ចរាចរណ៍

បុរសម្នាក់ បើករថយន្តកុងតឺន័រ ចង់សាកឡើងលើស្ពានទើបតែសម្ពោធ ទាក់ធ្លាក់ស្លាកហាមឃាត់ចុះក្រោម

បានផុស

៣ ម៉ោង មុន

នៅ

ថ្ងៃព្រហស្បតិ៍ ១០ មេសា ២០២៥

ដោយ

អ៊ិន ពិសី

រថយន្តកុងតឺន័រមួយគ្រឿង ចង់បើកឡើងស្ពានមរតកតេជោ មិនមើលស្លាកហាមឃាត់ បណ្តាលឲ្យទាក់ស្លាកសញ្ញាចុះមកក្រោមរងការខូចខាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ១១ និង ៤០ នាទីយប់ ថ្ងៃទី ០៩ ខែមេសា ឆ្នាំ ២០២៥ ស្ថិតនៅគល់ស្ពានអាកាសមរតកតេជោ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។

តាមការបញ្ជាក់ពីសមត្ថកិច្ចបានឲ្យដឹងថា បុរសម្នាក់ បើករថយន្តកុងតឺន័រ ពាក់ស្លាកលេខ ព្រះសីហនុ 3A-2136 ធ្វើដំណើរតាមបណ្ដោយផ្លូវព្រះមុនីវង្ស ទិសដៅពីកើតទៅលិច ខណៈមកដល់ចំណុចកើតហេតុ បានបើកឡើងស្ពានអាកាសមរតកតេជោ ប៉ុន្តែត្រូវទាក់ស្លាកហាមរថយន្តធុនធំឡើងស្ពានបណ្ដាលឲ្យបាក់ស្លាកធ្លាក់ចុះមកក្រោមសង្កត់ពីលើរថយន្តរងការខូចខាតតែម្ដង។

សមត្ថកិច្ចបន្តថា ចំណុចស្ពានអាកាសមរតកតេជោ គឺហាមឃាត់គ្រប់រថយន្តធុនធំដែលចង់បើកឡើងលើស្ពាន ដោយនៅពេលថ្មីៗ ស្ពានអាកាសនេះ ទើបតែដាក់សម្ពោធជាផ្លូវការផងដែរ ប៉ុន្តែបែរជាត្រូវក្រុមរថយន្តធុនធំមួយចំនួនបើកមិនមើលស្លាកសញ្ញាហាមឃាត់ទាល់តែសោះ បង្កឲ្យខូចខាតសម្បត្តិរបស់រដ្ឋថែមទៀត។