លុបចោល​សវនាការ​ទាំ​ង​អស់ ដោយសារ “​ព្រឹត្តិការណ៍​សហគមន៍ ២០ កុម្ភៈ​”
Connect with us
Helistar Cambodia - Helicopter Charter Services

ព័ត៌មានជាតិ

លុបចោល​សវនាការ​ទាំ​ង​អស់ ដោយសារ “​ព្រឹត្តិការណ៍​សហគមន៍ ២០ កុម្ភៈ​”

Published

on

សាលាដំបូង និង​អយ្យការ​អម​សាលាដំបូង​រាជធានី​ភ្នំពេញ បាន​អះអាង​ថា ដោយសារ​ស្ថានភាព នៃ​ការ​ចម្លងជំងឺ​កូ​វីដ​-១៩ ក្នុង “​ព្រឹត្តិការណ៍​សហគមន៍ ២០ កុម្ភៈ​” មាន​ការ​រីក​រាលដាល​ឆាប់រហ័ស និង​ស្មុគស្មាញ​ជាង​ព្រឹត្តិការណ៍​សហគមន៍​មុនៗ សាលាដំបូង និង​អយ្យការ​សម្រេច​លើក​ពេល​សវនាការ​គ្រប់​សំណុំរឿង ជា​បណ្តោះអាសន្ន រហូតដល់​មានការ​ជូនដំណឹង​ជាថ្មី នេះ​បើតាម​ការបញ្ជាក់​ពី​លេខាធិការដ្ឋាន​រដ្ឋបាល នៃ​សាលាដំបូង​រាជធានី​ភ្នំពេញ​។

សេចក្តី​ជូនដំណឹង​ចុះ​ថ្ងៃទី​២៣ ខែកុម្ភៈ បញ្ជាក់​ថា “​ដើម្បី​ចូលរួម​ទប់ស្កាត់​ការ​រីក​រាលដាល​ក្នុង​សហគមន៍​បន្ថែម​ទៀត សាលាដំបូង និង​អយ្យការ​អម​សាលាដំបូង​រាជធានី​ភ្នំពេញ សម្រេច “​លើក​ពេល​សវនាការ ដែល​បាន​គ្រោង​ទុក​នៅ​ចន្លោះ​ពេល​ពី​ថ្ងៃ​ទី​២៤ ខែកុម្ភៈ ដល់​ថ្ងៃទី​១២ ខែមីនា ឆ្នាំ២០២១ នៅពេល​ក្រោយ​វិញ​។ សាលាដំបូង និង​អយ្យការ​អម​សាលាដំបូង​រាជធានី​ភ្នំពេញ នឹង​កំណត់​កម្មវិធី​សវនាការ​ឡើងវិញ ក្រោយពី​ស្ថានភាព​ជំងឺ​កូ​រឹង​-១៩ ក្នុង​ព្រឹត្តិការណ៍​សហគមន៍ ២០ កុម្ភៈ​” បាន​ធូរស្រាល​។

ដោយឡែក​ពាក់ព័ន្ធ នឹង​សំណុំរឿង​ចាំបាច់​មួយចំនួន ចៅក្រម​ពិនិត្យ និង​ចាត់ការ​តាម​ការ​ជាក់ស្តែង យោង​តាម​ករណី​ទីមួយៗ ដោយ​គោរព​តាម​វិធានការ​ណែនាំ​របស់​ក្រសួងសុខាភិបាល និង​កាត់បន្ថយ​ការប្រមូលផ្ដុំ​។

ចំពោះ​ការ​បំពេញ​ការងារ​រដ្ឋបាល​ប្រចាំថ្ងៃ និង​ការ​ផ្តល់សេវា​យុត្តិធម៌​ជូន​ប្រជាពលរដ្ឋ នៅ​ដំណើរការ​ជា​ធម្មតា ប៉ុន្តែ​ថ្នាក់ដឹកនាំ និង​មន្ត្រី​ទាំងអស់​ត្រូវ​បំពេញ​ភារកិច្ច​របស់​ខ្លួន​ដោយ​ប្រកាន់ខ្ជាប់​នូវ​វិធានការ អនាម័យ ពាក់​ម៉ាស លាងដៃ រក្សា​គម្លាត ជៀសវាង​ការ​ប្រមូលផ្តុំ និង​តាមដាន​សុខភាព​ជាប្រចាំ​

ដោយ ៖ កោះ​កែវ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services