កីឡា

អបអរសាទរ! ព្រះខ័នរាជស្វាយរៀង បង្កើតប្រវត្តិសាស្ត្រឡើងវគ្គផ្តាច់ព្រ័ត្រ AFC Challenge League

បានផុស

២ ខែ មុន

នៅ

ថ្ងៃព្រហស្បតិ៍ ១៧ មេសា ២០២៥

ដោយ

ក្លិបបាល់ទាត់ព្រះខ័នរាជស្បាយរៀង បានបង្កើតប្រវត្តិសាស្ត្រផ្ទាល់ខ្លួនក្នុងការឡើងទៅកាន់វគ្គផ្តាច់ព្រ័ត្រ ពានរង្វាន់ក្លិបអាស៊ីលំដាប់ទី៣ AFC Challenge League បន្ទាប់ពីបានយកឈ្នះក្រុមឥណ្ឌូណេស៊ី Madura United ដោយលទ្ធផល ៦-៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីជើងទី១ ព្រះខ័នរាជស្វាយរៀង បានយកឈ្នះ Madura United ដោយលទ្ធផល ៣-០ នៅពហុកីឡដ្ឋានជាតិមរតកតេជោ កាលពីថ្ងៃទី១០ ខែមេសា ឆ្នាំ២០២៥ ខណៈជើងទី២ ក្លិបរបស់កម្ពុជាបន្តធ្វើបានល្អទៀតដោយបានស្មើក្នុងលទ្ធផល ៣-៣។ សរុបទាំងពីរជើង ព្រះខ័នរាជស្វាយរៀងទទួលបានជ័យជម្នះដោយលទ្ធផល ៦-៣។

នេះជាប្រវត្តិសាស្ត្រលើកដំបូងក្នុងការឡើងទៅកាន់វគ្គផ្តាច់ព្រ័ត្រសម្រាប់ព្រះខ័នរាជស្វាយរៀង ក្នុងពានរង្វាន់ក្លិបអាស៊ីលំដាប់ទី៣នេះ ប៉ុន្តែជាក្លិបកម្ពុជាទី២ក្នុងការឡើងទៅកាន់វគ្គផ្តាច់ព្រ័ត្រ បន្ទាប់ពីភ្នំពេញក្រោន បានឡើងទៅកាន់វគ្គផ្តាច់ព្រ័ត្រលើកដំបូងកាលពីឆ្នាំ២០១១៕