ខេត្ត​ព្រះសីហនុ​ត្រៀមផ្ទះសំណាក់ ៥​ កន្លែងសម្រាប់​បេក្ខជន​ប្រឡងបាក់ឌុបមកពីឆ្ងាយៗ​

រដ្ឋបាលខេត្តព្រះសីហនុ នៅថ្ងៃទី ២៣ ខែធ្នូ ឆ្នាំ ២០២១នេះ បានប្រកាសផ្ដល់ជូនកន្លែងស្នាក់នៅ និងអាហារ ដល់បេក្ខជនប្រឡងសញ្ញាបត្រមធ្យមសិក្សាទុតិយភូមិ នៅថ្ងៃទី ២៧ ខែធ្នូ ឆ្នាំ ២០២១ ខាងមុខនេះ។

ការរៀបចំកន្លែងស្នាក់នៅ ដល់បេក្ខជន ដែលមកពីវិទ្យាល័យឆ្ងាយៗ ដើម្បីជួយសម្រាលបន្ទុក ដោះស្រាយការលំបាក និងបញ្ហាប្រឈមនានា របស់ឪពុកម្ដាយ អាណាព្យាបាល ដែលពុំមានលទ្ធភាពគ្រប់គ្រាន់ ក្នុងការដោះស្រាយការស្នាក់នៅ ហូបចុកក្នុងអំឡុងពេលប្រឡង។

រដ្ឋបាលខេត្តព្រះសីហនុ បញ្ជាក់ថា មណ្ឌលប្រឡងវិទ្យាល័យ ហ៊ុន សែន វាលរេញ និងបឋមសិក្សា ហ៊ុន សែន វាលរេញ រដ្ឋបាលខេត្តបានត្រៀមផ្ទះសំណាក់ចំនួន ៤ កន្លែង រួមនិងអាហារ ៣ ពេល សម្រាប់បេក្ខជន នៅថ្ងៃប្រឡង។

ចំណែកឯមណ្ឌលវិទ្យាល័យ ហ៊ុន សែន មិត្តភាព វិទ្យាល័យក្រុងព្រះសីហនុ និងអនុវិទ្យាល័យតេជោសែន កម្មករ រដ្ឋបាលខេត្តបានរៀបចំ នៅផ្ទះសំណាក់គ្រូបង្រៀន៕

សេចក្ដីជូនដំណឹងរបស់រដ្ឋបាលខេត្តព្រះសីហនុ៖

អត្ថបទ៖ ស៊ុយ ចាន់ធា