តើ​ការកើត​គីស​ក្រពេញ​គល់​រោមលើ​ខ្នង ឬ​លើ​ខ្លួន ត្រូវ​ព្រួយបារម្ភ​ឬទេ​?
Connect with us
Helistar Cambodia - Helicopter Charter Services

សុខភាព

តើ​ការកើត​គីស​ក្រពេញ​គល់​រោមលើ​ខ្នង ឬ​លើ​ខ្លួន ត្រូវ​ព្រួយបារម្ភ​ឬទេ​?

Published

on

គីស​ក្រពេញ​គល់​រោម​(Kyste Sébacé) គឺជា​ប្រភេទ​គីស​ដែល​កើតឡើង ដោយមាន​ការកកស្ទះរ​ន្ធ​របស់​ក្រពេញ​បញ្ចេញ​សារធាតុ​ខ្លាញ់​ម្យ៉ាង​(Accumulation de sébum sous la peau) ដែល​ស្ថិត​ជាប់​ជា មួយ​រោម​លើ​ស្បែក​នៃ​រាងកាយ​ខ្លួន​យើង​ជាពិសេស​លើ​ខ្នង​។​

ក​)មូលហេតុ​៖ ការកកស្ទះ​នេះ​បង្កឡើង​ដោយ​មេរោគ ក្អែល ឬក៏​ធូលី និង​កំទេចកំទី​ល្អិតៗ​ផ្សេងៗ ដែល​ជាប់​នៅលើ​រាងកាយ និង​កត្តា​រួមផ្សំ​ដទៃទៀត ដូចជា​ស្ត្រេ​ស កំដៅ​ព្រះអាទិត្យ ការជក់បារី​ជា ដើម។

ខ​) រោគសញ្ញា​៖ កើតឡើង​មាន​លក្ខណៈ​ដូចជា កន្ទួល​លើ​ស្បែក រឹង​ពណ៌​ស​ឬ​លឿង​។ ក្នុង​ដំ​ណាក់​កាល​ដំបូង វា​មិន​បង្ក​ឱ្យ​ឈឺចាប់​អ្វី​ទេ ក៏ប៉ុន្តែ​ពេល​គ្មាន​ការថែទាំ និង​ព្យាបាល​ត្រឹមត្រូវ ដុំ​គីស​នេះ​នឹង​វិវត្តន៍​ទៅជា​កន្ទួល​ក្រហម​ធំ​ឡើងៗ និង​មាន​សភាព​ឈឺចាប់ ហើយ​ករោគ ឬ​ធ្លាយ​ហូរ​ទឹករងៃ អាច​មាន​ក្លិនស្អុយ​ចេញមកក្រៅ​។​

គ​) ការព្យាបាល​៖ វិធី​ព្យាបាល​ប្រែប្រួល​ទៅតាម​ការវិវត្តន៍​រប​ស់​គីស

– ករណី​គីស​នៅ​តូច​ជាង 1 សង់ទីម៉ែត្រ មិនមាន​ការរំខាន​ឬ​ឈឺចាប់ គេ​អាច​តាមដាន​មួយរយៈ​សិន​បាន​ដោយ​គ្រាន់តែ​សម្អាត​រាងកាយ​ដោយ​សាប៊ូ​ធម្មតា​កុំអោយ​រលាក​និង បង្ករ​រោគ​(infection et puis abcès ) និង តាមដាន​។​

– ករណី​រីក​ធំ​ត្រូវ​ព្យាបាល​ដោយ​វះកាត់​យកចេញ​អោយបាន​ទាំងមូល កុំអោយ​រហែក​ស្រោម​ព្រោះ​វា​នឹង​អាច​កើតឡើង​វិញ​។​

– ក្នុងករណី​មានការ​រលាក​និង​ឡើង​អាប់​សែរ (Abcès) គេ​ត្រូវ​ព្យាបាល​ដោយ​វិធី​វះកាត់​យកចេញ និង​ចំហរ​មុខរ​បូស លាង​សំអាត​រហូត​អស់​ខ្ទុះ​និង​ប្រើប្រាស់​ថ្នាំ​សំលាប់​មេរោគ​បន្ថែម រួច​អាច​ដេរ​ផ្ជិ​ត​មុខ​បន្ថែមទៀត​។​

ឃ​) ការការពារ​៖ ត្រូវ​អនាម័យ​ខ្លួនប្រាណ​ដោយ​ការលាង ជម្រះ​ក្អែល ឬ​ភាពកខ្វក់​ក្រោយពី​បញ្ចប់​ការ​ងារ​ប្រចាំថ្ងៃ។​

– មិនត្រូវ​ស្លៀកពាក់​តឹង​ចង្អៀត​ពេក​

– ព្យាយាម​ជ្រើស​រើសយក​ក្រណាត់ ឬ​សម្លៀកបំពាក់​ណា ដែល​អាចជួយ​ឲ្យ​ស្បែក​មាន​ខ្យល់​ចេញ​ចូល​បាន​ស្រួល មិន​ធ្វើ​ឲ្យ​ក្តៅស្អុះ​ស្អាប​ដល់​ស្បែក​របស់​យើង​ទេ​។​

ប្រសិនបើ​លោក លោកស្រី​មាន​បញ្ហា​ប្រឈម​ដូច​ខាងលើនេះ សូមមេត្តា​ប្រញាប់​មក​ពិគ្រោះ​ជាមួយ​ក្រុមការងារ​វេជ្ជបណ្ឌិត​ឯកទេស​ជំនាញ​នៃ​មន្ទីរពេទ្យ​កាល់ម៉ែត ដើម្បី​ទទួលបាន​រោគវិនិច្ឆ័យ និង​វិធី​សាស្ត្រ​នៃ​ការព្យាបាល​ឲ្យ​បាន​ឆាប់រហ័សប្រសិទ្ធភាព​ខ្ពស់​៕​

អត្ថបទ ៖ រស្មី​

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ40 mins ago

កាន់​តែ​ធ្ងន់​​ធ្ងរ! មនុស្ស​​ស្លាប់​​៣៨​​នាក់​​នៅ​​​មីយ៉ាន់ម៉ា​​ម្សិល​មិញ​

ព័ត៌មានអន្ដរជាតិ51 mins ago

អាមេរិក នឹងមាន​វ៉ាក់សាំង​​​កូវិដ​-​១៩គ្រប់គ្រាន់​ ដល់​មនុស្ស​ពេញ​វ័យ​ទាំង​អស់​ត្រឹម​ដាច់​​ខែ​ឧសភា

ព័ត៌មានជាតិ8 hours ago

សម្តេចតេជោ ចេញវិធានការ២បន្ទាន់ចំពោះខេត្តព្រះសីហនុដែលកំពុងកើនឡើងអ្នកវិជ្ជមានកូវីដ-១៩

ព័ត៌មានជាតិ8 hours ago

អ្នកវិជ្ជមាន​កូវីដ១៩មួយគ្រួសារ ក្នុង​បុរី​ ប៉េង ហួត ភូមិ​ក្តី​តាកុយ សង្កាត់វាលស្បូវ ត្រូវ​ក្រុម​គ្រូពេទ្យ​ចុះ​យក​ទៅព្យាបាល

ព័ត៌មានជាតិ8 hours ago

Update !!! ទីតាំង​ប្រឈម​នឹង​កូវីដ១៩ នៅក្នុង​បុរីប៉េងហួត កើន​ដល់​៦ទីតាំង​ហើយ

Sokha Hotels

ព័ត៌មានពេញនិយម

Helistar Cambodia - Helicopter Charter Services