កីឡាករ​ ពេជ្រ​ សម្បត្តិ​ ធ្វើ​ទម្ងន់​សល់​តែ​ ៧​ក្រាម​ទៀត​ប៉ុណ្ណោះ​នៅ​សហរដ្ឋអាមេរិក​

អ្នក​លេង​គុន​ខ្មែរ​ ពេជ្រ​ សម្បត្តិ​ ធ្វើ​ទម្ងន់​ជិត​គ្រប់​ហើយ​ពោល​នៅ​សល់​ត្រឹម​ ៧​ក្រាម​ប៉ុណ្ណោះ​ នេះ​បើ​តាម​វីដេអូ​ថ្លឹង​ទម្ងន់​របស់​លោក​ ពេជ្រ​ សុផាន់​ ដែល​បាន​បង្ហោះ​ផ្សព្វផ្សាយ​ថ្មីៗ​នេះ។​

សម្បត្តិ និង​ដៃគូ

លោក​ ពេជ្រ​ សុផាន់​ បាន​ឲ្យ​ដឹង​ពី​សហរដ្ឋអាមេរិក​មក​ថា​ ចំពោះ​រឿង​ធ្វើ​គីឡូ​នេះ​មិន​ចោទ​ជា​បញ្ហា​នោះ​ទេ​ ព្រោះ​ម្នាក់ៗ​ធ្វើ​ជិត​ដល់​ទម្ងន់​កំណត់​ហើយ​ស្រប​ពេល​ការ​ថ្លឹងផ្លូវការ​​ធ្វើ​​នៅ​ល្ងាច​ស្អែក​ឯណោះ។​ ចំពោះ​ការ​ហ្វឹកហាត់​វិញ​ក៏​បាន​ហាត់​ត្រៀម​បាន​ល្អ​ដូច​គ្នា។​

សម្បត្តិ កំពុងពិនិត្យទម្ងន់

បញ្ជាក់​ដែរ​ថា​ ពេជ្រ សម្បត្តិ​ ប៉ះ Edgar Tabares លើ​ប្រភេទ​ទម្ងន់​ 60kg កីឡាករ​ រឿង សោភ័ណ្ឌ​ ប៉ះ Shane Oblonsky លើ​ប្រភេទ​ទម្ងន់​ 70kg ធន់ រិទ្ធី ប៉ះ Guilherme Bastos Teixeira លើ​ប្រភេទ​ទម្ងន់​ 77kg និង​ អេ យ៉ានុត ប៉ះ Fayeda An លើ​ប្រភេទ​ទម្ងន់​ 55kg។​ ការ​ប្រកួត​នេះ​នឹង​ធ្វើ​ឡើង​នៅ​ថ្ងៃ​ទី១២​ ខែមេសា​ ២០២៥​ ម៉ោង​នៅ​អាមេរិក​ និង​ត្រូវ​ជា​ថ្ងៃ​ទី១៣​ មេសា​ ឆ្នាំ​២០២៥​ វេលា​ម៉ោង​ ៨ព្រឹក​ម៉ោង​នៅ​កម្ពុជា៕​

កម្មវិធីប្រកួតនៅសហរដ្ឋអាមេរិក

អត្ថបទដោយ៖ នួន ស៊ីណា