កូវីដ-១៩

គេចមិនផុតឡើយ! ត្រឹមមួយឆ្នាំ ២០២០ អ្នកស្លាប់ដោយកូវីដក្នុងប្រទេសអ្នកមានៗជិត ១ លាននាក់ មហាអំណាចអាមេរិកស្ថិតនៅលើគេ

បានផុស

៤ years មុន

នៅ

ថ្ងៃសុក្រ ២១ ឧសភា ២០២១

ដោយ

អ្នកស្រាវជ្រាវបានរាយការណ៍ថា ខណៈរោគរាតត្បាតជាសកលនៅតែបន្តកើតមានទាំងករណីឆ្លងនិងស្លាប់ដោយគ្មានការស្រាកស្រាន្តនោះ ប្រទេសអ្នកមានក៏មិនអាចគេចផុតពីគ្រោះនេះបានដែរ ។ ក្នុងនោះប្រទេសអ្នកមានចំនួន ២៩ កាលពីឆ្នាំ ២០២០ មានអ្នកស្លាប់ដោយសារជំងឺកូវីដ ១៩ ជិត ១ លាននាក់ ហើយសហរដ្ឋអាមេរិកមានចំនួនខ្ពស់ជាងគេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាសោកនាដកម្មនៃវិបត្តិរោគរាតត្បាតនេះ បានសម្លាប់មនុស្សប្រមាណ ៩៧៩,០០០ នាក់ ដែលបានស្លាប់នៅក្នុងប្រទេសអ្នកមាន ចំនួន ២៩ កាលពីឆ្នាំមុន។

ប្រទេសចំនួន ៥ ដែលមានចំនួនអ្នកស្លាប់ច្រើនជាងគេគឺ សហរដ្ឋអាមេរិកមានចំនួន ៤៥៨,០០០ នាក់ អង់គ្លេសមាន ៩៤,៤០០ នាក់ អ៊ីតាលី ៨៩,១០០ អេស្ប៉ាញ ៨៤,១០០ និងប៉ូឡូញមាន ៦០,១០០ នាក់។ ដោយឡែកមានប្រទេសនូវែលហ្សេឡង់ ន័រវែសនិងដាណឺម៉ាក ដែលមានការស្លាប់ដោយកូវីតតិចតួចជាងគេ។

នៅប្រទេសភាគច្រើនអត្រាមរណភាពហួសកម្រិតខ្ពស់ចំពោះបុរសជាងស្ត្រី ហើយគម្លាតនេះមាននិន្នាការកើនឡើងតាមអាយុ។ ប៉ុន្តែនៅសហរដ្ឋអាមេរិកអត្រាស្លាប់លើសគឺស្ត្រី ដោយខ្ពស់ជាងបុរសដែលមានអាយុលើសពី ៨៥ ឆ្នាំ។

ការស្រាវជ្រាវត្រូវបានចេញផ្សាយនៅក្នុង BMJ បង្ហាញថា ការស្លាប់ហួសប្រមាណនៅក្នុងប្រទេសចំនួន ២៩ បានប្រមូលផ្ដុំភាគច្រើនក្នុងចំណោមប្រជាជនអាយុ ៧៥ ឆ្នាំឡើងទៅ បន្ទាប់មកមនុស្សដែលមានអាយុ ៦៥ ទៅ ៧៤ ឆ្នាំ។ ចំណែកការស្លាប់ក្នុងចំណោមកុមារអាយុក្រោម ១៥ ឆ្នាំគឺប្រហាក់ប្រហែលនឹងកម្រិតដែលរំពឹងទុក នៅក្នុងប្រទេសភាគច្រើន និងទាបជាងការរំពឹងទុកនៅក្នុងប្រទេសមួយចំនួន។

ការសិក្សានេះបញ្ជាក់ថា ចំនួនអ្នកស្លាប់ដោយកូវីដគឺមានខ្ពស់នៅក្នុងប្រទេសអ្នកមានក្នុងឆ្នាំ ២០២០ ហើយអ្នកស្រាវជ្រាវបានសរុបថា ការស្រាវជ្រាវបន្ថែមគឺចាំបាច់ដើម្បីស្វែងយល់ពីរបៀបដែលកម្មវិធីចាក់វ៉ាក់សាំងប្រឆាំងកូវីដអាចកាត់បន្ថយអត្រាមរណភាពនៅឆ្នាំ ២០២១ ៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន៖សហរដ្ឋអាមេរិក មានអ្នកឆ្លងវីរុសកូរ៉ូណាបំប្លែងខ្លួនជិត ៤ពាន់ករណី

ចុចអាន៖យុទ្ធនាការចាក់វ៉ាក់សាំង កូវីដ របស់ទ្វីបអាហ្រ្វិក កំពុងឈរជើង បន្ទាប់ពីឥណ្ឌាហាមឃាត់ការនាំចេញទៅឲ្យ COVAX យូរទៅៗ

Related Topics:សហរដ្ឋអាមេរិក