លោកជំទាវ ឱ វណ្ណឌីន ច្រាន​ចោ​ល​​ព័ត៌មានមិនពិត ថាវិីរុស​កូវីដ​១៩ ជាបាក់តេរី ធ្វើឱ្យមនុស្សស្លាប់

ក្រសួងសុខាភិបាល នៅថ្ងៃទី ១៣ ខែកក្កដានេះ បានប្រកាសច្រាន​ចោល​ការចុះផ្សាយព័ត៌មានមិនពិត ថាវិីរុសកូវីដ១៩ ជាបាក់តេរី ដែលត្រូវបានប៉ះពាល់ នឹងវិទ្យុសកម្ម និងបញ្ចូលឈាមបណ្ដា​ល​ឱ្យស្លាប់មនុស្ស។

ការប្រកាសច្រានចោល បែបនេះ កើតមានឡើងបន្ទាប់ពី មានអត្ថបទព័ត៌មាន ដែលបានចែកចាយតាមបណ្តាញសង្គម នៅថ្ងៃទី ៩ និងទី១០ ខែមិថុនា ដែលបានចុះផ្សាយអត្ថបទលើកឡើងពីប្រទេសសឹង្ហបូរី បានក្លាយជាប្រទេសដំបូងគេនៅលើពិភពលោក ដែលធ្វើកោសល្យវិច័យលើសាកសព ដែលមានវិជ្ជមានកូវីដ១៩ រកឃើញថា កូវីដ១៩ មិនមែនជាវិរុសទេ ប៉ុន្តែជាបាក់តេរី ដែលត្រូវបានប៉ះពាល់នឹងវិទ្យុសកម្ម និងបញ្ចូលឈាម បណ្ដាលឱ្យស្លាប់មនុស្ស ព្រមទាំង អាចបណ្ដាលឱ្យឈាម របស់មនុស្សមានការកកឈាម និងបណ្ដាលឱ្យកំណកឈាមធ្វើឱ្យមនុស្សពិបាកដកដង្ហើម ព្រោះខួរក្បាលបេះដូង និងសួងមិនអាចទទួលបានឧកស្ស៊ីហ្សែន ធ្វើឱ្យមនុស្សស្លាប់យ៉ាងឆាប់រហ័ស។

លោកជំទាវ ឱ វណ្ណឌីន បានច្រានចោល និងចាត់ទុកការផ្សព្វផ្សាយបែបនេះ ការការផ្សព្វផ្សាយព័ត៌មានមិនពិត ក្លែងបន្លំ និងបំពុលសង្គម នៅក្នុងដំណាក់កាល ដែលបណ្ដាប្រទេសនៅលើពិភពលោក កំពុងរងនូវការរាត្បាតដោយសារជំងឺកូវីដ១៩៕

ពិស្តារ៖