ព័ត៌មានអន្ដរជាតិ

អ្នកស្លាប់ក្នុងការបាញ់ប្រហារនៅបាងកកកើនដល់៦នាក់ ខណៈខ្មាន់កាំភ្លើងជាជនជាតិថៃ

បានផុស

៦ នាទីutes មុន

នៅ

ថ្ងៃចន្ទ ២៨ កក្កដា ២០២៥

ដោយ

ដោយសារមិនអាចសង្គ្រោះសន្តិសុខម្នាក់ទៀតបាន នាំឲ្យចំនួនអ្នកកើនដល់ស្លាប់៦នាក់ក្នុងហេតុការណ៍បាញ់ប្រហារនៅផ្សារ Or Tor Kor ក្រុងបាងកក ខណៈជនល្មើសជាជនជាតិថៃ អាយុ៦១ឆ្នាំ បានបញ្ចប់ជីវិតតាមក្រោយដើម្បីគេចពីការផ្តន្ទាទោស។ នេះបើយោងតាមការចេញផ្សាយរបស់សារព័ត៌មាន Khaosod នៅថ្ងៃទី២៨ខែកក្កដា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមប៉ូលិសថៃជនដៃដល់ជាបុរសជនជាតិថៃ ពាក់អាវពណ៌ខ្មៅ ខោខ្លី ពណ៌ក្រែម និងកាបូបស្ពាយ បានចូលទៅទៅក្នុងផ្សារ Or Tor Kor តាមផ្លូវ Kamphaeng Phet សង្កាត់ Chatuchak ទីក្រុងបាងកក បានបើកការបាញ់ប្រហារលើសន្តិសុខនិងអ្នកនៅក្នុងផ្សារ មុននឹងបញ្ចប់ជីវិតខ្លួនឯងតាមក្រោយ។

ក្រោយហេតុការណ៍នេះ មានសន្តិសុខ៤នាក់ អាជីវករផ្សារ១នាក់ និងជនដៃដល់១នាក់ នាំឲ្យស្លាប់សរុប៦នាក់។ ដោយឡែកស្ត្រីរងគ្រោះ២នាក់ត្រូវបានក្រុមសង្គ្រោះដឹកយកទៅសង្គ្រោះបន្ទាន់ ។

តាមការស៊ើបអង្កេតបឋម អត្តសញ្ញាណប័ណ្ណរបស់ជនដៃដល់ ត្រូវបានរកឃើញថា ជាជនជាតិថៃ សញ្ជាតិថៃ មានឈ្មោះ ណយ អាយុ៦១ឆ្នាំ មកពីខេត្តនគររាជសីមា និងធ្លាប់ធ្វើការជាសន្តិសុខនៅក្រុមហ៊ុនដូចគ្នាជាមួយសន្តិសុខដែលស្លាប់។

ទោះជាយ៉ាងនេះក្តី សមត្ថកិច្ចថៃកំពុងស៊ើបអង្កេតកន្លែងកើតហេតុបន្ថែមទៀត ដើម្បីស្វែងរកមូលហេតុពិតប្រាកដនៃហេតុការណ៍នេះដ៏គួរឲ្យរន្ធត់នេះ៕