិខិតស្តីពីការបន្ធូរបន្ថយ នៃការអនុវត្តច្បាប់ចរាចរណ៍ផ្លូវគោក ហើយបញ្ហានេះ បាននាំឱ្យមានការជជែកគ្នានៅតាមបណ្ដាញព័ត៌មាន ក៏ដូចជាបណ្ដាញសង្គមផ្សេងៗ នាំឲ្យមានការយល់ច្រឡំ ចំពោះការអនុវត្តច្បាប់ ស្តីពីចរាចរណ៍ផ្លូវគោក។
លោកឧត្តមសេនីយ៍ឯក ឆាយ គឹមខឿន អ្នកនាំពាក្យអគ្គនគរបាលជាតិបានមានប្រសាសន៍ប្រាប់កម្ពុជាថ្មីនារសៀលនេះថា គេមិនដែលឱ្យអនុវត្ត ឬកាត់បន្ថយការអនុវត្តលិខិតបទដ្ឋានដោយមាត់ទទេនោះទេ យើងអនុវត្តអនុក្រឹត្យ។ អញ្ចឹងប្រសិនបើមានការលើកលែង ត្រូវមានលិខិតណែនាំផ្សេងៗ និងមានក្រដាសស្នាមនាំជាផ្លូវការ។ លោកបញ្ជាក់ថា “អត់មានគោលការណ៍ឲ្យកាត់បន្ថយអី ចំណុចណាមួយនៅក្នុងអនុក្រឹត្យលេខ៣៩នោះទេ យើងអនុវត្តពីមុនមកយ៉ាងម៉េច គ្រាន់តែមានការណែនាំឱ្យអនុវត្តវិធានការច្បាប់ស្របទៅជាមួយនឹងការអប់រំដោយទន់ភ្លន់ អត់មានកំណត់ថា ចំណុចណាត្រូវលើកលែង ចំណុចណាត្រូវអនុវត្ត ដូចជាអត់មានគោលការណ៍ដែលនាំជាផ្លូវការឮរឿងហ្នឹងទេ”។
លោកឧត្តមសេនីយ៍ឯក ឆាយ គឹមខឿន បញ្ជាក់ទៀតថា “គេមិនដែលលុបការអនុវត្ត ដែលមានលិខិតស្នាមគតិយុត្តិហើយ ដោយនិយាយតែនឹងមាត់នោះទេ មិនដែលទេ បើចង់លុប គឺត្រូវចេញលិខិតស្នាមលិខិតបទដ្ឋានមួយទៀតដើម្បីលុប ឬដើម្បីនាំការអនុវត្ត”។
គួររំលឹកថា នៅថ្ងៃទី២០ ខែមិថុនា ឆ្នាំ២០២២ នេះ មានការបែកធ្លាយសារសម្លេងរបស់លោកវរសេនីយ៍ទោស ម៉ាន សុផាន់ណា នាយការិយាល័យនគរបាលចរាចរណ៍ផ្លូវគោកនៃនាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ ដែលបាននិយាយពាក់ព័ន្ធនឹងការអនុវត្តអនុក្រឹត្យលេខ៣៩ និងការរឹតបន្តឹងច្បាប់ចរាចរណ៍ផ្លូវគោក ដោយយោងតាមកិច្ចប្រជុំកាលពីថ្ងៃទី១៧ ខែមិថុនា ឆ្នាំ២០២២ ហើយសារសំលេង ក៏ដូចជាលិខិតនោះ ធ្វើការណែនាំដល់លោកនាយការិយាល័យទាំង២៥ រាជធានី-ខេត្ត ស្តីពីការកែសម្រួលចំពោះរថយន្ត៩ ចំណុច និងម៉ូតូ៧ ចំណុចរួមមាន៖
ទី១. រថយន្តពិន័យ៩ចំណុច ត្រូវកែសម្រួលមក ការអប់រំ៥ ចំណុច និងពិន័យ៤ចំណុច៖
ការអប់រំ៥ ចំណុចរួមមាន៖ ១. មិនគោរពភ្លើងសញ្ញា ផ្លាកសញ្ញា ២. ការល្មើសបទ និងជែង ៣. ការមិនពាក់ខ្សែក្រវាត់ ៤. ការដឹកលើសចំណុះ (អប់រំណែនាំ និងរើទម្លាក់ចុះ តាមច្បាប់កំណត់) ៥. ការប្រើប្រាស់ទូរសព្ទ។
ការពិន័យ៤ ចំណុចរួមមាន៖ ១. ល្មើសល្បឿនកំណត់ ២. បើកបរក្នុងស្ថានភាពស្រវឹង ៣. គ្មានប័ណ្ណបើកបរ ៤. អត់ផ្លាកលេខ និងប័ណ្ណសម្គាល់រថយន្ត។
ទី២. ម៉ូតូពិន័យ០៧ ចំណុច ត្រូវកែសម្រួលមក ការអប់រំ៤ចំណុច និងពិន័យ៣ចំណុច៖
ការអប់រំ៤ ចំណុចរួមមាន៖ ១. មិនគោរពភ្លើងសញ្ញា ផ្លាកសញ្ញា ២. ការល្មើសបទ និងជែង ៣. ការប្រើប្រាស់ទូរសព្ទ ៤. គ្មានកញ្ចក់ឆ្លុះត្រឡប់ក្រោយ។
ការពិន័យ០៣ចំណុចរួមមាន៖ ១. មិនពាក់មួកសុវត្ថិភាព (តែត្រូវចេះបត់បែនតាមកាលៈទេសៈ បើមិនអាចទេ ត្រឹមធ្វើការអប់រំ) ២. បើកបរក្នុងស្ថានភាពស្រវឹង ៣. គ្មានផ្លាកលេខ។
ជាការកត់សម្គាល់ សម្រាប់ការអនុវត្តច្បាប់ចរាចរណ៍តាមដងផ្លូវកន្លងមក តែងមានការថ្នាំងថ្នាក់ពីប្រជាពលរដ្ឋផងដែរ ជាពិសេសការចាប់ផាកពិន័យ រហូតមានការប្រទូស្តរាយគ្នាទៀតផង។ ទន្ទឹមនោះ ក៏មានអ្នកដំណើរខ្លះ មិនបានចូលរួមអនុវត្តឲ្យបានត្រឹមត្រូវនៅឡើយទេ ដូចជាការបើកបរមិនគោរពភ្លើងក្រហម ការជែងមិនមើលគន្លងផ្លូវ និងបើកបរក្នុងស្ថានភាពស្រវឹងជាដើម៕
ដោយ ៖ កោះកែវ
ស៊ីម៉ាក់ បំផ្ទុះគ្រាប់បែកចង្កោម សេសស់ពីសង្គ្រាម១២០គ្រាប់ ក្រោយរកឃើញក្នុងរណ្ដៅ
ទិវាចងចាំនឹងប្រារព្ធឡើង ក្នុងកម្រិតធំជាងឆ្នាំមុន ដោយមានអង្គទូត និង ពលរដ្ឋចូលរួមជិត១ម៉ឺននាក់
កូនស្វាដ៏កម្រ ស្ទើរផុតពូជ៣ក្បាល ត្រូវពលរដ្ឋសង្រ្គោះរួចប្រគល់ជូនជំនាញមន្ទីរបរិស្ថាន
ដំណើរជិះកង់សប្បុរសធម៌ តារារិទ្ធ ត្រូវចាត់ទុកជាបេសកកម្មដ៏មានតម្លៃ និងបានការយកចិត្តទុកដាក់ពីរដ្ឋមន្ត្រីព័ត៌មាន
ខេត្តភូកេតប្រទេសថៃប្រកាសអាសន្នទឹកជំនន់
រតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
រថយន្តក្រុងរដ្ឋដឹកអ្នកដំណើរជាង៥០នាក់ ធ្លាក់ចូលជ្រលងភ្នំនៅស្រីលង្កា មិនទាន់ដឹងមូលហេតុ
ហ្សេលេនស្គី ព្រមជួបពូទីន ទល់មុខ នៅតួកគី តែមានលក្ខខណ្ឌមួយ
ពលរដ្ឋ ថា ទុរេនមួនថងវៀតណាម លក់ជាច្រើនកន្លែងក្នុងខេត្តត្បូងឃ្មុំ តែគ្មានការត្រួតពិនិត្យ
រុស្ស៊ីប្រើដ្រូនជាង១០០គ្រឿងវាយអ៊ុយក្រែន មិនខ្វល់ពីការគំរាមនិងបទឈប់បាញ់អឺរ៉ុប
-
ព័ត៌មានអន្ដរជាតិ៦ ថ្ងៃ agoប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ជីវិតកម្សាន្ដ២ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ព័ត៌មានជាតិ៥ ថ្ងៃ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានអន្ដរជាតិ៦ ថ្ងៃ agoត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានជាតិ៥ ថ្ងៃ agoអាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ៧ ថ្ងៃ agoរុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
-
ព័ត៌មានអន្ដរជាតិ៤ ថ្ងៃ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ
-
ព័ត៌មានអន្ដរជាតិ៥ ថ្ងៃ agoរឿងកាន់តែធំ! ប៉ាគីស្ថាន ថា ជនស៊ីវិលស្លាប់កើនដល់៣១នាក់ ខណៈយន្តហោះមួយគ្រឿងធ្លាក់នៅ ឥណ្ឌា