Breaking News! ប៉ាគីស្ថាន បើកដៃឲ្យកងទ័ព សងសឹកទៅឥណ្ឌាវិញហើយ

នាយករដ្ឋមន្ត្រីប៉ាគីស្ថាន Shehbaz Sharif បានបើកដៃឲ្យកងទ័ពរបស់ខ្លួន ចាត់វិធានការសងសឹកវិញហើយ បន្ទាប់ពីឥណ្ឌា វាយប្រហារចូលទឹកដីរបស់ខ្លួននៅតំបន់កាស្មៀរ បណ្តាលឲ្យជនស៊ីវិលស្លាប់ ៣១នាក់។

តាមការចុះផ្សាយរបស់ Arab News នៅថ្ងៃពុធទី៧ខែឧសភាឆ្នាំ២០២៥, ការិយាល័យរបស់លោកនាយករដ្ឋមន្ត្រី Sharif បានចេញសេចក្តីថ្លែងការណ៍មួយថា «ស្របតាមមាត្រា៥១ នៃធម្មនុញ្ញអង្គការសហប្រជាជាតិ, ប៉ាគីស្ថានសូមរក្សាសិទ្ធិក្នុងការឆ្លើយតបដើម្បីការពារខ្លួនក្នុងពេល ទីកន្លែង និងរបៀបដែលខ្លួននឹងសម្រេចចិត្ត ដើម្បីសងសឹកចំពោះការបាត់បង់ជីវិតជនជាតិប៉ាគីស្ថានស្លូតត្រង់ និងការរំលោភលើអធិបតេយ្យភាពរបស់ខ្លួន។ កងកម្លាំងប្រដាប់អាវុធនៃប្រទេសប៉ាគីស្ថាន ត្រូវបានអនុញ្ញាតឲ្យធ្វើសកម្មភាពឆ្លើយតបទៅវិញហើយ»។

សូមជម្រាបថា នៅថ្ងៃពុធទី៧ខែឧសភាឆ្នាំ២០២៥ ឥណ្ឌាបានបើកប្រតិបត្តិការយោធា «Sindoor» ដោយកំណត់គោលដៅលើជំរំភេរវករនៅក្នុងទឹកដីប៉ាគីស្ថាន ឆ្លើយតបទៅការបាញ់សម្លាប់អ្នកទេសចរហិណ្ឌូ២៦នាក់ នៅតំបន់កាស្មៀរ កាលពីថ្ងៃទី២២ខែមេសា។

តាមការចុះផ្សាយរបស់ AP, ឥណ្ឌាបានបើកការវាយប្រហារលើទីតាំងចំនួន៩កន្លែងនៅក្នុងប្រទេសប៉ាគីស្ថាន ដែលទីតាំងទាំងនោះមានដូចជា៖

Bahawalpur (ខេត្ត Punjab)

Muridke (ខេត្ត Punjab)

Tehra Kalan (ខេត្ត Punjab)

Sialkot (ខេត្ត Punjab)

Ahmedpur East (ស្រុក Bahawalpur នៃខេត្ត Punjab)

Bhimber (តំបន់កាស្មៀរ)

Kotli (តំបន់កាស្មៀរ)

Muzaffarabad (តំបន់កាស្មៀរ)

Barnala Sector (តំបន់កាស្មៀរ)៕

អត្ថបទ៖ សុខ សុវណ្ណ

ចុចអាន៖ តើឥណ្ឌា ប្រើអាវុធអ្វី វាយប្រហារ ប៉ាគីស្ថាន ?