ព័ត៌មានអន្ដរជាតិ
អាមេរិក ប្រកាសត្រៀមធ្វើសង្គ្រាមជាមួយ ចិន
ប្រធានគណៈកម្មាធិការកិច្ចការបរទេសសភាអាមេរិកលោក Michael McCaul បានប្រាប់ Fox News កាលពីថ្ងៃសៅរ៍ទី០៨ខែមេសាថា សភាអាមេរិក នឹងអនុញ្ញាតឲ្យមានការប្រឈមមុខផ្នែកយោធាដោយផ្ទាល់ជាមួយប្រទេសចិន ប្រសិនបើទីក្រុងប៉េកាំង បើកការវាយប្រហារកោះតៃវ៉ាន់មែន។
លោក McCaul និយាយថា សមាជិកសភាអាមេរិក នឹងយល់ព្រមឲ្យកងទ័ពធ្វើសង្គ្រាម បើសិនប្រជាជននៅសហរដ្ឋអាមេរិកគាំទ្រវិធានការនេះ។ លោកលើកឡើងថា “ប្រសិនបើចិនវាយលុកតៃវ៉ាន់ រឿងនេះនឹងត្រូវយកមកពិភាក្សាដោយសភា និងជាមួយប្រជាជនអាមេរិក។ ប្រសិនបើប្រជាជនអាមេរិកគាំទ្ររឿងនេះ នោះសភានឹងធ្វើតាម”។
ទោះបីជាយ៉ាងណាក៏ដោយ លោក McCaul ទទូចថា “សង្គ្រាមគ្រាន់តែជាជម្រើសចុងក្រោយប៉ុណ្ណោះ”។ លើសពីនេះ លោកបានចាត់ទុកដំណើរទស្សនកិច្ចរបស់គណៈប្រតិភូអាមេរិកទៅទីក្រុងតៃប៉ិ ថាជាមធ្យោបាយមួយដើម្បីកំញើញចិន។
គួរបញ្ជាក់ថា ទំនាក់ទំនងរវាងអាមេរិក និងចិន កាន់តែល្អក់កករ ដោយសារដំណើរទស្សនកិច្ចរបស់គណៈប្រតិភូអាមេរិកទៅកាន់កោះតៃវ៉ាន់ ដែលចិនចាត់ទុកថាជាផ្នែកដែលមិនអាចកាត់ផ្តាច់បាននៃទឹកដីអធិបតេយ្យរបស់ខ្លួន។
មិនតែប៉ុណ្ណឹង ទីក្រុងប៉េកាំង បានប្រឆាំងម្តងហើយម្តងទៀតចំពោះទំនាក់ទំនងរបស់តៃវ៉ាន់ជាមួយសហរដ្ឋអាមេរិក។ ក្រសួងការបរទេសចិនបានព្រមានកាលពីដើមសប្តាហ៍ថា បញ្ហាតៃវ៉ាន់គឺជាបន្ទាត់ក្រហមទី១ ដែលមិនត្រូវឆ្លងកាត់ឡើយក្នុងទំនាក់ទំនងចិន-អាមេរិក។
យ៉ាងណា ទីក្រុងវ៉ាស៊ីនតោន នៅតែប្រកាន់ខ្ជាប់ជាផ្លូវការនូវគោលនយោបាយចិនតែមួយ ប៉ុន្តែសហរដ្ឋអាមេរិកពេញចិត្តនឹងទំនាក់ទំនងក្រៅផ្លូវការយ៉ាងជិតស្និទ្ធជាមួយកោះដែលគ្រប់គ្រងដោយខ្លួនឯងមួយនេះ និងផ្គត់ផ្គង់អាវុធឲ្យ។
ទីក្រុងវ៉ាស៊ីនតោន បានបង្កើនការគាំទ្រផ្នែកយោធាសម្រាប់តៃវ៉ាន់ក្នុងរយៈពេលប៉ុន្មានខែថ្មីៗនេះ ហើយបើយោងតាមរបាយការណ៍របស់កាសែត Wall Street Journal, សហរដ្ឋអាមេរិកគ្រោង បង្កើនវត្តមានកងទ័ពរបស់ខ្លួននៅលើកោះនេះពី ៣០នាក់ទៅចន្លោះពី ១០០ ទៅ ២០០នាក់។ កាលពីដើមខែមីនា ក្រសួងការបរទេសអាមេរិក ក៏បានប្រកាសដែរថា ខ្លួននឹងយល់ព្រមលក់សព្វាវុធទៅឲ្យទីក្រុងតៃប៉ិ រួមទាំងគ្រាប់បែកក្នុងតម្លៃ ៦១៩ លានដុល្លារសម្រាប់យន្តហោះចម្បាំង F-16 ផងដែរ៕
ប្រែសម្រួល៖ Vann Vann
ប្រភព៖ RT
ចុចអាន៖ លោកស្រី Tsai និយាយផ្គើន ចិន ក្រោយជួបជាមួយប្រធានសភា អាមេរិក
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ