ស្ត្រីពីរនាក់ជិះម៉ូតូឌុបគ្នាបុកសួនពុះចែកទ្រូងផ្លូវ ផ្លោងបោកជាមួយបង្គោលភ្លើងស្លាប់ម្នាក់របួសម្នាក់​
Connect with us
Helistar Cambodia - Helicopter Charter Services

ចរាចរណ៍

ស្ត្រីពីរនាក់ជិះម៉ូតូឌុបគ្នាបុកសួនពុះចែកទ្រូងផ្លូវ ផ្លោងបោកជាមួយបង្គោលភ្លើងស្លាប់ម្នាក់របួសម្នាក់​

បានផុស

នៅ

យ៉ាងហោចណាស់​ក៏មាន​ស្ត្រី​វ័យ​ចំណាស់​ម្នាក់​បាន​ស្លាប់​ភ្លាមៗ​នៅនឹងកន្លែង​កើតហេតុ និង​ស្ត្រី​ម្នាក់ទៀត​រង របួសធ្ងន់ ត្រូវ​បញ្ជូនទៅ​សង្គ្រោះ​នៅ​មន្ទីរពេទ្យ​ភ្លាមៗ​បន្ទាប់ពី​ពួកគាត់​ជិះ​ម៉ូតូ​ក្នុង​ល្បឿន​លឿន រេ​ចង្កូត​បុក​ខឿន​សួនច្បារ​ពុះ​ចែក​ទ្រូងផ្លូវ ដួល​បោក​ក្បាល កាលពី​វេលា​ម៉ោង​៧​និង​៣០​នាទី​យប់​ថ្ងៃទី​៧ ខែឧសភា ឆ្នាំ​២០២១ ត្រង់ចំណុច​ស្ពាន​ទី​២ តាម​បណ្ដោយ​ផ្លូវជាតិ​លេខ​៦A ក្នុងភូមិ​ខ្ទរ សង្កាត់ ព្រែកលៀប ខណ្ឌ​ជ្រោយចង្វារ រាជធានី​ភ្នំពេញ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះ​ដែល​ស្លាប់​មានឈ្មោះ ហែម ម៉ាច ភេទ​ស្រី អាយុ​៦២​ឆ្នាំ ជនជាតិខ្មែរ មុខរបរ​នៅផ្ទះ មាន​ទីលំនៅ​ភូមិ​ក្តី​ចាស់ សង្កាត់​បាក់​ខែង ខណ្ឌ​ជ្រោយចង្វារ និង​ស្ត្រី​ម្នាក់ទៀត មិន​ស្គាល់​អត្តសញ្ញាណ​​រងរបួស​ធ្ងន់​។​

តាម​ប្រភពព័ត៌មាន​ពី​កន្លែងកើតហេតុ​បាន​ឲ្យ​ដឹងថា ​មុនពេល​កើតហេតុ​គេ​បានឃើញ​ស្ត្រី​ម្នាក់​រួម​ដំណើរ​ជាមួយ​ស្ត្រី​ម្នាក់ទៀត​ជិះ​ម៉ូតូ​មួយគ្រឿង​ម៉ាក​YAMAHA Filano​ ពណ៌ខៀវ​ពាក់​ស្លាក​លេខ​ភ្នំពេញ​1HO-7007​ ធ្វើដំណើរ​តាម​បណ្ដោយ​ផ្លូវ​6A ទិសដៅ​ពី​ជើង​ទៅ​ត្បូង​ ក្នុង​ល្បឿន​លឿន លុះ​មក​ដល់​ចំណុច​កើតហេតុ​ស្រាប់តែ​រេ​ចង្កូត​បុក​សួនច្បារ​ពុះ​ចែក​ទ្រូងផ្លូវ ​ដួល​បណ្តាល​ឲ្យ​ផ្លោង​ស្ត្រី​ម្នាក់​ដែល​អង្គុយ​ពីក្រោយ​បោក​ទៅនឹង​បង្គោល​ភ្លើង​ស្លាប់​ភ្លាមៗ​នៅ​កន្លែងកើតហេតុ ចំណែកស្ត្រី​ម្នាក់​ទៀត​ជា​អ្នក​ឌុប​រងរបួស​ធ្ងន់​ ត្រូវបាន​ប្រជាពលរដ្ឋ​ទំនាក់ទំនង​ហៅ​រថយន្តសង្គ្រោះ​ដឹក​យកទៅ​សង្គ្រោះ​បន្ទាន់​ភ្លាមៗ​។​

ក្រោយ​​កើតហេតុ​សមត្ថកិច្ច​មូល​ដ្ឋាន​បាន​ចុះ​មកដល់​ធ្វើលិខិត​ប្រគល់​សព​និង​ម៉ូតូ​ឲ្យ​សាច់ញាតិ​យក​ទៅ​ធ្វើបុណ្យ​តាម​ប្រពៃណី​៕

អត្ថបទ ៖ សុខា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services