សន្តិសុខសង្គម

លោកមេភូមិ ដុតបំផ្លាញផ្ទះខ្លួនឯងឆេះខ្ទេចទាំងស្រុង

បានផុស

៣ years មុន

នៅ

ថ្ងៃអង្គារ ២៣ វិច្ឆិកា ២០២១

ដោយ

បុរសម្នាក់ ដែលមានតួនាទីជាមេភូមិជ្រៃសែន សង្កាត់មនោរម្យ ក្រុងសែនមនោរម្យ ខេត្តមណ្ឌលគិរី បានដុតបំផ្លាញផ្ទះខ្លួនឯងឆេះខ្ទេចទាំងស្រុង បង្កការភ្ញាក់ផ្អើលកាលពីវេលាម៉ោង១១និង៣០នាទីថ្ងៃត្រង់ ថ្ងៃទី២៣ ខែវិច្ឆិកា ឆ្នាំ២០២១ ។

ផ្ទះដែលត្រូវអគ្គិភ័យឆេះនេះ មានទំហំ៧គុណ១៨ម៉ែត្រ ធ្វើអំពីឈើ ប្រក់ស័ង្កសី ក្រាលឥដ្ឋការ៉ូក្រោម មានទីតាំងស្ថិតនៅភូមិជ្រៃសែន សង្កាត់មនោរម្យ ក្រុងសែនមនោរម្យ ខេត្តមណ្ឌលគិរី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកមេភូមិដែលជនបង្កមានឈ្មោះ កេត វុទ្ធី អាយុ៤២ឆ្នាំ ជនជាតិខ្មែរ សញ្ជាតិខ្មែរ មុខរបរមេភូមិ ។ អគ្គិភ័យបានលេបត្របាក់សម្ភារៈក្នុងផ្ទះទាំងស្រុង រួមទាំងរបស់មានតម្លៃមួយចំនួនធំផងដែរ។

សមត្ថកិច្ចបញ្ជាក់ថា ក្រោយកើតហេតុ ជនបង្កត្រូវបានកម្លាំងចាប់ឃាត់ខ្លួនយកទៅអធិការដ្ឋាននគរបាលក្រុងសែនមនោរម្យ ដើម្បីធ្វើការសាកសួរ និងចាត់ការតាមនីតិវិធីច្បាប់៕