ព័ត៌មានអន្ដរជាតិ
អាស៊ាន រួមទាំងកម្ពុជា វៀតណាម រងការដំឡើងពន្ធថ្មីរបស់ត្រាំ ក្នុងអត្រាធ្ងន់
បណ្ដាប្រទេសអាស៊ានរួមមានមីយ៉ាន់ម៉ា កម្ពុជា ថៃ និងវៀតណាម ក៏ដូចជាបណ្ដាប្រទេសនៅអាស៊ីផ្សេងៗទៀត បានទទួលរងនូវការដំឡើងពន្ធថ្មីរបស់មេដឹកនាំអាមេរិក លោក ដូណាល់ ត្រាំ ក្នុងអត្រាខ្ពស់ជាងគេ។
ពន្ធឆ្លើយតបឱ្យស្មើគ្នា ឬ Reciprocal Tariffs នេះ ត្រូវបានប្រកាសឡើងកាលពីថ្ងៃពុធ (ម៉ោងនៅសហរដ្ឋអាមេរិក) ដោយកំណត់គោលដៅលើប្រទេស និងតំបន់ចំនួន ១៨០ នៅជុំវិញពិភពលោក ដោយរួមមាន៖
- កម្ពុជា៖ ៤៩ ភាគរយ
- ឡាវ៖ ៤៨ ភាគរយ
- វៀតណាម៖ ៤៦ ភាគរយ
- មីយ៉ាន់ម៉ា៖ ៤៤ ភាគរយ
- ថៃ៖ ៣៦ ភាគរយ
- ឥណ្ឌូណេស៊ី៖ ៣២ ភាគរយ
- ម៉ាឡេស៊ី៖ ២៤ ភាគរយ
- ហ្វីលីពីន៖ ១៧ ភាគរយ
- សិង្ហបុរី៖ ១០ ភាគរយ
ប្រទេសក្រៅតំបន់អាស៊ីអាគ្នេយ៍ផ្សេងៗទៀត ដែលជាប់ពន្ធខ្ពស់រួមមាន៖
- ចិន៖ ៣៤ ភាគរយ (បន្ថែមពីលើពន្ធ ២០ ភាគរយ ដែលមានស្រាប់)
- សហភាពអឺរ៉ុប៖ ២៤ ភាគរយ
- ស្រីលង្កា៖ ៤៤ ភាគរយ
- តៃវ៉ាន់៖ ៣៤ ភាគរយ
- បង់ក្លាដែស៖ ៣៧ ភាគរយ
- ឥណ្ឌា៖ ២៦ ភាគរយ
- ប៉ាគីស្ថាន៖ ២៩ ភាគរយ
- និងបណ្ដាប្រទេស និងតំបន់ជាច្រើនផ្សេងៗទៀត ក្នុងអត្រាចាប់ពី ១០ ភាគរយ ដល់ ៥០ ភាគរយ។
រដ្ឋបាល ត្រាំ កត់សម្គាល់ថា ពន្ធឱ្យស្មើភាពគ្នា ដែលកំពុងបង្កើនកម្ដៅសង្រ្គាមពាណិជ្ជកម្មពិភពលោកនេះ កំណត់គោលដៅលើប្រទេសដែលដាក់ពន្ធទំនិញអាមេរិក ខ្ពស់ជាងអត្រាពន្ធរបស់អាមេរិកលើទំនិញរបស់ពួកគេ។ ប៉ុន្តែអត្រាដែលប្រកាសឡើងនេះ គឺត្រូវបានបញ្ចុះឱ្យទាបរួចស្រេចហើយ។
ប្រទេសភាគច្រើនដែលទទួលរងនូវពន្ធខ្ពស់ សុទ្ធសឹងតែជាប្រទេសកំពុងអភិវឌ្ឍន៍ ឬមានទីផ្សារកំពុងរីកចម្រើន ដែលការនាំចេញទៅសហរដ្ឋអាមេរិក សំខាន់សម្រាប់សេដ្ឋកិច្ចរបស់ពួកគេ។ ការឆ្លើយតប ឬសងសឹកយ៉ាងណា ពិភពលោកកំពុងរងចាំមើលបន្ថែម៕
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៥ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៧ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ