ព័ត៌មានជាតិ

ព្រីងដោះក្របីរបស់អ្នកភូមិពាមជីកង អាចរកប្រាក់ចំណូលបាន៥លានរៀលក្នុងមួយឆ្នាំ

បានផុស

១ year មុន

នៅ

ថ្ងៃអង្គារ ១៣ ឧសភា ២០២៥

ដោយ

ការប្រមូលផលផ្លែព្រីង របស់អ្នកភូមិពាមជីកង ស្រុកកងមាស អាចរកប្រាក់ចំណូលបាន៤ទៅ៥លានរៀលក្នុងមួយឆ្នាំ ខណៈគ្រួសារលោក អែល អុីសារ មានតែដេីមព្រីង៤ដេីមប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អែល អ៉ីសារ ជនជាតិខ្មែរកាន់សាសនាឥស្លាម រស់នៅក្នុងភូមិពាមជីកង ឃុំពាមជីកង ស្រុកកងមាស ខេត្តកំពង់ចាម បានប្រាប់ឱ្យដឹងថា ដំបូងឡើយគ្រួសារលោកមានតែដេីមព្រីងមួយដេីមគត់ ដាំមុខផ្ទះ ដែលជាប្រភេទព្រីងដោះក្របី ។ លោក អ៉ីសារ រៀបរាប់ឱ្យដឹងទៀតថា ផ្លែដំបូងធំៗល្អណាស់ រសជាតិផ្អែម ហេីយប្រមូលផលឆ្នាំដំបូងអាចរកប្រាក់ចំណូលបាន២លានរៀល មានគេចាំមកទទួលទិញដល់ផ្ទះ។

បច្ចុប្បន្ននេះ ដាំព្រីងនៅក្នុងបរិវេណផ្ទះ លោក អ៉ីសារ មានបួនដេីម ហេីយដេីមទាំងអស់នេះបានប្រមូលផលមុនគេ ហេីយមានគេចាំកម្មង់ទិញយកទៅបន្តច្រេីនដូចនៅភ្នំពេញ និងនៅតាមស្រុក។

លោក អែល អ៉ីសារ បានបញ្ជាក់ទៀតថា ដំណាំព្រីងទាំង៤ដេីមនេះ គ្រួសារលោកពុំមានដាក់ជីអ្វីឡេីយ ពោលគឺគ្រាន់តែមេីលថែរដាក់ទឹកតែប៉ុណ្ណោះ ហេីយគ្រាន់តែចំណូលបានពីលក់ផ្លែព្រីងនេះ ក្នុងមួយឆ្នាំៗអាចរកបានចន្លោះពី៤លានទៅ៥លានរៀល នេះត្រឹមតែ៤ដេីមប៉ុណ្ណោះ ៕

អត្ថបទនិងរូបភាព ៖ ឡេក ចាន់ពេជ្រ