ចរាចរណ៍
ម៉ូតូស្កុបពី បើកឆ្លងផ្លូវ បុកជាមួយម៉ូតូហុងដាគប់ បណ្ដាលឲ្យបុរសវ័យចំណាស់ម្នាក់ ស្លាប់ភ្លាមៗនៅកន្លែងកើតហេតុ
បុរសវ័យចំណាស់ម្នាក់ បានស្លាប់ភ្លាមៗ នៅកន្លែងកើតហេតុ និងម្នាក់ទៀតរងរបួសស្រាល ដោយសារជួបគ្រោះថ្នាក់ចរាចរណ៍។
ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង ១០ និង ៣០ នាទីយប់ ថ្ងៃទី ០៦ ខែមេសា ឆ្នាំ ២០២៥ តាមបណ្ដោយផ្លូវ ២០១១ ស្ថិតក្នុងសង្កាត់គោករកា ខណ្ឌព្រែកព្នៅ រាជធានីភ្នំពេញ។ សពមានឈ្មោះ អូ ទ្រី ភេទប្រុស អាយុ ៦០ ឆ្នាំ មុខរបរនៅផ្ទះ រស់នៅភូមិប្រប្រក់ខាងជើង សង្កាត់កាកាបទី ១ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបាននិយាយប្រាប់ថា នៅមុនពេលកើតហេតុគេឃើញបុរសចំណាស់ម្នាក់ ជិះម៉ូតូម៉ាកហុងដាគប់ ពណ៌ស ពាក់ស្លាកលេខ ភ្នំពេញ 1P-8869 ធ្វើដំណើរតាមបណ្ដោយផ្លូវ ២០១១ ទិសដៅពីលិចទៅកើត ក្នុងល្បឿនមធ្យម។ ពេលនោះ លុះបើកមកដល់ចំណុចកើតហេតុ ស្រាប់តែឃើញម៉ូតូមួយគ្រឿងទៀត ម៉ាកហុងដាស្កុបពី ពណ៌ខ្មៅ ពាក់ស្លាកលេខ ភ្នំពេញ 1JS-4400 បើកបរដោយយុវជនម្នាក់ ធ្វើដំណើរតាមបណ្ដោយផ្លូវ ២០១១ ទិសដៅពីកើតទៅលិច បើកឆ្លងផ្លូវ ហើយបើកបញ្ច្រាសចរាចរណ៍ ក៏ជ្រុលទៅបុកម៉ូតូបុរសចំណាស់ខាងលើពេញទំហឹងដួលបោកទៅនឹងថ្នល់បណ្ដាលឲ្យបែកក្បាលឈាមហូរស្រោចពេញកន្លែងកើតហេតុ។ ចំណែកឯខាងម៉ូតូស្កុបពី បើកបរដោយយុវជនម្នាក់វិញ រងរបួសស្រាល។
ប្រភពព័ត៌មានពីកន្លែងកើតហេតុដដែលបានបន្តថា បន្ទាប់មកប្រជាពលរដ្ឋឃើញហេតុការណ៍ក៏បានទាក់ទងទៅរថយន្តសង្គ្រោះបន្ទាន់ភ្លាមៗ។ លុះរថយន្តសង្គ្រោះបានមកដល់ ហើយពិនិត្យបុរសចំណាស់ខាងលើ ដោយបានបញ្ជាក់ប្រាប់ថា ជនរងគ្រោះបានស្លាប់បាត់បង់ជីវិតទៅហើយ។
ក្រោយពេលកើតហេតុសមត្ថកិច្ចមូលដ្ឋាននៅកន្លែងកើតហេតុបានទាក់ទងទៅសមត្ថកិច្ចជំនាញចរាចរណ៍រាជធានីភ្នំពេញ ដើម្បីធ្វើការវាស់វែង និងយកម៉ូតូខាងលើទៅរក្សាទុក ដើម្បីរង់ចាំការដោះស្រាយថ្ងៃក្រោយ។ ចំណែកសពត្រូវបានសមត្ថកិច្ចជំនាញធ្វើលិខិតប្រគល់ជូនក្រុមគ្រួសារ ដើម្បីយកទៅធ្វើបុណ្យតាមប្រពៃណីនៅវត្តពោធិ៍ចិនតុង៕
អត្ថបទ ៖ សំណាង
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៦ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព