ព័ត៌មានជាតិ

ខេត្តត្បូងឃ្មុំ កសិករធ្វើការដាំដុះស្រូវរដូវវស្សា បានជិត៩០ភាគរយហើយ គិតត្រឹម ខែកក្កដា ឆ្នាំ២០២២ នេះ

បានផុស

២ years មុន

នៅ

ថ្ងៃសុក្រ ២៩ កក្កដា ២០២២

ដោយ

ត្បូងឃ្មុំ ៖ ទោះបីមានភ្លៀងធ្លាក់ជាបន្តបន្ទាប់យ៉ាងណាក៏ដោយ ក៏មិនមានផលប៉ះពាល់ដល់ ការខិតខំប្រឹងប្រែងសាបព្រោះដាំដុះស្រូវរដូវវស្សារបស់កសិករយើងដែរ ពោលគឺការសាបព្រោះ ដាំដុះស្រូវបានជិត៩០ភាគរយហើយ ទាំងស្រូវស្រាល និងស្រូវធ្ងន់នោះ គិតត្រឹមចុងខែកក្កដា ឆ្នាំ២០២២នេះ តែបើធៀបនឹងឆ្នាំទៅ ចាញ់ឆ្នាំទៅតិចតួច ដោយ កត្តាភ្លៀងមិនអំណោយផល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បង ហេង ពិសិដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តត្បូងឃ្មុំ បានបញ្ជាក់ឲ្យដឹងថា គិតចាប់ពីថ្ងៃទី១ ខែមករា ដល់ថ្ងៃទី២៩ ខែកក្កដា ឆ្នាំ២០២២នេះ ។ ការបង្កបង្កើនផលដំណាំស្រូវរដូវវស្សាអនុវត្តការភ្ជួររាស់ដីបាន ៦៧ ៧៤៥ហិកតា ស្មើនឹង ៨៨,៧១% នៃផែនការដាំដុះ ៧៦ ៣៧០ហិកតា ធៀបឆ្នាំមុនពេលវេលាដូចគ្នាតិចជាង ៤ ៤០៥ហិកតា និងដាំដុះស្រូវវស្សាបានសម្រេចបាន ៦៥ ១៨០ហិកតា ស្មើនឹង៨៥,៣៥% នៃផែនការដាំដុះ ស្មើនឹង ៩៦,២១% នៃផ្ទៃដីបានភ្ជួររាស់ ធៀបឆ្នាំមុនពេលវេលាដូចគ្នាតិចជាង ៦ ៦១០ហិកតា ក្នុងនោះស្រូវស្រាល ៨ ៩២០ហិកតា តិចជាងឆ្នាំមុន ៣ ៣៨៥ហិកតា ស្រូវកណ្តាល ២៥ ២៦០ហិកតា តិចជាងឆ្នាំមុន ២ ៤០០ហិកតា និងស្រូវធ្ងន់ ៣១ ០០០ហិកតា តិចជាងឆ្នាំមុន ៨២៥ហិកតា។

លោកប្រធានបានបញ្ជាក់ឲ្យដឹងទៀតថា ការប្រមូលផលដំណាំស្រូវរដូវវស្សាគិតចាប់ពីថ្ងៃទី២០ ខែកក្កដា ឆ្នាំ២០២២ អនុវត្តសម្រេចបាន ១៧៥ ហិកតា ស្មើនឹង ០,២៧% នៃផ្ទៃដីបានដាំដុះ ៦៥ ១៨០ហិកតា លើប្រភេទស្រូវស្រាលដើមរដូវវស្សាឆ្នាំ២០២២ នេះ៕

ដោយ ៖ សាន វិឡែម