ជីវិតកម្សាន្ដ

តារាជើងចាស់លោក សំ តារាវុទ្ធី បាត់ខ្លួនយូរពីសិល្បៈ តាមពិតកំពុងធ្លាក់ខ្លួនឈឺធ្ងន់គ្មានប្រាក់ព្យាបាល

បានផុស

៥ years មុន

នៅ

ថ្ងៃចន្ទ ២១ ធ្នូ ២០២០

ដោយ

តារាសម្តែងជើងចាស់ធ្លាប់ល្បីឈ្មោះលើវិថីសិល្បៈលោក សំ តារាវុទ្ធី បន្ទាប់ពីស្ងប់ស្ងាត់បាត់មុខពីសិល្បៈអស់មួយសន្ទុះធំកន្លងមកនោះ ត្រូវបានអ្នកគាំទ្រ និងមហាជននឹកស្មានថាតារាប្រុសរូបនេះបានចេញទៅសម្ងំរស់នៅឯក្រៅប្រទេសបាត់ទៅហើយ។

ប៉ុន្តែ ផ្ទុយពីការគិតរបស់មហាជនពេលនេះក៏ស្រាប់តែលេចឮដំណឹងថា តារាសម្តែងជើងចាស់លោក សំ តារាវុទ្ធី បច្ចុប្បន្នបាននឹងកំពុងធ្លាក់ខ្លួនឈឺធ្ងន់ធ្ងរគ្មានលុយព្យាបាលជំងឺ ហើយរត់ទៅដេកនៅ ផ្ទះខ្ទមកំសត់ឯស្រុកកំណើតខេត្តតាកែវយ៉ាងគួរឲ្យអាណិតបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការឲ្យដឹងពីសំណាក់តារាប្រុសលោក អ៊ឹម ជីវ៉ា បានរៀបរាប់ភ្ជាប់សំណេរនិងរូបភាពដ៏សង្វេកនោះថា អនិច្ចាតារាជើងចាស់ធ្លាក់ខ្លួនឈឺធ្ងន់ធ្ងរគ្មានលុយព្យាបាលជំងឺ រត់ទៅដេកនៅផ្ទះខ្ទមកម្សត់។ សព្វថ្ងៃលោក សំ តារាវុទ្ធី កំពុងធ្លាក់ខ្លួនឈឺធ្ងន់ជីវភាពគ្រួសារខ្វះខាតណាស់ដូច្នេះមេត្តាផងបងប្អូនលើបណ្តាញហ្វេសប៊ុក និងបណ្តាបងប្អូនសិល្បករ មេត្តាជួយគាត់ផង ។

លោក អ៊ឹម ជីវ៉ា បានបន្តទៀតថា បងប្អូនប្រហែល ជាស្គាល់គាត់ហើយតាមរយៈរឿងបុរាណខ្មែរ មួយ ចំនួនដែលលោក សំ តារាវុទ្ធី បានសម្តែង ហើយមួយរយៈក្រោយមកក៏បាត់ខ្លួនសូន្យឈឹងតែម្ដង។ម្យ៉ាងទៀតដោយមហាជនមួយចំនួនបានគិតថា ប្រហែលជាលោកទៅរស់នៅស្រុកក្រៅហើយមើលទៅ តែតាមពិតវិញ គាត់កំពុងធ្លាក់ខ្លួនមានជំងឺធ្ងន់ធ្ងរ និងខ្វះខាតនៅថវិកាស្បៀងអាហារសព្វបែបយ៉ាង។

លោកបានបន្ថែមដោយអំពាវនាវដក់សប្បុរសជនទៀតថា ដូច្នេះសូមបងប្អូនសមាគមសិល្បៈមេត្តាជួ យសង្គ្រោះដល់គាត់ផង ខណះបច្ចុប្បន្មគាត់រស់នៅភូមិជួស ឃុំជីខ្មារ ស្រុកទ្រាំង ខេត្តតាកែវ។ ជា មួយគ្នានៃដំណឹងដ៏ភ្ញាក់ផ្អើលនេះដែរ ក៏មានទស្សនិកជននិងអ្នកគាំទ្រ សម្តែងអារម្មណ៍អាណិតអាសូរដល់លោកផងដែរ៕

អត្ថបទ ៖ ចាន់រ៉ា

Related Topics:តារាសម្ដែងជើងចាស់

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា