កីឡា
ព្រះខ័នរាជស្វាយរៀង បន្តឈរកំពូលតារាងរឹងមាំ ដោយនាំមុខពិន្ទុ ភ្នំពេញក្រោន កាន់តែច្រើន
លោក Josep Muñoz គ្រូបង្វឹកព្រះខ័នរាជស្វាយរៀងបានសម្រេចបំណងប្រាថ្នារបស់លោកក្នុងការទទួលបានជ័យជម្នះនៅកីឡដ្ឋាន ស្មាតអអេសអិន ជាលើកដំបូង បន្ទាប់ពីបានយកឈ្នះលើម្ចាស់ផ្ទះភ្នំពេញក្រោន ដោយលទ្ធផល ២-០ សម្រាប់ការប្រកួតសប្តាហ៍ទី២៧នៃលីគកំពូលកម្ពុជារដូវកាល២០២៤-២៥។
ក្រោមក្រសែភ្នែកអ្នកទស្សនាផ្ទាល់ចំនួន៣៧៣៨នាក់ ការប្រកួតពិតជាតឹងតែងខ្លាំងមែនទែន។ ក្រុមទាំងពីរត្រូវបានអាជ្ញាកណ្តាលពិន័យកាតលឿងជាច្រើនទាំងកីឡាករ និងក្រុមការងារគ្រូបង្វឹក។ មិនត្រឹមប៉ុណ្ណោះ ខ្សែបម្រើ យូឌៃ អូកាវ៉ា ទទួលបានកាតក្រហមដែលត្រូវចេញពីលាន ហើយម្ចាស់ផ្ទះមានគ្នាតែ១០នាក់ប៉ុណ្ណោះ។
២គ្រាប់របស់ព្រះខ័នរាជស្វាយរៀង រកបានដោយខ្សែប្រយុទ្ធ ញាណ សុស៊ីដាន នៅវគ្គទី១ និងខ្សែប្រយុទ្ធសញ្ជាតិឡាវ Bounphachan Bounkong នៅវគ្គទី២។ មែនទែនទៅ ភ្នំពេញក្រោនក៏មានឱកាសស៊ុតជាច្រើនលើក ប៉ុន្តែអ្នកចាំទី វីរះ ដារ៉ា ពិតជាសង្គ្រោះបាល់បានល្អជាច្រើនលើក។
នេះជាជ័យជម្នះលើកដំបូងរបស់លោក Muñoz បន្ទាប់ពីដឹកនាំព្រះខ័នរាជស្វាយរៀងលេងនៅកីឡដ្ឋាន ស្មាតអអេសអិន ចំនួន៤លើកគឺមានន័យថា ឈ្នះ១ ស្មើ២ និងចាញ់១។
ទោះបីជាយ៉ាងណា បើគិតលើការប្រកួតសរុបទាំងក្នុងដី និងក្រៅដីសម្រាប់ការប្រកួតក្នុងលីគក្រោមការដឹកនាំរបស់លោក Josep Muñoz គឺធ្វើបានល្អមែនទែនដោយជួបគ្នា៧ប្រកួត ដោយឈ្នះ៤ ស្មើ២ និងចាញ់១ដងប៉ុណ្ណោះ។
តាមរយៈជ័យជម្នះនេះ ព្រះខ័នរាជស្វាយរៀង ឈរលើកំពូលតារាងកាន់តែរឹងមាំដោយមាន៦៤ពិន្ទុ នាំមុខ៤ពិន្ទុលើ ភ្នំពេញក្រោន ដែលមាន៦០ពិន្ទុ៕
អត្ថបទ៖ វីរបុត្រ
-
ព័ត៌មានអន្ដរជាតិ១ ថ្ងៃ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សន្តិសុខសង្គម៣ ថ្ងៃ agoចាប់ខ្លួនម្ចាស់ហាង «កាកាសាឡន ក្រោយវាយធ្វើបាប និងគំរាមកាត់ម្រាមដៃជើង លើស្រ្តីមេម៉ាយបម្រើក្នុងផ្ទះ
-
កីឡា២ ថ្ងៃ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានអន្ដរជាតិ២ ថ្ងៃ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានអន្ដរជាតិ៣ ថ្ងៃ agoផ្ទុះគ្រាប់បែក នៅថៃ របួសទេសចរម៉ាឡេស៊ី ២នាក់
-
កីឡា២ ថ្ងៃ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi
-
ព័ត៌មានអន្ដរជាតិ៦ ថ្ងៃ agoតុលាការកូរ៉េខាងត្បូង ផ្ដន្ទាទោសអតីតជំទាវទីមួយ Kim Keon Hee ជាប់ពន្ធនាគារ ៧ឆ្នាំ ពីបទទទួលសំណូក
-
ព័ត៌មានអន្ដរជាតិ៥ ថ្ងៃ agoអាមេរិកបើកការវាយប្រហារលើអ៊ីរ៉ង់ ២ថ្ងៃជាប់គ្នា ដោយចោទទីក្រុងតេហេរ៉ង់ថា រំលោភលើកិច្ចព្រមព្រៀង