កីឡា

បណ្តាញទំនាក់ទំនងសង្គមថៃ ចោទ កីឡាករបាល់ទះ ឈាង ជីវែង ជាទាហានរុស្ស៊ី

បានផុស

១៨ នាទីutes មុន

នៅ

ថ្ងៃពុធ ៣០ កក្កដា ២០២៥

ដោយ

នៅយប់ថ្ងៃទី២៩ ខែកក្កដា ឆ្នាំ ២០២៥ បណ្តាញទំនាក់ទំនងសង្គមថៃ បានចាប់អារម្មណ៍ខ្លាំងពីកីឡាករបាល់ទះកម្ពុជា ឈាង ជីវែង ដែលពួកគេបានចាត់ទុកជាទាហានរុស្ស៊ីមកជួយកម្ពុជាក្នុងសង្គ្រាមព្រំដែន។

កីឡាករ ឈាង ជីវេង ឈ្នះពានឯកត្តជន ឆ្នាំ ២០២៥

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពកីឡាករ ឈាង ជីវែង ស្ថិតនៅក្នុងក្រុមបញ្ជាការដ្ឋានអង្គរក្សអមដំណើរ នាយឧត្តមសេនីយ៍ កិតិ្តសង្គហបណ្ឌិត ហ៊ីង ប៊ុនហៀង ក្នុងបេសកកម្មចុះទៅព្រំដែនដែលមានជម្លោះ។ កីឡាករកម្ពុជារូបនេះស្ថិតក្នុងអង្គរក្ស ២ នាក់ ដែលមានកាយសម្បទាខ្ពស់ ធំ និងសម្បុរសដែលធ្វើឲ្យអ្នកប្រើប្រាស់បណ្តាញទំនាក់ទំនងថៃចាប់អារម្មណ៍ និងចោទថាជាទាហានរុស្ស៊ីមកជួយកម្ពុជាទៅវិញ។

ក្រុមបញ្ជាការដ្ឋានអង្គរក្ស ឈ្នះជើងឯកតេជោលីគ ឆ្នាំ ២០២៥

កីឡាករ ឈាង ជីវែង ដែលធ្លាប់ជាប់ជម្រើសជាតិកម្ពុជា បានឈ្នះជើងឯកលីគបាល់ទះកំពូលកម្ពុជា «តេជោលីគ» ពីរលើកជាប់គ្នាជាមួយក្រុមបាល់ទះបញ្ជាការដ្ឋានអង្គរក្ស នៅឆ្នាំ ២០២៤ និង ២០២៥។ កីឡាករមានការងារជាអង្គរក្សនៅបញ្ជាការដ្ឋានអង្គរក្សដែលទៅណា មកណាដែលតែងតែទៅជាមួយ លោក នាយឧត្តមសេនីយ៍ កិតិ្តសង្គហបណ្ឌិត ហ៊ីង ប៊ុនហៀង អគ្គមេបញ្ជាការរង និងជាមេបញ្ជាការដ្ឋានអង្គរក្ស។

កាលពីដើម ឆ្នាំ២០២៤ កីឡាករ ឈាង ជីវែង បានរបួសក្រឡាច់ក-ជើងស្ដាំដ៏រន្ធត់មួយនៅអំឡុងពេលរូបគេកំពុងបង្ហាញសមត្ថភាពយ៉ាងល្អក្នុងជំនួបក្លឹបបញ្ជាការដ្ឋានអង្គរក្ស ជាមួយក្លឹបបាល់ទះក្រសួងមហាផ្ទៃ ដណ្ដើមពានរង្វាន់តេជោលីគឆ្នាំ២០២៤។ របួសនោះបានធ្វើឲ្យរូបគេឃ្លាតឆ្ងាយពីទីលានបាល់ទះ និងព្យាបាលច្រើនខែ ប៉ុន្តែឈានចូលតេជោលីគ ឆ្នាំ ២០២៥ រូបគេបានជាសះស្បើយ និងអាចលេងកម្រិតអាជីពវិញ៕