មេភូមិភាគ២ថៃ ចេញឃ្លិបថា នៅមានជីវិត តែវីដេអូដូចខុសប្រក្រតី និងចម្លែក

មេទ័ពភូមិភាគ២ថៃ Boonsin Padklang បានចេញឃ្លិបប្រកាសថា ខ្លួននៅមានជីវិត មិនដូចបណ្ដាញព័ត៌មានជាច្រើនផ្សព្វផ្សាយថា លោកបាត់បង់ជីវិតនោះទេ។ ប៉ុន្តែយ៉ាងណាក៏ដោយ វីដេអូនោះហាក់ប្លែកនិងខុសប្រក្រតីជាច្រើន ប្រៀបដូចជាប្រើកម្មវិធី AI មកជំនួសយ៉ាងដូច្នោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារយៈឃ្លិបដែលចុះផ្សាយលើបណ្ដាញសង្គមនិងទីភ្នាក់ងារ sanook.បានបង្ហាញអំពីសកម្មភាពរបសមេទ័ពភូមិភាគ២នេះបានប្រកាសក្ដែងៗថា «ខ្ញុំ​នៅ​ទី​នេះ កំពុងឈរប្រយុទ្ធ​ជាមួយ​មន្ត្រី​ក្រោម​ឱវាទ។ កុំជឿនូវព័ត៌មានក្លែងក្លាយដែលបញ្ចាក់ថាខ្ញុំ​បានស្លាប់ហើយ»។

លោក Boonsin បាន​បញ្ជាក់​បន្ថែមទៀតថា ខ្លួននៅ​មាន​ជីវិត និងបន្តអនុវត្តភារកិច្ចដោយសហការយ៉ាងជិតស្និទ្ធជាមួយមន្ត្រីយោធាទាំងអស់។ ជាពិសេស ដើម្បី​មើល​ថែ​សុវត្ថិភាព​ប្រជាពលរដ្ឋ​នៅ​តំបន់​ព្រំដែន​កម្ពុជា-ថៃ ការពារអធិបតេយ្យភាពរបស់ប្រទេសថៃ រហូតដល់ស្ថានភាពជម្លោះត្រូវបានដោះស្រាយ ហើយមនុស្សអាចរស់នៅដោយសុវត្ថិភាពវិញ។

ទោះជាយ៉ាងណាក៏ដោយ តាមរយៈវីដេអូដែលមេទ័ពថៃបង្ហាញខ្លួន បានដាក់ការសង្ស័យពីសំណាក់អ្នកទស្សនាថា មានសភាពមិនប្រក្រតីជាច្រើន មិនថាតែការនិយាយស្ដី ឬការបញ្ចេញសកម្មភាពរបស់លោកផ្ទាល់ទេ។ អ្នកខ្លះគិតថាវីដេអូនេះត្រូវបានធ្វើឡើងតាមកម្មវិធី AI ប៉ុណ្ណោះ។ ដ្បិតថាយ៉ាងនេះក្ដី មកដល់សព្វថ្ងៃ ក៏នៅតែមានជនជាតិថៃជាច្រើនមិនដឹងថា តើមេទ័ពខ្លួនស្ថិតនៅឯណាដែរ?

យ៉ាងណាមិញ បន្ទាប់ពីជម្លោះប្រដាប់អាវុធថៃមកលើកម្ពុជាកាលពីថ្ងៃទី២៤ ខែកក្កដា មេភូមិភាគ២ស្រាប់តែបាត់មុខមិនឃើញនៅតាមបណ្ដាញសង្គមភ្លាមៗ ដែលកាលណោះបានធ្វើឲ្យប្រជាជនថៃជាច្រើនមានចម្ងល់ថា តើមេទ័ពរបស់ខ្លួនទៅណាឲ្យប្រាកដ ឬស្ថិតនៅឯណា? ស្របពេលដែលអវត្តមានរបស់មេ័ពថៃរូបនេះ បានធ្វើឲ្យជម្លោះរវាងប្រទេសកម្ពុជានិងថៃកាន់តែក្ដៅគគុកជាងមុន បើទោះបីជាគ្រប់គ្នាសុទ្ធតែដាក់ការសង្ស័យថា Boonsin Padklang បានស្លាប់ហើយក្ដី៕

អត្ថបទ៖ សាង ស្រីល័ក្ខ

ចុចអាន៖Phumtham ធ្វើបុណ្យចម្រើនព្រះជន្ម ទាំងដែលគ្មានព្រះវត្តមានស្ដេច ថៃ