កីឡា
អតីតកីឡាករបាល់ទាត់កម្ពុជាល្បី៥រូបកំពុងកាន់ការងារនៅក្លិបលីគកំពូល
អតីតកីឡាករបាល់ទាត់ជាច្រើនកំពុងចាប់អាជីពជាគ្រូបង្វឹក គ្រូជំនួយ និងការងារផ្សេងៗទៀតពាក់ព័ន្ធវិស័យបាល់ទាត់។ ជាក់ស្តែងមានកីឡាករ៥រូបកំពុងទទួលបានការងារជាគ្រូបង្វឹកនៅតាមក្លិបនៃលីគកំពូលកម្ពុជាមានដូចជា លោក ឃីម បូរី, ឃួន ឡាបូរ៉ាវី, កែវ សុខង៉ន, ទៀង ទិនី និង កែវ សុខផេង។
លោក ឃួន ឡាបូរ៉ាវី
លោក ឃួន ឡាបូរ៉ាវី ជាមន្ត្រីបច្ចេកទេសនៅសហព័ន្ធកីឡាបាល់ទាត់កម្ពុជា និងជាគ្រូបង្ហាត់យុវជននៅសាលាបាល់ទាត់របស់បឹងកេត ហើយក៏ជាអ្នកវិភាគបាល់ទាត់ម្នាក់ផងដែរ។ លោកជាអតីតខ្សែប្រយុទ្ធជម្រើសជាតិកម្ពុជា ក្លិបព្រះខ័នរាជស្វាយរៀង និងបឹងកេត។
លោក កែវ សុខង៉ន
លោក កែវ សុខង៉ន ជាអ្នកចាត់ការទូទៅនៅក្លិបភ្នំពេញក្រោន បន្ទាប់ពីលោកបានចូលនិវត្តន៍ពីអាជីពបាល់ទាត់។ លោកជាអតីតខ្សែប្រយុទ្ធរបស់ក្រុមបាល់ទាត់ជម្រើសជាតិកម្ពុជា និងក្លិបភ្នំពេញក្រោន បឹងកេត និងធ្លាប់ទៅលេងក្លិប Samut Sakhon របស់ប្រទេសថៃ។
លោក ទៀង ទីនី
លោក ទៀង ទិនី កំពុងកាន់តួនាទីជាគ្រូបង្វឹកក្រុមយុវជនអាយុក្រោម១៨ឆ្នាំរបស់ក្លិបបាល់ទាត់វិសាខា បន្ទាប់ពីចូលនិវត្តន៍កាលពីឆ្នាំ២០២០។ អតីតខ្សែការពារជម្រើសជាតិកម្ពុជារូបនេះបានលេងឲ្យក្លិបជាច្រើនដូចជា ណាហ្គាវើលដ៍ ភ្នំពេញក្រោន អង្គរថាយហ្គឺរ វិសាខា និងចុងក្រោយព្រះខ័នរាជស្វាយរៀង។
លោក ឃីម បូរី
លោក ឃីម បូរី កំពុងកាន់តួនាទីធំជាគ្រូបង្គោលក្លិបបាល់ទាត់ណាហ្គាវើលដ៍ បន្ទាប់ពីលោកចូលនិវត្តន៍កាលពីឆ្នាំ២០២២ ក្រោយពេលលោកគ្រូ មាស ចាន់ណា បានចាកចេញទៅក្លិបវិសាខា។ ខ្សែបម្រើប្រយុទ្ធជម្រើសជាតិកម្ពុជាបច្ចុប្បន្នវ័យ៣៣ឆ្នាំធ្លាប់លេងឲ្យក្លិបក្រសួងការពារជាតិ ភ្នំពេញក្រោន ក្លិបថៃស៊ីសាកេត និងចុងក្រោយណាហ្គាវើលដ៍។
លោក កែវ សុខផេង
លោក កែវ សុខផេង ទើបតែសម្រេចប្រកាសចូលនិវត្តន៍កាលពីថ្ងៃទី៥ ខែមេសា ឆ្នាំ២០២៣ បន្ទាប់ពីរបួសជាបន្តបន្ទាប់។ ក្រោយពេលឈប់ពីអាជីពបាល់ទាត់ លោកទទួលបានងារជា«ទូតសុច្ឆន្ទៈ»ប្រចាំក្លិបវិសាខា។ ខ្សែបម្រើប្រយុទ្ធជម្រើសជាតិកម្ពុជារូបនេះធ្លាប់លេងឲ្យក្លិបជាច្រើនដូចជា បឹងកេត ភ្នំពេញក្រោន ក្លិបម៉ាឡេស៊ី PKNP និងចុងក្រោយក្លិប វិសាខា៕
អត្ថបទ៖ វីរបុត្រ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ