Mike ដោះអាវបង្អួតស្បែកសរលោងក្នុងអាកាសធាតុត្រជាក់ខ្លាំងលើភ្នំ ខណៈស្រីៗថាសុំខ្មាស

តារាប្រុសដ៏មានសមត្ថភាពនិងទេពកោសល្យព្រមៗគ្នា លោក Mike Angelo បានបង្ហោះរូបភាពច្រើនសន្លឹកបង្អួតពីក្បាលពោះកង់ៗ អមដោយសាច់ដុំហាប់ណែន។ អ្វីដែលជាទីចាប់អារម្មណ៍របស់អ្នកគាំទ្រស្រីៗ នោះគឺស្បែកដ៏សរលោងគ្មានស្នាមរបស់រូបលោកផ្ទាល់តែម្ដង នេះបើយោងតាមការចុះផ្សាយពីកាសែតថៃ Sanook។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការបង្ហោះពីគណនី IG ផ្ទាល់ខ្លួនរបស់តួប្រុសកំពុងសាងឈ្មោះល្បីល្បាញក្រៅប្រទេសថៃ និងជាសម្ដែងជាតួបែបយុវវ័យ បានបង្ហាញនូវរូបរាងដ៏សិចស៊ីលើភ្នំទៅ Doi Chang នៅខេត្តឈៀងរ៉ៃ ។ ក្នុងពេលដែលអាកាសធាតុលើភ្នំត្រជាក់ខ្លាំង សឹងតែខ្យល់បុកប៉ះរាងកាងកាយ ប៉ុន្តែលោកបែរជាដោះអាវបង្អួតសាច់ដុំកង់ៗទៅកាន់ធម្មជាតិជុំវិញ។

លើសពីនេះទៀតដែរ តួឯកប្រុសក្នុងរឿង “Full House” បានសរសេរខេបសិនយ៉ាងពេញអត្ថន័យថា “Doi Chang ត្រជាក់ណាស់!​ ពេលទទួលខ្យល់ត្រជាក់មកបុកពេញរាងកាយ យើងត្រូវតែឆ្លៀតឱកាសនេះដើម្បីសម្រាករាងកាយ និងបេះដូងជាមួយនឹងទិដ្ឋភាពដ៏ស្រស់ស្អាត ព័ទ្ធជុំវិញស្ទើរតែគ្រប់ជ្រុងទាំងអស់។ ប៉ុន្មានសន្លឹកនេះ រាងសិចស៊ីបន្តិចហើយបាទ”!

យ៉ាងណាក៏ដោយ បើទោះបីជាបុរសមានកូនមួយហើយក្ដី ប៉ុន្តែបើនិយាយពីរូបរាងសង្ហាសាច់ដុំកង់ៗ ទស្សនិកជនមិនភ្លេចនឹកភ្នក់ដល់តារាសម្ដែង Mike Angelo មុនគេនោះទេ។ ក្នុងនោះផងដែរ ហ្វេនស្រីៗបាននិងសម្រុកស៊ែរឡាចគាំទ្រ ហើយនិយាយបែបលេបខាយឲ្យលោកប្រយ័ត្នខ្យល់ខ្លាំងបុករាងកាយ អាចនឹងឈឺថ្កាត់គ្មានអ្នកមើលថែរ។

ថ្វីដ្បិតជាតារាប្រុសរះនៅប្រទេសថៃក៏ពិតមែន ប៉ុន្តែតារាសម្ដែងរូបនេះ​បែរជាមានទីផ្សារសិល្បយ៉ាងភ្លូកទឹកភ្លូកដីនៅប្រទេសចិន ឯនោះវិញ។ លោកពេញនិយមសម្ដែងក្នុងភាពយន្តចិនបុរាណមួយចំនួន ខណៈភាគច្រើនទៀត បុរសសង្ហាសាច់សខ្ចីដូចមនុស្សស្រី Mike​ ច្រើនដើរតួបែបយុវវ័យ៕

អត្ថបទ៖​ សាង ស្រីល័ក្ខ

ចុចអាន៖Engfa បង្អួតសម្រស់ក្នុងឈុតប៊ីគីនី​ ចាយរាងសិចស៊ីជាងមុនទ្វេរដង