កីឡា

លោកស្រី ចូវ សុធារ៉ា ព្រឹទ្ធាចារ្យតាមខេត្តសប្បាយរីករាយជាខ្លាំងសហព័ន្ធរៀបចំការប្រកួតយុវជន

បានផុស

១ year មុន

នៅ

ថ្ងៃសៅរ៍ ៥ មេសា ២០២៥

ដោយ

លោកស្រី ចូវ សុធារ៉ា ថាព្រឹទ្ធាចារ្យតាមបណ្ដាខេត្តបង្ហាញការសប្បាយចិត្តជាខ្លាំងនៅពេលសហព័ន្ធកីឡាចំបាប់កម្ពុជារៀបចំការប្រកួតកីឡាចំបាប់យុវជន លើកទី២ ឆ្នាំ២០២៥ នេះជាការលើកទឹកចិត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពសហព័ន្ធ

គ្រូបង្វឹកជម្រើសជាតិផ្នែកចំបាប់លោកស្រី ចូវ សុធារ៉ា បានឲ្យដឹងថា នេះជាលើកទី២ ហើយដែលសហព័ន្ធបានរៀបចំឲ្យយុវជនបានប្រកួត។ ដោយឡែកសម្រាប់ការប្រកួតនៅឆ្នាំនេះក៏មានការឧបត្ថម្ភពីម្ចាស់ឧបត្ថម្ភមួយចំនួនដែរមិនដូចលើកទី១ ជាការចំណាយទាំងស្រុងរបស់លោក ខេស៊ី បាណេត អនុប្រធានសហព័ន្ធ។

រូបភាពសហព័ន្ធ

គ្រូបង្វឹកពោរពេញដោយបទពិសោធខាងលើនេះបន្ថែមទៀតថា ព្រឹទ្ធាចារ្យ គ្រូបង្វឹក ពិសេសតាមបណ្ដាខេត្តមានចិត្តសប្បាយរីករាយជាខ្លាំង និងមានការចូលរួមពីសមាគម ក្លឹប កាន់តែច្រើនជាងឆ្នាំមុនទៅទៀត។ គ្រូៗសប្បាយចិត្តចំពោះការប្រកួតនេះ ព្រោះបានឲ្យសិស្សៗរបស់ខ្លួនបញ្ចេញសមត្ថភាព ប្រឡងសាកល្បងសមត្ថភាពរីកចម្រើន ឬនៅខ្វះខាតត្រង់ចំណុចណាខ្លះ។ មួយវិញទៀតការប្រកួតដូចនេះជាការលើកទឹកចិត្តដល់យុវជនដែលបានខំប្រឹងហ្វឹកហាត់នាពេលកន្លងទៅ។

រូបភាពសហព័ន្ធ

បញ្ជាក់ដែរថា សហព័ន្ធកីឡាចំបាប់កម្ពុជាស្អែកនេះនឹងរៀបចំការប្រកួតយុវជន ប្រចាំឆ្នាំ២០២៥ ចាប់ពីថ្ងៃទី៥ ដល់ ៦ ខែមេសា នៅសាលចំបាប់ក្នុងពហុកីឡដ្ឋានជាតិ។ ការប្រកួតនេះមានសមាគម ក្លឹប ចូលរួមសរុប ១៧ និងមានកីឡាករ កីឡាការិនី សរុប ១៧៩នាក់៕

Related Topics:កីឡាចំបាប់