សុខភាព

មកដឹងពីអាការៈអ្នកជំងឺតម្រងនោមក្រោយលាងឈាម មានជួបផលលំបាកអ្វីខ្លះ?

បានផុស

៤ years មុន

នៅ

ថ្ងៃអង្គារ ១៨ ឧសភា ២០២១

ដោយ

តម្រងនោមធម្មតាមានតួនាទី លាងសំអាតឈាមរបស់យើង និងបញ្ចេញទឹកដែលលើសពីក្នុងខ្លួនយើង ក្នុងសភាពជាទឹកនោម។ វាផលិតសារធាតុមួយចំនួន ដែលបំពេញតម្រូវការក្នុងខ្លួនយើង។ លាងឈាម គឺជំនួសតួនាទីខ្វះរបស់តម្រងនោម នៅពេលដែលវាលែងដំណើរការ។ ការលាងឈាមមាន ២ប្រភេទគឺ លាងឈាមតាមសរសៃ និងតាមស្រោមពោះ។ ក្នុងប្រធានបទនេះយើងលើកយកតែការលាងឈាមតាមសរសៃមកនិយាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១) តើនៅពេលណាត្រូវការលាងឈាម?

គឺនៅពេលដែលតម្រងនោម មិនអាចបញ្ចេញជាតិពុល និងទឹកពីសារពាង្គកាយយើងបាន។ វាធ្វើឡើងនៅពេលដែលតួនាទីតម្រងនោមនៅសល់ តិចជាង ១០ ទៅ ១៥%។ អ្នកជំងឺអាចមានរោគសញ្ញាដូចជា ក្អួតចង្អោរ ហើម អស់កម្លាំង។ ពេលខ្លះអ្នកជំងឺមិនទាន់មានរោគសញ្ញាទេ ប៉ុន្តែមានការកើនឡើងនូវជាតិពុលក្នុងឈាម ដូច្នេះហើយមានតែគ្រូពេទ្យទេទើបអាចប្រាប់បានថាពេលណាត្រូវលាងឈាម។

២) តើការលាងឈាមដំណើរការដូចម្តេច?

ម៉ាស៊ីនលាងឈាម និងឧបករណ៍ចម្រោះ (ឬហៅថាតម្រងនោមសិប្បនិម្មិត) = Dialyseur ត្រូវបានប្រើដើម្បីសំអាតឈាមអ្នកជំងឺ។ ដើម្បីយកឈាមបញ្ចូលក្នុងតម្រងនោមសិប្បនិម្មិតបាន គ្រូពេទ្យត្រូវចាក់ម្ជុលចូលក្នុងសរសៃឈាមដែលត្រៀមទុកនៅនឹងដៃ (Fistule artéro-veinease) ឬក្នុងករណីបន្ទាន់ គ្រូពេទ្យត្រូវចាក់តាមសរសៃឈាមធំនៅ ត្រង់ក ឬក្រលៀន (Cathéter central)។

៣) តើការលាងឈាមម្តងៗ មានរយៈពេលប៉ុន្មានម៉ោង?

ជាទូទៅ ការលាងឈាមប្រព្រឹត្តទៅ ៣ដងក្នុងមួយសប្តាហ៍ហើយម្តងៗ រយៈពេល ៤ម៉ោង។

៤) តើអ្នកជំងឺត្រូវមានរបបអាហារពិសេសណាមួយឬទេ?

អ្នកជំងឺត្រូវមានរបបអាហារផ្សេងពីមនុស្សទូទៅ។ វាជារបបអាហារដែលមាន proteins ខ្ពស់ តែមានកម្រិតប៉ូតាស្យូម ហ្វូសហ្វ័រ និងសូដ្យូមទាប។ ការទទួលទានទឹកត្រូវបានតម្រូវឲ្យកាត់បន្ថយ។