ព័ត៌មានអន្ដរជាតិ

កាម៉ាឡា ហារីសថា ការឈ្នះឆ្នោតរបស់ចៅក្រម Susan Crawford គឺជាជ័យជម្នះរបស់ប្រជាជនវីសខនស៊ីន

បានផុស

១ year មុន

នៅ

ថ្ងៃពុធ ២ មេសា ២០២៥

ដោយ

អតីតបេក្ខនារីប្រធានាធិបតីសហរដ្ឋអាមេរិក លោកស្រី កាម៉ាឡា ហារីស (Kamala Harris) បានចេញសារជាលើកដំបូងទៅកាន់ប្រជាជនរដ្ឋ វិសខនស៊ីន (Wisconsin) ដែលបានបោះឆ្នោតគាំទ្របេក្ខជនចៅក្រម Susan Crawford ដែលជាអ្នកសេរីនិយម គាំទ្រដោយគណបក្សប្រជាធិបតេយ្យក្នុងការបោះឆ្នោតជ្រើសចៅក្រមសម្រាប់តុលាការកំពូលប្រចាំរដ្ឋនេះ។

អតីតបេក្ខនារីប្រធានាធិបតីសហរដ្ឋអាមេរិក លោកស្រី កាម៉ាឡា ហារីស និយាយក្រោយចៅក្រោម Craword ឈ្នះឆ្នោតសម្រាប់តុលាការកំពូលរដ្ឋ Wisconsin។ Harris

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសារវីដេអូថតទុកនិងបង្ហោះលើបណ្តាញទំនាក់ទំនងសង្គមហ្វេសប៊ុក លោកស្រី កាម៉ាឡា ហារីស បានហៅការឈ្នះឆ្នោតរបស់របស់ចៅក្រម Susan Crawford ថាជាការឈ្នះឆ្នោតរបស់ប្រជាជនអ្នកធ្វើការ ហើយចៅក្រមដែលគាំទ្រដោយគណបក្សប្រជាធិបតេយ្យរូបនេះ នឹងការពារសេរីភាព និងសិទ្ធិរបស់ពួកគេប្រឆាំងនឹងអ្នកមានទ្រព្យ។

លោកស្រី ហារីស និយាយថា៖«តាងនាមឲ្យមនុស្សជាច្រើន តាងនាមឲ្យសហគមន៍ទាំងមូល តាងនាមឲ្យប្រជាជនដែលអ្នកប្រហែលមិនដែលជួបប្រទះ ខ្ញុំគ្រាន់តែសូមអរគុណអ្នកទាំងអស់គ្នា។ អ្នកទាំងអស់គ្នាកំពុងធ្វើកិច្ចជំនួសឲ្យបុគ្គល បេក្ខជនចៅក្រម Crawford ដែលតែងតែប្រយុទ្ធដើម្បីការពារសេរីភាពរបស់អ្នក និង សិទ្ធិរបស់អ្នក រួមទាំងសិទ្ធិរបស់អ្នកដើម្បីរៀបចំ និងការតស៊ូមតិសម្រាប់ប្រាក់បៀវត្សរ៍សមរម្យ និងលក្ខខណ្ឌការងារដែលសុវត្ថិភាព និងដែលនឹងការពារសិទ្ធិរបស់អ្នកដើម្បីសម្រេចចិត្តអំពីរាង្គកាយរបស់អ្នកផ្ទាល់ ដោយគ្មានការជ្រៀតជ្រែករបស់រដ្ឋាភិបាល»។

លោកស្រី បន្ថែមថា៖«មានមហាសេដ្ឋីដែលមិនត្រូវបានបោះឆ្នោតឲ្យដែលមិនគួរ និងដែលមិនមានសំឡេងខ្លាំងជាងប្រជាជនធ្វើការងារនៃរដ្ឋ វិសខនស៊ីនឡើយ»។

ការចាញ់ក្នុងការបោះឆ្នោតចៅក្រមសម្រាប់តុលាការកំពូលប្រចាំរដ្ឋ Wisconsin របស់ លោក Brad Schimel ដែលជាបេក្ខជនទទួលបានការយល់ព្រមពីប្រធានាធិបតី ដូណាល់ ត្រាំ និង ការចំណាយប្រាក់រាប់សិបលានដុល្លារ របស់មហាសេដ្ឋី Elon Musk កំពុងផ្ទុះការចាប់អារម្មណ៍យ៉ាងខ្លាំងដែលនយោបាយរបស់ លោកដូណាល់ ត្រាំ បាត់បង់ប្រជាប្រិយភាពក្នុងស្រុកក្នុងរយៈពេលដ៏ខ្លីបែបនេះ។

ចៅក្រម Susan Crawford ដែលគាំទ្រដោយគណបក្សប្រជាធិបតេយ្យ ឈ្នះការបោះឆ្នោតនៅរដ្ឋ Wisconsin។ Reuters

រដ្ឋ Wisconsin ជារដ្ឋប្រទាញប្រទង់មួយក្នុងចំណោមរដ្ឋទាំង៧ដែលអាចកំណត់ជ័យជម្នះសម្រាប់ការបោះឆ្នោតប្រធានាធិបតីសហរដ្ឋអាមេរិករៀងរាល់អាណត្តិ ប៉ុន្តែក្នុងការបោះឆ្នោតប្រធានាធិបតីកាលខែវិច្ឆិកា២០២៤ គណបក្សសាធារណៈរដ្ឋរបស់លោកដូណាល់ ត្រាំ បានឈ្នះទាំង៧រដ្ឋ ដែលធ្វើឲ្យប្រធានាធិបតី ដូណាល់ ត្រាំ មានអំណួតជាខ្លាំងលើជ័យជម្នះកន្លងមកនេះ។

ប៉ុន្តែត្រឹមតែប្រមាណ៤ខែ លទ្ធផលបោះឆ្នោតចេញពីរដ្ឋប្រទាញប្រទង់នេះបានបង្ហាញពីភាពខុសគ្នាទាំងស្រុង ដោយអ្នកបោះឆ្នោតលែងនៅខាងលោក ដូណាល់ ត្រាំ ទៀតហើយ ក្រោយការអនុវត្តនយោបាយរបស់ប្រធានាធិបតី ដូណាល់ ត្រាំ នាំភាពរំជើបរំជួលយ៉ាងខ្លាំងមិនត្រឹមតែលើពិភពលោកទេ សូម្បីប្រជាជនអាមេរិកខ្លួនឯងផ្ទាល់នៅក្នុងប្រទេស៕

លោក Brad Schimel ដែលមកពីអភិរក្សនិយមគាំទ្រដោយ លោក ដូណាល់ ត្រាំ និង មហាសេដ្ឋី Elon Musk។ Reuters

ដោយ រ៉ាន់ រើយ

លោក ដូណាល់ ត្រាំ ជជែកជាមួយ មហាសេដ្ឋី Elon Musk។

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា