ព័ត៌មានអន្ដរជាតិ

លោក មីន អ៊ុងឡាំង ទៅចូលរួមទិវាជ័យជម្នះក្នុងសង្គ្រាមលោកលើកទី២នៅរុស្ស៊ី

បានផុស

១ year មុន

នៅ

ថ្ងៃពុធ ៧ ឧសភា ២០២៥

ដោយ

ប្រមុខរបបយោធាមីយ៉ាន់ម៉ា លោក មីន អ៊ុងឡាំង (Min Aung Hlaing) បានដឹកនាំគណៈប្រតិភូមីយ៉ាន់ម៉ា ចាកចេញទៅបំពេញទស្សនកិច្ចនៅប្រទេសរុស្សី ដែលនឹងរៀបចំក្បួនព្យុហយាត្រាដ៏អធឹកអធមដើម្បីរំឭកខួប៨០ឆ្នាំនៃជ័យជម្នះក្នុងសង្គ្រាមលោកលើកទី១។ នេះបើយោងតាមការចេញផ្សាយរបស់សារព័ត៌មាន The Irrawaddy។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងដំណើរនេះ មេដឹកនាំរបបយោធាមីយ៉ាន់ម៉ា លោក Min Aung Hlaing និងភរិយា Daw Kyu Kyu Hlaing និងចូលរួមខួបលើកទី ៨០ នៃជ័យជំនះរបស់សហភាពសូវៀតលើពួកណាស៊ីអាល្លឺម៉ង់ឆ្នាំ១៩៤១-១៩៤៥ នៅថ្ងៃទី ០៩ ខែឧសភា តបតាមការអញ្ជើញរបស់ប្រធានាធិបតីរុស្ស៊ី លោក Vladimir Putin។

មេដឹកនាំមកពីប្រទេសចិន ឥណ្ឌា និងប្រេស៊ីល ស្ថិតក្នុងចំណោមអ្នកដែលបានអញ្ជើញសម្រាប់ក្បួនដង្ហែរយោធាដែលរំលឹកដល់ការបញ្ចប់សង្គ្រាមលោកលើកទីពីរផងដែរ។ ប្រព័ន្ធផ្សព្វផ្សាយរបបយោធាបានរាយការណ៍ថា ដំណើរទស្សនកិច្ចរបស់លោក Min Aung Hlaing មានគោលបំណងពង្រឹងកិច្ចសហប្រតិបត្តិការជាមួយរុស្ស៊ីក្នុងវិស័យសេដ្ឋកិច្ច សន្តិសុខ និងវិស័យផ្សេងៗទៀត។ លោកក៏គ្រោងនឹងជួបពិភាក្សាដាច់ដោយឡែកពីគ្នាជាមួយថ្នាក់ដឹកនាំផ្សេងទៀតដែលចូលរួមក្នុងព្រឹត្តិការណ៍នេះ។

ទោះយ៉ាងណាអភិបាលក្រុងមូស្គូបានរាយការណ៍ថាអ៊ុយក្រែនបានធ្វើការវាយប្រហារដោយយន្តហោះគ្មានមនុស្សបើកចំនួនពីរលើការហាត់សមក្បួនដង្ហែរយោធានៅក្នុងទីក្រុងនេះមុនថ្ងៃពិធីចាប់ផ្ដើមផងដែរ៕