ព័ត៌មានអន្ដរជាតិ

ឥណ្ឌូណេស៊ីអនុញ្ញាតឱ្យផ្ទេរទិន្នន័យផ្ទាល់ខ្លួនទៅអាមេរិក ជាផ្នែកមួយនៃការចរចាពន្ធ

បានផុស

៤ ថ្ងៃ មុន

នៅ

ថ្ងៃព្រហស្បតិ៍ ២៤ កក្កដា ២០២៥

ដោយ

ភ្នាក់ងារព័ត៌មានរដ្ឋ Antara បានរាយការណ៍ថា ឥណ្ឌូណេស៊ីគ្រោងនឹងផ្ដល់ភាពប្រាកដប្រជាទៅសហរដ្ឋអាមេរិក លើការផ្ទេរទិន្នន័យផ្ទាល់ខ្លួនទៅអាមេរិក ដែលជាផ្នែកមួយនៃការចរចាពន្ធ ពាក់ព័ន្ធនឹងការដងរបាំងពាណិជ្ជកម្មឌីជីថល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេតវិមានបានប្រកាសពីកិច្ចព្រមព្រៀងនេះកាលពីថ្ងៃអង្គារ ដោយហៅវាគឺជាចំណុចសំខាន់មួយ ដែលមានចែងក្នុងកិច្ចព្រមព្រៀងស្តីពីពាណិជ្ជកម្មបដិការ រវាងសហរដ្ឋអាមេរិក និងឥណ្ឌូនេស៊ី។

សេតវិមានបាននិយាយយ៉ាងដូច្នេះថា៖ «ឥណ្ឌូណេស៊ីនឹងផ្តល់ភាពប្រាកដប្រជាទាក់ទងនឹងការផ្ទេរទិន្នន័យផ្ទាល់ខ្លួនចេញពីឥណ្ឌូណេស៊ីទៅកាន់សហរដ្ឋអាមេរិក តាមរយៈការទទួលស្គាល់សហរដ្ឋអាមេរិកជាប្រទេស ឬយុត្តាធិការ ដែលផ្តល់ការការពារទិន្នន័យគ្រប់គ្រាន់ ក្រោមច្បាប់ឥណ្ឌូណេស៊ី»។

សេតវិមានបានបន្ថែមថា សហរដ្ឋអាមេរិក និងឥណ្ឌូណេស៊ី នឹងសម្រេចលើការប្តេជ្ញាចិត្តលើពាណិជ្ជកម្មឌីជីថល សេវាកម្ម និងការវិនិយោគ។

បន្ថែមពីលើកិច្ចព្រមព្រៀងដកចេញនូវរបាំងពាណិជ្ជកម្មឌីជីថលនេះ ប្រទេសទាំង ២ ក៏បានព្រមព្រៀងគ្នាផងដែរ លើការប្តេជ្ញាចិត្តមួយចំនួនទៀត រួមទាំងការលុបបំបាត់របាំងពន្ធគយ ទម្លាក់របាំងមិនមែនពន្ធសម្រាប់ការនាំចេញឧស្សាហកម្មរបស់សហរដ្ឋអាមេរិក និងពង្រីកទីផ្សារសម្រាប់ផលិតផលកសិកម្មរបស់អាមេរិកជាដើម។

ក្រោយកិច្ចព្រមព្រៀងទាំងអស់នេះ ប្រធានាធិបតីអាមេរិក លោក ដូណាល់ ត្រាំ បានប្រកាសទម្លាក់ពន្ធខ្ពស់លើទំនិញឥណ្ឌូណេស៊ីមកត្រឹម ១៩ ភាគរយ ពីអត្រាចាស់ ៣២៕