ក្លិបយក្ស ២ នៅ អង់គ្លេស ចាប់អារម្មណ៍ចង់បាន Stegen ពី Barcelona

ក្លិប Manchester United និង Chelsea កំពុងចាប់អារម្មណ៍ចង់ចុះកិច្ចសន្យាយកអ្នកចាំទី Marc-Andre ter Stegen ពី Barcelona នៅរដូវក្តៅនេះ។

អ្នកចាំទីសញ្ជាតិ អាល្លឺម៉ង់ វ័យ ៣៣ ឆ្នាំ ត្រូវបានគេដឹងថា នៅមានបំណងចង់ស្នាក់នៅជាមួយក្លិបយក្ស អេស្ប៉ាញ បន្តទៀត ប៉ុន្តែបច្ចុប្បន្ន អ្វីៗបានប្រែប្រួលវិញ បន្ទាប់ពី Barcelona ទើបតែចុះកិច្ចសន្យាយកបានអ្នកចាំទី Joan Garcia ពី Espanyol។

Garcia ត្រូវបានគេរំពឹងថា នឹងក្លាយជាអ្នកចាំទីដៃទី ១ របស់ Barcelona នៅរដូវកាលថ្មី ខណៈ Wojciech Szczesny នឹងកាន់កាប់តំណែងអ្នកចាំទីដៃទី ២។ នាយកផ្នែកកីឡាលោក Deco បានចាត់ទុកផែនការបែបនេះ ថាជារឿងចំណេញសម្រាប់ក្លិប ដោយសារ Stegen គឺជាកីឡាករ ដែលមានតម្លៃប្រាក់ពលកម្មថ្លៃបំផុតប្រចាំក្រុម ពោលក្នុងមួយឆ្នាំរូបគេរកបានក្បែរ ៧ លានដុល្លារអាមេរិក។

គួរឱ្យដឹងថា Stegen គឺនៅសល់កិច្ចសន្យាជាមួយ Barcelona រយៈពេល ៣ ឆ្នាំទៀត ពោលគឺដល់ខែ មិថុនា ឆ្នាំ ២០២៨៕

ប្រែសម្រួល៖ កុសល
ប្រភព៖ Sportskeeda