Connect with us

ព័ត៌មានជាតិ

យុទ្ធនាការ​ទិញ​ផ្លែ​តាង៉ែន​ ​ដំណើរការ​ដល់​ណា​ហើយ?

បានផុស

នៅ

ខណៈ​ដែល​កសិករ​ជួប​កង្វល់​ពី​កង្វះ​ទីផ្សារលើ​ការ​នាំ​ចេញ​ផ្លែ​តាង៉ែន​ រដ្ឋាភិបាលបាន​​បង្កើត​ក្រុម​ការងារ​ចុះប្រមូល​ទិញ​ផ្លែ​តាង៉ែន​ពី​កសិករ​នៅ​ខេត្ត​បាត់ដំបង និង​បានបន្ត​ចុះទិញ​ដល់​ចម្ការ​តែ​ម្តង​ដើម្បី​សម្រួលការ​ខាត​បង់​ក្នុង​ស្ថានភាព​លំបាក។

យ៉ាងណា​មិញ បើ​តាម​មន្រ្តី​ខេត្ត​បាត់ដំបង យុទ្ធនាការ​នៃ​កា​រ​ប្រមូល​ទិញ​ផ្លែ​តាង៉ែន ឬ​មៀនប៉ៃលិន​បាន​បញ្ចប់​ហើយ។

លោកឈឹម វិច្ឆរ៉ា ប្រធានមន្ទីរកសិកម្មខេត្តបាត់ដំបង​បាន​ឲ្យ​កម្ពុជា​ថ្មី​ដឹង​ថា​ យុទ្ធនាការចុះទិញពីរាជរដ្ឋាភិបាល
នៅ​​ដំណាក់​ទី១បានបញ្ចប់តាំង​ពីថ្ងៃ១៣ កញ្ញា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមរបាយការណ៍ពីមន្ទីរកសិកម្មខេត្ត យុទ្ធនាការចុះប្រមូលទិញផ្លែមៀនប៉ៃលិន(តាង៉ែន) និងមៀនក្រអូប (មៀនខ្មែរ) បានចាប់ផ្តើម​ចាប់ពីថ្ងៃទី១៧ថ្ងៃទី១៧ខែសីហា ដល់ថ្ងៃទី៣០ខែសីហា ដែលមានរយះពេល១៣ថ្ងៃ​។

ក្នុងនោះក្រុមការងារបានចុះទិញផ្ទាល់នៅតាមស្រុកចំនួន៧ ដែលមានផ្លែមៀនប៉ៃលិន និង​មៀនក្រ​អូប​​​មានចំនួន​៩៨០​តោន ខណៈដែលបានទទួលទិញជំហានដំបូងនៅទីធ្លាបាល់ទាត់វាលបែកចាន ក្នុងក្រុងបាត់ដំបងបានចំនួន ៧៧៨ តោនសរុបរយៈពេល១៣ថ្ងៃ មានចំនួន​១៧៥៨តោន។

ក្រោយ​​យុទ្ធនាការ​ចុះប្រមូលទិញ​របស់​រដ្ឋាភិបាល​បាន​បញ្ចប់ កសិករ​បាន​ស្វះស្វែង​រកទីផ្សារ​បន្ត​នៅ​ក្នុងខេត្តនិងបណ្តាខេត្តមួយចំនួនទៀត។

យ៉ាងណា​កសិករម្ចាស់ចំការមៀនប៉ៃលិន(តាង៉ែន) ក៏​កំពុង​ព្រួយ​បារម្ភ​ដែរ​ ព្រោះ​ក្រោយ​យុទ្ធនារបស់​រដ្ឋាភិបាល​បាន​បញ្ចប់​ ដោយ​មិន​អាច​រក​ទីផ្សារ​លក់​ចេញ​បាន ខណៈ​ទីផ្សារ​ស្រុក​ថៃ​នៅ​បន្ត​រិតត្បិត​ ហើយ​តម្រូវការ​ក្នុង​ស្រុក​មាន​ចំនួន​តិច​តួច។

ប្រជាកសិករម្ចាស់ចម្ការមៀនប៉ៃលិនម្នាក់ក្នុងចំណោមកសិករផ្សេងទៀត លោក យុឹម ប៊ុនលៀងបានប្រាប់ឲ្យកម្ពុជាថ្មីដឹងនៅរសៀលថ្ងៃទី១៤ខែតុលានេះថា ក្នុងដំណាក់កាលចុងក្រោយ ផលដំណាំមៀនរបស់លោក​និងបងប្អូនម្ចាស់ចម្ការផ្សេងទៀតបានចេញផ្លែកើនជាងដំណាក់កាលទី១។ តែអ្វីដែលព្រួយបារម្ភណ៍ផ្លែមៀនក្នុងចម្ការកំពុងជ្រុះពីដើមបន្តបន្ទាប់ ខណះដែលភ្លៀងធ្លាក់ជាប់គ្នាប៉ុន្មានថ្ងៃនេះ លាយខ្យល់បក់បោកបានធ្វើឲ្យផ្លែមៀនជ្រុះស្ទើរគ្មានសល់ ក្រៅពីបានបេះខ្លះដើម្បីលក់លើទីផ្សារក្នុងស្រុកបន្តិចបន្តួច។

លោកបន្តថា ក្រោយពីបេះលក់បានខ្លះៗទៅខេត្តផ្សេង ចំណែក​ការ​ដឹក​ទៅ​ថៃនៅ​តែ​មាន​ការ​រិតត្បិត​​ ដូច្នេះដោយសារ​គ្មាន​លទ្ធភាពដឹកចូល លោក​សុខចិត្តលក់បានតិចតួចក្នុងស្រុកគឺតាមបណ្តាខេត្តផ្សេងៗ។

កសិករម្នាក់ទៀត ដែលបានដឹកចូលលក់ដោយបង្ខំនៅទីផ្សារថៃបានឲ្យដឹងដោយសុំមិនបញ្ចេញឈ្មោះថា”ខ្ញុំមិនហ៊ានប្រាប់ឈ្មោះទេខ្លាចគេឈប់ឲ្យចូលព្រោះខ្ញុំសល់ច្រើនពេក ក៏បង្ខំចិត្តដឹកចូលទៅទីផ្សារថៃទាំងមិនបានចំណេញតែធ្វើម៉េចបើយើងលក់នៅក្នុងស្រុក គ្មានអ្នកទទួលទិញទើបបង្ខំចិត្តបែបនេះ។

កសិកររូបនេះបន្តថា មូលហតុបង្ខំចិត្តដឹកចូលទៅទីផ្សារថៃ ត្រូវ​ចំណាយ​ក្រៅ​ផ្លូវ​ការ​ដល់​មន្រ្តី​តាម​ច្រកព្រំដែន​យ៉ាងច្រើន ហើយ​ចំណេញវាមិនចំណេញទេមិនដូចរដូវកាលទីមួយ ដែលសម្តេចជួយទិញនោះទេ។ កសិករ​រូប​នេះ​បញ្ជាក់ថា កសិករ​ជាច្រើន​ត្រូវ​បង្ខំចូលទៅលក់ទីផ្សារថៃនៅពេលនេះ គឺជៀសវាងកុំឲ្យខូចខាតទាំងស្រុងប៉ុណ្ណោះ៕

អត្ថបទ៖ សៅ សារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៩ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១០ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម