ព័ត៌មានអន្ដរជាតិ
រុស្ស៊ីប្រើដ្រូនជាង១០០គ្រឿងវាយអ៊ុយក្រែន មិនខ្វល់ពីការគំរាមនិងបទឈប់បាញ់អឺរ៉ុប
នៅថ្ងៃទី១២ខែឧសភាឆ្នាំ២០២៥នេះ រុស្ស៊ីបានបាញ់បង្ហោះដ្រូន(យន្តហោះគ្មានមនុស្សបើក) ជាង១០០គ្រឿងនៅអ៊ុយក្រែន ដោយប្រឆាំងនឹងការអំពាវនាវរបស់អឺរ៉ុបសម្រាប់បទឈប់បាញ់ដោយឥតលក្ខខណ្ឌរយៈពេល៣០ថ្ងៃ ដែលមានបំណងសម្របសម្រួលកិច្ចចរចាសន្តិភាព។
កងទ័ពអាកាសអ៊ុយក្រែន បានរាយការណ៍ថា ដ្រូន Shahed និងដ្រូនបញ្ឆោតចំនួន ១០៨គ្រឿងត្រូវបានរុស្ស៊ីដាក់ពង្រាយដើម្បីធ្វើការវាយប្រហារទាំងយប់។ អ៊ុយក្រែនអះអាងថា ខ្លួនស្ទាក់ចាប់បានដ្រូនចំនួន ៥៥គ្រឿង ខណៈដ្រូនបញ្ឆោត ៣០គ្រឿងទៀតបានបាត់ចេញពីរ៉ាដាតែមិនបង្កគ្រោះថ្នាក់អ្វីឡើយ។
ការវាយប្រហាររបស់រុស្ស៊ី បានធ្វើឡើងបើទោះបីជាមានសំណើដែលគាំទ្រដោយសហរដ្ឋអាមេរិក និងបណ្តាប្រទេសអឺរ៉ុបសម្រាប់បទឈប់បាញ់ដោយគ្មានលក្ខខណ្ឌដែលចាប់ផ្តើមពីថ្ងៃទី១២ឧសភាក៏ដោយ។ មេដឹកនាំមកពីចក្រភពអង់គ្លេស បារាំង អាល្លឺម៉ង់ ប៉ូឡូញ និងអ៊ុយក្រែន បានសង្កត់ធ្ងន់លើភាពបន្ទាន់នៃការបញ្ឈប់អរិភាព។ ប្រធានាធិបតីបារាំងលោក Emmanuel Macron បានព្រមានថា ការរំលោភលើបទឈប់បាញ់ដែលបានស្នើឡើងនឹងបង្កឲ្យមានការដាក់ទណ្ឌកម្ម«ដ៏ធំ» ពីសម្ព័ន្ធមិត្តអឺរ៉ុប និងអាមេរិក។ បទឈប់បាញ់មានគោលបំណងបញ្ឈប់ការប្រយុទ្ធគ្នានៅទូទាំងផ្ទៃដី សមុទ្រ និងផ្លូវអាកាស ដោយផ្តល់ជាការត្រួសត្រាយសម្រាប់កិច្ចចរចាការទូត។
កាលពីថ្ងៃសៅរ៍សប្ដាហ៍មុន ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានស្នើឲ្យមានកិច្ចចរចាសន្តិភាពផ្ទាល់ជាមួយអ៊ុយក្រែន នៅទីក្រុង Istanbul នៃប្រទេសតួកគី នាថ្ងៃទី១៥ខែឧសភាខាងមុខ។
ជាការឆ្លើយតប ប្រធានាធិបតីអ៊ុយក្រែន វ៉ូឡូឌីមៀរ ហ្សេលេនស្គី បានយល់ព្រមជួបជាមួយមេដឹកនាំរុស្ស៊ី សម្រាប់កិច្ចពិភាក្សាដោយផ្ទាល់ដើម្បីបើកផ្លូវឈានឆ្ពោះទៅរកសន្តិភាព ប៉ុន្តែប្រមុខរដ្ឋាភិបាលទីក្រុងកៀវ បានដាក់លក្ខខណ្ឌមួយថា លោក ពូទីន ត្រូវឯកភាពលើបទឈប់បាញ់រយៈពេល៣០ថ្ងៃជាមុនសិន។
សូមបញ្ជាក់ថា សង្រ្គាមដែលកំពុងបន្តរវាងរុស្ស៊ីនិងអ៊ុយក្រែន បានបណ្តាលឲ្យមានមនុស្សស្លាប់យ៉ាងច្រើន មានទាំងទាហាន និងជនស៊ីវិល។ របាយការណ៍បាត់បង់ជីវិតរបស់ជនស៊ីវិលអ៊ុយក្រែន មានជាង ១០ ០០០នាក់ ខណៈបច្ចុប្បន្នរុស្ស៊ីកំពុងកាន់កាប់ប្រហែល ២០% នៃទឹកដីអ៊ុយក្រែន៕
ដោយ៖ ឈាង
ចុចអាន៖ ហ្សេលេនស្គី ព្រមជួបពូទីន ទល់មុខ នៅតួកគី តែមានលក្ខខណ្ឌមួយ
ហេង វុទ្ធី ឈ្នះមេដាយមាស១គ្រឿងជូនកម្ពុជាក្នុងព្រឹត្តិការណ៍កីឡាចំបាប់ជើងឯកអាស៊ីអាគ្នេយ៍នៅសិង្ហបុរី
តម្លៃមាសដាំក្បាលចុះ នៅចំពេលអាមេរិក-ចិន ទម្លាក់ពន្ធ
ឥណ្ឌា បញ្ជូននាវាចម្បាំង នាវាផ្ទុកយន្តហោះនិងនាវាមុជទឹក ទៅកៀក ប៉ាគីស្ថាន
រុស្ស៊ីប្រើដ្រូនជាង១០០គ្រឿងវាយអ៊ុយក្រែន មិនខ្វល់ពីការគំរាមនិងបទឈប់បាញ់អឺរ៉ុប
មូលនិធិគន្ធបុប្ផា ចាត់ទុកបេសកម្មជិះកង់ជាង២ម៉ឺនគីឡូម៉ែត្រ ដើម្បីកុមាររបស់ទីវ តារារិទ្ធិ ថាមានគុណតម្លៃខ្លាំង ចំពោះកុមារកម្ពុជា
រថយន្តក្រុងរដ្ឋដឹកអ្នកដំណើរជាង៥០នាក់ ធ្លាក់ចូលជ្រលងភ្នំនៅស្រីលង្កា មិនទាន់ដឹងមូលហេតុ
ហ្សេលេនស្គី ព្រមជួបពូទីន ទល់មុខ នៅតួកគី តែមានលក្ខខណ្ឌមួយ
រតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
ពលរដ្ឋ ថា ទុរេនមួនថងវៀតណាម លក់ជាច្រើនកន្លែងក្នុងខេត្តត្បូងឃ្មុំ តែគ្មានការត្រួតពិនិត្យ
អាមេរិក និងចិន ព្រមគ្នាទម្លាក់ពន្ធក្នុងអត្រារៀងខ្លួនរយៈពេល ៩០ ថ្ងៃ
-
ព័ត៌មានអន្ដរជាតិ៥ ថ្ងៃ agoប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ជីវិតកម្សាន្ដ១ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ព័ត៌មានអន្ដរជាតិ៦ ថ្ងៃ agoត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានជាតិ៤ ថ្ងៃ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានជាតិ៥ ថ្ងៃ agoអាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ៦ ថ្ងៃ agoរុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
-
ព័ត៌មានអន្ដរជាតិ៣ ថ្ងៃ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ
-
ព័ត៌មានអន្ដរជាតិ៥ ថ្ងៃ agoរឿងកាន់តែធំ! ប៉ាគីស្ថាន ថា ជនស៊ីវិលស្លាប់កើនដល់៣១នាក់ ខណៈយន្តហោះមួយគ្រឿងធ្លាក់នៅ ឥណ្ឌា