ព័ត៌មានជាតិ
តើសាលាឧទ្ធរណ៍ប្រចាំតំបន់ទាំង ៤នៅកម្ពុជាមានការទទួលខុសត្រូវការងារដូចម្ដេច?
កាលពីកំឡុងឆ្នាំ២០២០ រាជរដ្ឋាភិបាលកម្ពុជាបានសម្រេចបង្កើត និងដាក់ឲ្យដំណើរការនូវសាលាឧទ្ធរណ៍តំបន់ចំនួន ៣បន្ថែមបន្ទាប់ពីសាលាឧទ្ធរណ៍ភ្នំពេញ។ ការបង្កើតសាលាឧទ្ធរណ៍តំបន់នេះគឺជាប្រវត្តិសាស្រ្តក្នុងប្រព័ន្ធយុត្តិធម៌នៅកម្ពុជា ហើយស្របតាមទិសដៅកម្មវិធីកំណែទម្រង់ច្បាប់ និងវិស័យយុត្តិធម៌ដើម្បីបង្ខិតសេវាយុត្តិធម៌ជិតប្រជាពលរដ្ឋ និងដើម្បីជួយកាត់បន្ថយការកកស្ទះសំណុំរឿងនៅសាលាឧទ្ធរណ៍ភ្នំពេញ។ តើសាលាឧទ្ធរណ៍ប្រចាំតំបន់ទាំង ៤នេះ មានកាតព្វកិច្ច និងការទទួលខុសត្រូវការងារដូចម្ដេច?
១/សាលាឧទ្ធរណ៍ភ្នំពេញ
សាលាឧទ្ធរណ៍ភ្នំពេញគឺមានទីតាំងនៅរាជធានីភ្នំពេញដែលទទួលដោះស្រាយលើបណ្ដឹងឧទ្ធរណ៍របស់ប្រជាពលរដ្ឋសម្រាប់តែរាជធានីភ្នំពេញ និងខេត្តកណ្ដាលប៉ុណ្ណោះ។ សាលាឧទ្ធរណ៍ភ្នំពេញមានលោក សេង ស៊ីវុត្ថា ជាប្រធាន និងលោក អ៊ុក សាវុធ ជាអគ្គព្រះរាជអាជ្ញានៃមហាអយ្យការអមសាលាឧទ្ធរណ៍ភ្នំពេញ។
២/ សាលាឧទ្ធរណ៍តំបន់បាត់ដំបង
សាលាឧទ្ធរណ៍តំបន់បាត់ដំបងមានទីតាំងនៅខេត្តបាត់ដំបង ដែលគ្របដណ្ដប់ទៅលើការដោះស្រាយបណ្ដឹងឧទ្ធរណ៍របស់ប្រជាពលរដ្ឋសម្រាប់នៅខេត្តកំពង់ឆ្នាំង ពោធិ៍សាត់ បាត់ដំបង ប៉ៃលិន បន្ទាយមានជ័យ ឧត្តរមានជ័យ និងខេត្តសៀមរាប។ ប្រធានសាលាឧទ្ធរណ៍តំបន់បាត់ដំបងគឺលោក សម ប៊ុនថុន និងអគ្គព្រះរាជអាជ្ញានៃមហាអយ្យការអមសាលាឧទ្ធរណ៍តំបន់បាត់ដំបងគឺលោក លោក នួន សាន។
៣/ សាលាឧទ្ធរណ៍តំបន់ព្រះសីហនុ
សាលាឧទ្ធរណ៍តំបន់ព្រះសីហនុមានទីតាំងនៅខេត្តព្រះសីហនុដែលបានគ្របដណ្ដប់ទៅលើការដោះស្រាយបណ្ដឹងឧទ្ធរណ៍របស់ប្រជាពលរដ្ឋសម្រាប់នៅខេត្តតាកែវ កំពង់ស្ពឺ ព្រះសីហនុ កំពត កោះកុង និងខេត្តកែប។ លោក សុខ កល្យាណ ត្រូវបានប្រកាសឲ្យកាន់តំណែងជាប្រធានសាលាឧទ្ធរណ៍តំបន់ព្រះសីហនុ ខណៈលោក សរ យសថាវរៈ ជាអគ្គព្រះរាជអាជ្ញានៃមហាអយ្យការអមសាលាឧទ្ធរណ៍តំបន់ព្រះសីហនុ។
៤/ សាលាឧទ្ធរណ៍តំបន់ត្បូងឃ្មុំ
សាលាឧទ្ធរណ៍តំបន់ត្បូងឃ្មុំ មានទីតាំងនៅខេត្តត្បូងឃ្មុំ ដែលគ្របដណ្ដប់ទៅលើការដោះស្រាយបណ្ដឹងឧទ្ធរណ៍របស់ប្រជាពលរដ្ឋសម្រាប់ខេត្តកំពង់ចាម កំពង់ធំ ព្រះវិហារ ក្រចេះ ស្ទឹងត្រែង រតនគិរី មណ្ឌលគិរី ព្រៃវែង ស្វាយរៀង និងខេត្តត្បូងឃ្មុំ។ សាលាឧទ្ធរណ៍តំបន់ត្បូងឃ្មុំមានលោក ម៉ុង មុនីចរិយា ជាប្រធាន និងលោក ហួត វុទ្ធី ជាអគ្គព្រះរាជអាជ្ញានៃមហាអយ្យការអមសាលាឧទ្ធរណ៍តំបន់ត្បូងឃ្មុំ៕
ដោយ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង