ព័ត៌មានអន្ដរជាតិ
ត្រាំ ក៏ទំនងចូលរួមក្នុងកិច្ចចរចាសន្តិភាព ពូទីន-ហ្សេលេនស្គី នៅ តួកគី ដែរ
ដោយមើលឃើញសញ្ញាវិជ្ជមាននិងបង្ហាញក្តីសោមនស្សចំពោះការវិវឌ្ឍនៃភាពធូរស្រាលក្នុងសង្គ្រាមរុស្ស៊ី-អ៊ុយក្រែន, ប្រធានាធិបតីអាមេរិក ដូណាល់ ត្រាំ បានបង្ហើបថា លោកក៏អាចនឹងចូលរួមកិច្ចពិភាក្សាទល់មុខដ៏ធំរវាងមេដឹកនាំអ៊ុយក្រែន វ៉ូឡូឌីមៀរ ហ្សេលេនស្គី និងប្រមុខវិមានក្រឹមឡាំង វ្ល៉ាឌីមៀរ ពូទីន នៅប្រទេសតួកគី នាថ្ងៃព្រហស្បតិ៍ទី១៥ខែឧសភាឆ្នាំ២០២៥នេះផងដែរ។
ថ្លែងក្នុងសន្និសីទសារព័ត៌មានកាលពីថ្ងៃចន្ទ, លោកត្រាំនិយាយថា «នេះគឺជាព្រឹត្តិការណ៍ដ៏មានសារៈសំខាន់មួយ ហើយខ្ញុំសង្ឈឹមថា ជំនួបរុស្ស៊ី-អ៊ុយក្រែនថ្ងៃព្រហស្បតិ៍នៅទីក្រុងអ៊ីស្តង់ប៊ុល នឹងចេញលទ្ធផលយ៉ាងគាប់ប្រសើរ។ ខ្ញុំជឿថា មេដឹកនាំទាំងពីរនឹងធ្វើដំណើរទៅទីនោះ ចំណែកខ្ញុំក៏ទំនងជានឹងហោះទៅទីនោះដែរ»។
រម្លឹកទៅកាលពីចុងសប្តាហ៍ លោក ពូទីន បានស្នើឲ្យមានកិច្ចចរចាសន្តិភាពផ្ទាល់ជាមួយអ៊ុយក្រែន នៅទីក្រុង អ៊ីស្តង់ប៊ុល ដោយនិយាយថា ការពិភាក្សាមិនគួរពន្យារពេលតទៅទៀតទេ។ លោកសង្កត់ធ្ងន់ថា កិច្ចពិភាក្សាដែលបានស្នើឡើងគួរតែផ្តោតលើការដោះស្រាយបញ្ហាឫសគល់នៃជម្លោះ ដោយលើកឡើងថា៖ «យើងស្វែងរកការពិភាក្សាដ៏ច្បាស់លាស់ ដើម្បីដកចេញនូវឫសគល់នៃជម្លោះ ហើយចាប់ផ្តើមឆ្ពោះទៅរកសន្តិភាពយូរអង្វែង និងរឹងមាំ»។
ពាក់ព័ន្ធបញ្ហានេះ លោក ហ្សេលេនស្គី ក៏ព្រមជួបជាមួយលោក ពូទីន ហើយដែរ ប៉ុន្តែប្រមុខរដ្ឋាភិបាលទីក្រុងកៀវ បានដាក់លក្ខខណ្ឌមួយថា ប្រធានាធិបតីរុស្ស៊ី ត្រូវតែឯកភាពលើបទឈប់បាញ់រយៈពេល៣០ថ្ងៃជាមុនសិន។
លោកហ្សេលេនស្គី បានបង្ហោះសារលើបណ្តាញសង្គម X កាលពីថ្ងៃអាទិត្យទី១១ខែឧសភាឆ្នាំ២០២៥ថា «ខ្ញុំរង់ចាំជួបពូទីនទល់មុខគ្នានៅប្រទេសតួកគី នាថ្ងៃព្រហស្បតិ៍ខាងមុខ។ ខ្ញុំនៅតែរក្សាជំហរថា ទីក្រុងកៀវរង់ចាំបទឈប់បាញ់ពេញលេញនិងយូរអង្វែង ចាប់ពីថ្ងៃស្អែកទៅដើម្បីផ្តល់មូលដ្ឋានចាំបាច់សម្រាប់ផ្នែកការទូត។ ខ្ញុំរំពឹងថា ទីក្រុងមូស្គូនឹងមិនរកលេសទៀតទេលើកនេះ»។
ទោះបីជាពន្លឺសន្តិភាពត្រូវបានគេមើលឃើញលឹមៗហើយក៏ពិតមែន ប៉ុន្តែរុស្ស៊ី នៅតែបាញ់បង្ហោះដ្រូន ជាង១០០គ្រឿង វាយប្រហារអ៊ុយក្រែន ដដែលកាលពីថ្ងៃចន្ទ។
តាមការបញ្ជាក់ពីកងទ័ពអាកាសអ៊ុយក្រែន, ដ្រូន Shahed និងដ្រូនបញ្ឆោតចំនួន១០៨គ្រឿង ត្រូវរុស្ស៊ីបញ្ជូនមកវាយប្រហារទាំងយប់ ប៉ុន្តែខ្លួនស្ទាក់ចាប់បាន៥៥គ្រឿង ខណៈដ្រូនបញ្ឆោត ៣០គ្រឿងទៀតបានបាត់ចេញពីរ៉ាដាតែមិនបង្កគ្រោះថ្នាក់អ្វីឡើយ៕
អត្ថបទ៖ សុខ សុវណ្ណ
ចុចអាន៖ ហ្សេលេនស្គី ព្រមជួបពូទីន ទល់មុខ នៅតួកគី តែមានលក្ខខណ្ឌមួយ
ប្រយ័ត្ន! ថៃ មានមនុស្សស្លាប់៦នាក់ដោយសារកូវីដប្រភេទថ្មី ត្រឹមមួយសប្តាហ៍ ខណៈការឆ្លងកំពុងវាយលុកខ្លាំង
ឥទ្ធិពលខ្យល់មូសុងនិរតីជាមួយសម្ពាធទាប នឹងធ្វើឲ្យកម្ពុជាបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
ត្រាំ ក៏ទំនងចូលរួមក្នុងកិច្ចចរចាសន្តិភាព ពូទីន-ហ្សេលេនស្គី នៅ តួកគី ដែរ
ព្រីងដោះក្របីរបស់អ្នកភូមិពាមជីកង អាចរកប្រាក់ចំណូលបាន៥លានរៀលក្នុងមួយឆ្នាំ
ស៊ីម៉ាក់ បំផ្ទុះគ្រាប់បែកចង្កោម សេសស់ពីសង្គ្រាម១២០គ្រាប់ ក្រោយរកឃើញក្នុងរណ្ដៅ
រតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
រថយន្តក្រុងរដ្ឋដឹកអ្នកដំណើរជាង៥០នាក់ ធ្លាក់ចូលជ្រលងភ្នំនៅស្រីលង្កា មិនទាន់ដឹងមូលហេតុ
ពលរដ្ឋ ថា ទុរេនមួនថងវៀតណាម លក់ជាច្រើនកន្លែងក្នុងខេត្តត្បូងឃ្មុំ តែគ្មានការត្រួតពិនិត្យ
រុស្ស៊ីប្រើដ្រូនជាង១០០គ្រឿងវាយអ៊ុយក្រែន មិនខ្វល់ពីការគំរាមនិងបទឈប់បាញ់អឺរ៉ុប
អាមេរិក និងចិន ព្រមគ្នាទម្លាក់ពន្ធក្នុងអត្រារៀងខ្លួនរយៈពេល ៩០ ថ្ងៃ
-
ព័ត៌មានអន្ដរជាតិ៦ ថ្ងៃ agoប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ជីវិតកម្សាន្ដ២ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ព័ត៌មានជាតិ៥ ថ្ងៃ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានអន្ដរជាតិ៧ ថ្ងៃ agoត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានជាតិ៥ ថ្ងៃ agoអាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ៧ ថ្ងៃ agoរុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
-
ព័ត៌មានអន្ដរជាតិ៤ ថ្ងៃ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ
-
ព័ត៌មានអន្ដរជាតិ៦ ថ្ងៃ agoរឿងកាន់តែធំ! ប៉ាគីស្ថាន ថា ជនស៊ីវិលស្លាប់កើនដល់៣១នាក់ ខណៈយន្តហោះមួយគ្រឿងធ្លាក់នៅ ឥណ្ឌា