ព័ត៌មានជាតិ
ឯកឧត្តម ហ៊ុន ម៉ានី ផ្តាំឱ្យសិស្សនិស្សិតយកចិត្តទុកដាក់ស្តាប់វេទិកាចែករំលែកឱ្យបានច្រើន
ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានផ្តាំផ្ញើដល់សិស្សនិស្សិតគ្រប់រូប ឱ្យចេះចាប់យកឱកាសចូលរួមសិក្ខាសាលា និងវេទិកាចែករំលែក និងស្តាប់ឱ្យបានច្រើន ដើម្បីទុកជាប្រយោជន៍ទៅថ្ងៃអនាគត។
ឯកឧត្តម ហ៊ុន ម៉ានី បានលើកឡើងថា សិស្សនិស្សិតគួរចេះចាប់យកឱកាស និងប្រើប្រាស់ឱកាសឱ្យបានល្អ ជាពិសេសក្នុងវ័យសិក្សា គួរចូលរួមកម្មវិធីសិក្ខាសាលា វេទិកាចែករំលែកផ្សេងៗ។ មិនតែប៉ុណ្ណោះ ត្រូវចេះស្តាប់ វិភាគ និងថ្លឹងថ្លែង ទោះបីជាប្រធានបទនោះ មិនទាក់ទងជាមួយនឹងជំនាញដែលអ្នកសិក្សារៀនក៏ដោយ ប៉ុន្តែ ការទម្លាប់ខ្លួនបែបនេះ នឹងជួយសិស្សនិស្សិតសម្រាប់ដោះស្រាយបញ្ហានាថ្ងៃអនាគតបានផងដែរ។
ការថ្លែងរបស់ប្រធានសហភាពសហព័ន្ធយុវជនកម្ពុជារូបនេះ ជាការដាស់តឿនដល់អ្នកសិក្សាជំនាន់ក្រោយឱ្យមានការខិតខំឡើង ព្រោះសម័យនេះ ជាសម័យធីជីថល ដូច្នេះហើយ មនុស្សគ្រប់រូបតែងតែមានទូរស័ព្ទទំនើបគ្រប់គ្នាៗ។ សិស្សមួយចំនួនតែងតែប្រើប្រាស់ពេលវេលាផ្ទាល់ខ្លួនរបស់ពួកគេច្រើនម៉ោងទៅលើប្រព័ន្ធឌីជីថល ទាំងការរៀនសូត្រ និងលេងហ្គេមផ្សេងៗ រហូតធ្វើឱ្យពួកគេញៀន ពេលខ្លះសូម្បីតែម៉ោងរៀន ឬ ចូលរួមសិក្សាសាលាផ្សេង ក៏ពួកគេតែងលេងទូរស័ព្ទ ជាជាងស្តាប់យកចំណេះវិជ្ជា។
ឯកឧត្តម ហ៊ុន ម៉ានី មានប្រសាសន៍ថា៖ “ស្តាប់ច្រើន ចេះច្រើន មានមូលដ្ឋានក្នុងការវិភាគ គិតគូរបានគ្រប់ជ្រុងជ្រោយកាន់តែច្រើន ហើយមានភាពចាស់ទុំកាន់តែច្រើន មុនពេលឈានដល់ការបញ្ចេញយោបល់ ឬការសម្រេចចិត្ត”។ ឯកឧត្តម បានបន្ថែមថា អារម្មណ៍ដែលអ្នកសិក្សាតែងតែគិតថា តើស្តាប់រឿងទាំងអស់នេះ ផ្តល់ប្រយោជន៍អ្វីដល់ខ្លួន? មកអង្គុយស្តាប់ដើម្បីអ្វី? តើមានអ្វីពាក់ព័ន្ធនឹងខ្លួនឯង? គឺសុទ្ធតែជាសំណួរដែលឯកឧត្តមធ្លាប់បានឆ្លងកាត់។ ឯកឧត្តម ហ៊ុន ម៉ានី បានជំរុញដល់អ្នកសិក្សាជំនាន់ក្រោយ ឱ្យចេះចាប់ឱកាស និងប្រើប្រាស់ឱកាសនោះ ជាប្រយោជន៍សម្រាប់អនាគតរបស់ពួកគេ។
ការចែករំលែកបទពិសោធរបស់ឯកឧត្តម ហ៊ុន ម៉ានី នេះ គឺធ្វើឡើងនៅក្នុងពិធីសំណេះសំណាលជាមួយថ្នាក់ដឹកនាំ សមាជិក សមាជិកា សហភាពសហព័ន្ធយុវជនកម្ពុជា ប្រចាំវិទ្យាស្ថានបច្ចេកវិទ្យាកម្ពុជា នៅថ្ងៃទី២៥ ខែមករា ឆ្នាំ២០២៣៕
ដោយ៖ អុន ស្រីមាន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៤០ នាទី ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៨ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)