ព័ត៌មានជាតិ
ពលរដ្ឋសម្ដែងការមិនពេញចិត្ត ក្រោយកំណាត់ អូរចេង ត្រូវបានគេហ៊ុមព័ទ្ធរបងថ្ម ធ្វើជាកម្មសិទ្ធិឯកជន
ប្រវត្តិសាស្ត្រអូរចេង ជាអូរធម្មជាតិចារិកឈ្មោះ តាំងពីបុរាណកាលមករាប់រយរាប់ពាន់ទស្សវត្សមកហើយ។ អូរចេងនេះ ស្ថិតនៅក្នុងភូមិតាអង ឃុំតាអង ស្រុកកូនមុំ ខេត្តរតនគិរី។ អូរនេះមានទឹកថ្លាឆ្វង់ខួបប្រាំងខួបវស្សា សម្រាប់អាស្រ័យ ផលពីមនុស្ស និងសត្វគ្រប់ប្រភេទ ហើយសព្វថ្ងៃវាបានហូរឆ្លងកាត់ផ្លូវជាតិលេខ ៧៦ ផ្លូវដែលតភ្ជាប់ពីខេត្តរតនគិរី ទៅខេត្តមណ្ឌលគិរី។
ប៉ុន្តែកាលពីពេលថ្មីៗនេះ កំណាត់អូរចេងមួយនេះ គ្របដណ្តប់ទៅដោយរបងថ្មចាក់គ្រឹះយ៉ាងរឹងមាំ ដែលមានប្រវែងប្រមាណជាង ១០០ម៉ែត្រ ជាប់និងដងផ្លូវជាតិលេខ ៧៦ ព័ទ្ធជុំវិញតែម្តង ធ្វើឲ្យបាត់បង់សោភ័ណ្ឌភាព និងសក្តានុពល ផងដែរ។
សូមជម្រាបថា កំណាត់អូរចេង ដែលប្រវែងជាងមួយរយម៉ែត្រ កំពុងប្រឈមនិងការបាត់បង់ទាំងស្រុង ព្រោះវាបានក្លាយជាកម្មសិទ្ធិ របស់បុគ្គលឯកជន ហើយត្រូវបានអាជ្ញាធរ និងមន្ត្រីជំនាញ ចេញប្លង់កម្មសិទ្ធិឲ្យទៅម្ចាស់កម្មសិទ្ធិ ដោយគេមិនដឹងថា បានចុះពិនិត្យឲ្យបានល្អិតល្អន់ ឬណែនាំឲ្យកាត់ឆ្វៀលដីចំណីអូរ ចំណីផ្លូវ យ៉ាងណានោះទេ ទើបឃើញគេ សាងសង់របងថ្ម ចាក់គ្រឹះបានដ៏រឹងមាំយ៉ាងនេះ។ ជាពិសេស គេបានហ៊ុំព័ទ្ធយកទាំងអូរ ទាំងបង្គោលខ្សែភ្លើងរបស់រដ្ឋបែបនេះ។
ប្រជាពលរដ្ឋ រស់នៅក្បែរអូរចេងនេះ បានសម្ដែងការមិនពេញចិត្ត ដោយសារថា កំណាត់អូរមួយនេះពួកគាត់ធ្លាប់អាស្រ័យផល និងសម្រាប់គោក្របី មាន់ទាផឹកទឹក ជាពិសេសនោះបង្គោលខ្សែភ្លើង របស់រដ្ឋជាច្រើនបង្គោល ដែលមានទូរគីឡូភ្លើង របស់ពួកគាត់ប្រើរាល់ថ្ងៃ ត្រូវគេហ៊ុំព័ទ្ធដោយរបងថ្មចាក់គ្រឹះដាក់សំណាញ់ដែកពីលើ។
ប្រជាពលរដ្ឋ បានបញ្ជាក់ថា ម្ចាស់ដីនេះត្រូវបានស្គាល់ឈ្មោះ បូរ៉ា គៀមនី ម្ចាស់ការ៉ាស់សាំង បូរ៉ា គៀមនី ដែលមានចំនួន ២ទីតាំងរួមមាន៖ ទីតាំងទី១. តាមបណ្តោយផ្លូវជាតិលេខ ៧៨ ទល់មុខការ៉ាស់ឡាន ជាង ធួន ស្ថិតនៅក្នុងភូមិភ្នំស្វាយ សង្កាត់បឹងកន្សែង ក្រុងបានលុង ខេត្តរតនគិរី។
ទីតាំងទី ២. តាមបណ្តោយផ្លូវជាតិលេ ខ៧៨ ក្បែររង្វង់មូលយាយទូលចេក ស្ថិតនៅក្នុងភូមិ ១ សង្កាត់កាចាញ ក្រុងបានលុង ខេត្តរតនគិរី។
ពាក់ព័ន្ធករណីការចាក់គ្រឹះរបងថ្ម ពីសំណាក់របស់បុគ្គលខាងលើនេះ លោក ថោ ប៊ុនថេត មន្ត្រីជំនាញភូមិបាលស្រុកកូនមុំ បានប្រាប់ភ្នាក់ងារកម្ពុជាថ្មី កាលពីថ្ងៃទី ១៤ ខែកុម្ភៈថា «គេអាស្រ័យផល វាគ្មានស្អីទេ ក្នុងប្លង់កម្មសិទ្ធិ គេកាត់ចេញហើយចំណីអូរ ចំណីផ្លូវនោះ»។
អភិបាលស្រុកកូនមុំលោក សេក ហៃ ក៏បានផ្ញើសារជាអក្សរ តាមប្រព័ន្ធតេឡេក្រាមថា «អរគុណចាំឲ្យកម្លាំងជំនាញចុះពិនិត្យ»។
ប្រធានមន្ទីរសាធារណការ និងដឹកជញ្ជូនខេត្តរតនគិរី លោក សាយ សាមាន បានឲ្យដឹងដែរថា លោកនឹងឲ្យជំនាញ របស់លោកចុះទៅមើល បើប៉ះពាល់ដីចំណីផ្លូវយ៉ាងណានោះ ខាងលោកនឹងសួរនាំទៅខាងអាជ្ញាធរ និងជំនាញក្នុងមូលដ្ឋាន នោះហើយ។
ទោះជាយ៉ាងណា ប្រជាពលរដ្ឋបានរិះគន់ចំៗ ទៅលើអាជ្ញាធរមូលដ្ឋាន ជាពិសេសមន្ត្រីជំនាញភូមិបាលក្រុង-ស្រុក ដែលតែងមើលរំលងវិសោធនកម្មច្បាប់ មាត្រា ៨ បានចែងអំពីការយល់ដឹង ពីចំណីផ្លូវទឹក ដែលរួមមាន៖
១. ចំណីទន្លេ ៥០ម៉ែត្រ
២. ចំណីបឹង ៥០ម៉ែត្រ
៣. ចំណីស្ទឹង ៣០ម៉ែត្រ
៤. ចំណីព្រែក ២០ម៉ែត្រ និង
៥. ចំណីអូរ ១០(ដប់)ម៉ែត្រ គិតពីមាត់ច្រាំងអូរ៕
អត្ថបទ៖ វុទ្ធ ឦសាន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?