ជីវិតកម្សាន្ដ

បង្ហាញមុខតារាភាពយន្តខ្មែរពីរជំនាន់ សម្ដែងក្នុងរឿង”ត្រពាំងពាយ”

បានផុស

២ years មុន

នៅ

ថ្ងៃអង្គារ ២៨ មិថុនា ២០២២

ដោយ

រម្លឹកដល់ខ្សែភាពយន្តខ្មែររឿង “រឿងត្រពាំងពាយ” គឺមានទស្សនិកជនមួយចំនួនធំច្បាស់ជានៅចងចាំ និងនឹកឃើញមិនភ្លេចដល់តួអង្គនីមួយៗក្នុងរឿងនេះទេ។ ដូចនេះយើងសូមនាំអារម្មណ៍ប្រិយមិត្តមកស្គាល់នូវតារាភាពយន្តខ្មែរពីរជំនាន់ ដែលបានសម្ដែងនៅក្នុងខ្សែភាពយន្ត”រឿងត្រពាំងពាយ” តាំងពីទសវត្សឆ្នាំ ៧០ និងទសវត្សឆ្នាំ ២០០០។

តាមការបង្ហោះនៅលើផេកផ្លូវការរបស់ចៅកម្ពុជា បានរៀបរាប់ឲ្យដឹងថា លោក គង់ សំអឿន និងអ្នកស្រី ទិត្យ វិជ្ជរ៉ាដានី បានសម្ដែងនៅក្នុងខ្សែភាពយន្តរឿង “ត្រពាំងពាយ” នាអំឡុងឆ្នាំ ១៩៧០ នៃផលិតកម្មហេមពាន្តភាពយន្តដែលដឹកនាំសម្ដែងដោយលោក លី យូស្រ៊ាង និងលោក ផឹក សំផេន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកលោក ហេង ប៊ុនលាភ និង អ្នកនាង ដាញ់ ម៉ូនីកា បានសម្ដែងភាពយន្តរឿង”ត្រពាំងពាយ “នាអំឡុងដើមទសវត្សឆ្នាំ ២០០០ ដឹកនាំសម្ដែងដោយលោក យ៉ុន ប៊ុនឈឿន នៃផលិតកម្មរស្មីតានតាន ដែលមានលោក កា អាន ជាចាងហ្វាងផលិតកម្ម។

តាមរយៈនេះដែរ ក៏មានការបញ្ចេញទស្សនៈរបស់អ្នកគាំទ្រថា តារាទាំងពីរជំនាន់នេះ គឺសម្ដែងសមដូចគ្នាហើយមួយគូៗនៃតួសម្ដែងមានទេពកោសល្យ។ ពិសេសលក្ខណៈជាខ្មែរសុទ្ធសាធ ដែលបានឆក់យកបេះដូងទស្សនិកជនមិនឲ្យរំលងពួកគាត់បានឡើយ ទោះបីជាតារាជំនាន់ថ្មីនៅខ្ចីទេពកោសល្យជាងតារាមុនក៏ពិតមែន ប៉ុន្តែទោះជាយ៉ាងណាក៏យើងជំនាន់នេះអាចទទួលយកបានដែរសូម្បីតែមានការឆ្គាំឆ្គងខ្លះក៏ដោយ៕

អត្ថបទ៖ ចាន់រ៉ា

Related Topics:តារាសម្ដែងជើងចាស់