ព័ត៌មានអន្ដរជាតិ

Phumtham ធ្វើបុណ្យចម្រើនព្រះជន្ម ទាំងដែលគ្មានព្រះវត្តមានស្ដេច ថៃ

បានផុស

១២ ខែ មុន

នៅ

ថ្ងៃចន្ទ ២៨ កក្កដា ២០២៥

ដោយ

បើទោះបីជាប្រទេសថៃនិងកម្ពុជាកំពុងតែជួបភាពតានតឹងក៏ដោយ ប៉ុន្តែនាយករដ្ឋស្តីទីលោក Phumtham Wechayachai និងភរិយា នៅថ្ងៃទី២៨កក្កដានេះ បានប្រារព្ធពិធីបុណ្យចម្រើនព្រះជន្មឲ្យព្រះមហាក្សត្រដូចធម្មតា គ្មានការរំសាយចោលដូចការចុះផ្សាយពីសារព័ត៌មានថៃព្រោងព្រាតឡើយ។ ប៉ុន្តែក្នុងពិធីដ៏ឱឡារិកនោះដែរ គ្មានព្រះវត្តមានស្ដេច មហា វ៉ាជីរ៉ាឡុងកន ដូចឆ្នាំមុនៗនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងទៅតាមការចុះផ្សាយពីសារព័ត៌មាន news.ch7 បានបង្ហាញអំពីសកម្មភាពនាយករដ្ឋស្តីទីថៃរួមទាំងមន្រ្តីក្រោមឱវាទសុទ្ធសាធ កំពុងតែអុជធូបទៀននៅមុខព្រះបរមរូបព្រះមហាក្សត្រ (រូបថត) ព្រមទាំងប្រគេនចង្ហាន់ដល់ព្រះសង្ឃចំនួន រួចថ្វាយបង្គំនៅមុខព្រះបរមរូបស្ដេចថៃតែប៉ុណ្ណោះ។

ឆ្លៀតនៅក្នុងឱកាសនោះដែរ លោក Phumtham បានអញ្ជើញជាអធិបតីក្នុងពិធីស្បថចូលកាន់តំណែងជាមន្ត្រីរាជការល្អ និងជាអំណាចរបស់ប្រទេស អមជាមួយគណៈរដ្ឋមន្ត្រី មន្ត្រីនយោបាយ មន្ត្រីជាន់ខ្ពស់មកពីគ្រប់ស្ថាប័នរដ្ឋាភិបាល រួមទាំងជនស៊ីវិល យោធា ប៉ូលិស សាកលវិទ្យាល័យរដ្ឋ សហគ្រាសរដ្ឋ និងវិស័យសាធារណៈ ដែលបានចូលរួមក្នុងពិធីធ្វើជាសាក្សី។

ទោះជាយ៉ាងណាក៏ដោយ ដោយយោងទៅតាមសារព័ត៌មានធំៗក្នុងប្រទេសថៃ កាលពីប៉ុន្មានថ្ងៃមុនបានដកស្រងចេញពីព្រះបរមរាជវាំងថា ពិធីបុណ្យចម្រើនព្រះជន្មឲ្យព្រះមហាក្សត្រអាចនឹងត្រូវអាក់ខានក្រោមហេតុផល ចំពេលប្រទេសថៃ និងកម្ពុជាកំពុងតែជួបភាពតានតឹងព្រំដែន។

ជាការកត់សម្គាល់ថែមទៀតនោះ ក្នុងពិធីដ៏អធិកអធមក្នុងប្រទេសថៃទាំងមូល បែរជាគ្មានព្រះវត្តមានព្រះមហាក្សត្រជាប្រមុខ ដែលពិធីនេះធ្វើឡើង ត្រឹមរូបថតតាំងលម្អនៅមុខរាជវាំងតែប៉ុណ្ណោះ។ អវត្តមានស្ដេច មហា វ៉ាជីរ៉ាឡុងកន នេះដែរបានធ្វើឲ្យប្រជារាស្រ្តមានចំងល់យ៉ាងខ្លាំង ដែលឆ្នាំមុនៗទ្រង់តែងបង្ហាញព្រះវត្តមានក្នុងថ្ងៃចម្រើនព្រះជន្មជានិច្ច៕