ជនជាតិដើមភាគតិចគួយផលិតចង្កឹះខ្មែរពីធាងទ្រាំងធម្មជាតិបានសម្រេច
Connect with us
Helistar Cambodia - Helicopter Charter Services

អាជីព

ជនជាតិដើមភាគតិចគួយផលិតចង្កឹះខ្មែរពីធាងទ្រាំងធម្មជាតិបានសម្រេច

បានផុស

នៅ

បងប្អូនជនជាតិគួយក្នុងខេត្តស្ទឹងត្រែងបានរកឃើញបង្កើតស្នាដៃចង្កឹះខ្មែរចេញពីធាងទ្រាំង ទទួលបានអ្នកគាំទ្រប្រើប្រាស់ច្រើនក្នុងស្រុកដែលកន្លងមកធ្លាប់តែមានផលិតផលពីចង្កឹះជ័រ ឬចង្កឹះឬស្សីដែលនាំចូលពីក្រៅប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្នាដៃចង្កឹះខ្មែរពីធាងទ្រាំងនេះបង្កើតឡើងដោយអ្នកនាង រាជនី ជាមន្ត្រីបណ្តុះបណ្តាលនិងវាយតម្លៃគុណភាពចង្កឹះខ្មែរនៅក្នុងមជ្ឈមណ្ឌលស្រ្តីអភិវឌ្ឍន៍ខេត្តស្ទឹងត្រែង។ អ្នកនាងបានឱ្យដឹងថា ដោយមើលឃើញពីធនធានធម្មជាតិមានស្រាប់នៅក្នុងខេត្តស្ទឹងត្រែងទើបមជ្ឈមណ្ឌលស្រ្តីអភិវឌ្ឍន៍សហការជាមួយមន្ទីរកិច្ចការនារីខេត្ត បានចងក្រងជាក្រុមផលិតចង្កឹះដោយការបិតចង្កឹះដោយដៃសុទ្ធសាធ ដោយមានសមាជិកចូលរួមក្នុងសហគមន៍ដែលមានវ័យចំណាស់មកអនុវត្ត មានត្រូវខ្លះ ខុសខ្លះ ដែលមកពីភូមិអន្លង់ជ្រៃ និងភូមិមនក្នុងឃុំអន្លង់ជ្រៃ ខេត្តស្ទឹងត្រែង។

អ្នកនាង រាជនី បានបន្តថា ឃុំខ្លះក៏មានការធ្វើចង្កឹះនេះដែរតែមានលក្ខណៈមិនសូវល្អនោះទេ ដោយដំបូងយាយចាស់ៗគាត់បិតចង្កឹះពុំទាន់ត្រូវតាមខ្នាត។ ក្រោយពីផលិតដំបូងដើម្បីឱ្យគេវាយតម្លៃគុណភាពដោយមានអ្នកខ្លះថាខ្នាត២៥សង់ទីម៉ែត្រ ដូចជាខ្លីពេកក៏តម្រូវតាមការកម៉្មង់ដោយកែលម្អចង្កឹះមានប្រវែង២៦ ទៅ២៧សង់ទីម៉ែត្រ ដោយក្នុងនោះយកតាមស្តង់ដា២៦សង់ទីម៉ែត្រទើបត្រូវជាង។ លុះដល់ឆ្នាំ២០១៤ ទើបផលិតផលមួយនេះបានសម្រេចដោយសារស្នាដៃបងប្អូនជនជាតិគួយ ដែលអាចផលិតចង្កឹះខ្មែរបាន៨០០ដុះស្មើនឹង៨,០០០ចង្កឹះក្នុង១ខែៗ។

តាមការអះអាងរបស់លោក តាន់ វាសនា ប្រធានទីផ្សារនៅភ្នំពេញបានឱ្យដឹងដែរថា ផលិតផលក្នុងស្រុកមួយនេះចេញពីស្នាដៃបងប្អូនជនជាតិគួយ ទើបតែមានលើទីផ្សាររយៈឆ្នាំចុងក្រោយនេះប៉ុណ្ណោះ។ លោក វាសនា បន្តថា ចង្កឹះខ្មែរមានពណ៌ត្នោត និងពណ៌ក្រម៉ៅដោយសារតែធាងទ្រាំងពីធម្មជាតិដោយការកែច្នៃយកតែខ្លឹម​ធាងទ្រាំងទើបបានជាចង្កឹះនេះមានពណ៌ក្រម៉ៅ មិនលាបពណ៌ ឬថ្នាំគីមីទេ។ ពីមុនមកក្រុមហ៊ុនលោក វាសនា បានផ្សព្វផ្សាយលក់ផលិតផលខ្មែរតាមអនឡាញក្រោយមកបានស្គាល់ចង្កឹះខ្មែរ ហើយក៏ចាប់ដៃគូរកស៊ីជាមួយមជ្ឈមណ្ឌលស្ត្រីអភិវឌ្ឍន៍ស្ទឹងត្រែង ដែលជាអ្នកផ្តើមដោយបំផុសឱ្យប្រជាកសិករមូលដ្ឋានជាអ្នកផលិតចង្កឹះខ្មែរនេះឡើង៕

អត្ថបទ៖ វ៉ាត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ២ ម៉ោង មុន

តារា​សិច​ស៊ី សេង សូ​ណា បញ្ជាក់​អាការៈ​ជំងឺ​ក្រោយ​ឆ្លង​កូ​វីដ​-១៩​បាន​១៨​ថ្ងៃ​

ព័ត៌មានជាតិ២ ម៉ោង មុន

រដ្ឋមន្ត្រី​ក្រសួង​ព័ត៌មាន​ ៖​ ចំពោះ​រាជរដ្ឋាភិបាល​កម្ពុជា​សិទ្ធិ​ទទួល​បាន​ព័ត៌មាន​ជា​សាកល​គឺជា​សិទ្ធិ​មួយ​ដែល​មិន​អាច​ខ្វះ​បាន​នៅ​ក្នុង​សង្គម​ប្រជាធិបតេយ្យ​

ព័ត៌មានជាតិ៣ ម៉ោង មុន

កាកបាទក្រហមកម្ពុជា​ខេត្ត​កំពត នាំយក​អំណោយជូន​ប្រជាពលរដ្ឋ​ដែល​ងាយ​រងគ្រោះ​ដោយសារ​កូ​វីដ

ព័ត៌មានជាតិ៣ ម៉ោង មុន

តុលាការ​កំពូល​នឹង​កាត់ទោស​លោក​ឡាយ វណ្ណៈ នៅ​ព្រឹកស្អែក​នេះ

នយោបាយ៤ ម៉ោង មុន

លោក កឹម សុខា​ ៖ ក្នុង​រដូវ​កាន់បិណ្ឌ​ឆ្នាំនេះ ជំងឺ​កូ​វីដ​-១៩​នៅតែ​រីក​រាលដាល​គួរ​ឲ្យ​ព្រួយបារម្ភ​

Sokha Hotels

ព័ត៌មានពេញនិយម

Helistar Cambodia - Helicopter Charter Services