កីឡា

នេះក្រុមលំដាប់កំពូល ៤ ត្រូវ ប៉ះ កម្ពុជាក្នុងពាន SEA V. League ឆ្នាំ២០២៥

បានផុស

២ នាទីutes មុន

នៅ

ថ្ងៃអង្គារ ២៤ មិថុនា ២០២៥

ដោយ

ពានរង្វាន់បាល់ទះកម្រិតទី១ប្រចាំតំបន់អាស៊ាន SEA V. League ឆ្នាំ ២០២៥ នឹងចាប់ផ្តើមនៅខែកក្កដា ខាងមុខនេះហើយដោយមានក្រុមលំដាប់កំពូលទាំង៥។

ក្រុមកម្ពុជាជាជើងឯក SEA V. League Challenge

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមផេក Volleytrails បានបង្ហាញថា ក្រុមបាល់ទះជម្រើសជាតិចំនួន ៥ ដែលត្រូវប្រកួតពាន SEA V. League ឆ្នាំ២០២៥ គឺ ហ្វីលីពីន ថៃ ឥណ្ឌូណេស៊ី វៀតណាម និង កម្ពុជា។ កម្ពុជាបានឡើងមកកាន់ពានកម្រិតទី១នេះ ក្នុងនាមជាម្ចាស់ជើងឯកពានកម្រិតទី២ SEA V. League Challenge កាលពីឆ្នាំ២០២៤ ខណៈ ៤ ក្រុមផ្សេងទៀត គឺជាក្រុមដែលមានតារាងចំណាត់ថ្នាក់ខ្ពស់ប្រចាំតំបន់។

តាមការគ្រោងទុក ពានរង្វាន់ SEA V. League មាន ២ ដំណាក់កាល។ ដំណាក់កាលទី១ ចាប់ពីថ្ងៃទី ១១ ដល់ ទី ១៣ ខែកក្កដា ឆ្នាំ ២០២៥ ប្រកួតនៅប្រទេស ហ្វីលីពីន និងដំណាក់កាលទី២ ចាប់ពីថ្ងៃទី ១៨ ដល់ទី ២០ ខែកក្កដា ឆ្នាំ២០២៥ ប្រកួតនៅប្រទេសឥណ្ឌូណេស៊ី។

ក្រុមបាល់ទះជម្រើសជាតិ ហ្វីលីពីន ឥណ្ឌូណេស៊ី ថៃ និង វៀតណាម សុទ្ធតែបានចូលរួមប្រកួតពានរង្វាន់ប្រចាំតំបន់អាស៊ី AVC Men’s Nations Cup ឆ្នាំ២០២៥ ហើយ ថៃ និង ហ្វីលីពីន បានធ្លាក់ត្រឹមវគ្គសន្សំពិន្ទុក្នុងពូល ខណៈ ឥណ្ឌូណេស៊ី និង វៀតណាម បានធ្លាក់ត្រឹមវគ្គ៨ក្រុមចុងក្រោយ។

ចំណែកក្រុមបាល់ទះជម្រើសជាតិកម្ពុជាមិនមានកម្មវិធីប្រកួតអន្តរជាតិឡើយដោយកំពុងហ្វឹកហាត់។ យ៉ាងណា កាលពីថ្ងៃទី២២ ខែមិថុនានេះ ក្រុមវិសាខា ដែលភាគច្រើនជាកីឡាករជម្រើសជាតិកម្ពុជា បានប្រកួតមិត្តភាពជាមួយក្រុមវៀតណាម Cong An Hochi Minh ដែលប្រៀបដូចជាកម្តៅសាច់ដុំរបស់ក្រុមជម្រើសជាតិកម្ពុជា៕