ព័ត៌មានជាតិ
ក្រសួងអប់រំដាក់ឱ្យប្រើប្រាស់ ថ្នាលអប់រំ សាលាឌីជីថល ស្របតាមបរិបទអប់រំថ្មី
ក្រសួងអប់រំ យុវជន និងកីឡា បានប្រកាសដាក់ឱ្យដំណើរការថ្នាលអប់រំ សាលាឌីជីថល (#SalaDigital) ដែល មានអាសយដ្ឋាន https://sala.moeys.gov.kh សម្រាប់គាំទ្រដល់ការបង្រៀន-រៀន ស្របទៅតាមបរិបទថ្មី នៃការអប់រំ បែបឌីជីថល និងគោលនយោបាយរដ្ឋាភិបាលឌីជីថលកម្ពុជា ២០២៣-២០៣៥ ប្រកបដោយបរិយាប័ន្ន គុណភាព និងស័ក្តិសិទ្ធិភាព។ នេះបើតាមការផ្ដល់ព័ត៌មានដោយ ក្រសួងអប់រំ យុវជន និងកីឡា នៅយប់ថ្ងៃទី៦ ខែកុម្ភៈ ឆ្នាំ២០២៤ នេះ។
![](https://www.kampucheathmey.com/wp-content/uploads/2024/02/003-1024x576.png)
យោងតាមសេចក្តីជូនដំណឹង ស្តីពី ការដាក់ឱ្យប្រើប្រាស់ជាផ្លូវការថ្នាលអប់រំ សាលាឌីជីថល បានឱ្យដឹងថា ថ្នាលអប់រំ សាលាឌីជីថល ត្រូវបានបង្កើតឡើងក្នុងគោលបំណងលើកកម្ពស់ ជំរុញការចែករំលែក និង ប្រើប្រាស់មាតិកាអប់រំឌីជីថល ឱ្យកាន់តែសម្បូរបែបសម្រាប់បម្រើដល់ការបង្រៀន-រៀន តាមរយៈការប្រើប្រាស់ បច្ចេកវិទ្យា ដែលផ្តល់ភាពងាយស្រួលដល់គ្រឹះស្ថានសិក្សា គ្រូបង្រៀន និងសាធារណជនទូទៅក្នុងការបង្កើត សាលារៀននិម្មិត និងបង្កើតវគ្គសិក្សានានា នៅលើថ្នាលសាលាឌីជីថល សម្រាប់សិស្សានុសិស្សចូលធ្វើស្វ័យសិក្សា ដោយសេរីមិនគិតថ្លៃ គ្រប់ពេលវេលា និងទីកន្លែង។
![](https://www.kampucheathmey.com/wp-content/uploads/2024/02/Screenshot-3035-1024x569.png)
ថ្នាលអប់រំ សាលាឌីជីថល ក៏បានផ្តល់ភាពងាយស្រួលដល់អ្នក ប្រើប្រាស់ ក្នុងការស្វែងរកឯកសារឌីជីថល តាមកម្រិតថ្នាក់ចាប់ពីមត្តេយ្យសិក្សារហូតដល់កម្រិតឧត្តមសិក្សា ដោយអាចធ្វើការស្វែងរកតាមរយៈពាក្យគន្លឹះ ប្រភេទក្រុមមុខវិជ្ជា ប្រភេទវគ្គសិក្សា និងកម្រិតថ្នាក់ជាដើម។
![](https://www.kampucheathmey.com/wp-content/uploads/2024/02/Screenshot-3036-1024x549.png)
ក្រសួងអប់រំ សូមធ្វើការណែនាំដល់ លោក លោកស្រី សាកលវិទ្យាធិការ នាយក គ្រឹះស្ថានសិក្សាសាធារណៈ និងឯកជន ចូលទៅបង្កើតសាលារៀននិម្មិត វគ្គសិក្សា និង បង្ហោះស្នាដៃសិក្សាស្រាវជ្រាវរបស់សិស្ស និស្សិត និងសាស្ត្រាចារ្យ នៅក្នុងថ្នាលអប់រំ សាលាឌីជីថល ដើម្បីឱ្យ ធនធាន ឌីជីថលជាភាសាជាតិមានសម្បូរបែបលើបណ្តាញអ៊ុនធឺណិត សម្រាប់ជាប្រយោជន៍ដល់ការសិក្សា ការស្រាវជ្រាវ និង ស្វ័យសិក្សារបស់សិស្ស និស្សិត និងអ្នកស្រឡាញ់ការសិក្សាពេញមួយជីវិត។
![](https://www.kampucheathmey.com/wp-content/uploads/2024/02/photo_2024-01-08_10-51-33-682x1024-1.jpg)
បណ្ឌិត កាន់ ពុទ្ធី អ្នកនាំពាក្យ ក្រសួងអប់រំ យុវជន និងកីឡា បានឱ្យ “កម្ពុជាថ្មី” ដឹងថា សាលា ឌីជីថល” មានមុខងារសំខាន់ធំៗចំនួនពីរ៖ ប្រព័ន្ធស្វ័យសិក្សាតាមអេឡិចត្រូនិក “e-learning features” និង មុខងារមួយទៀតជា បណ្ណាល័យ ឌីជីថល “digital library features”។ សលាឌីជីថល ជាសាលារៀននិម្មិតមួយ ដែលអនុញ្ញាតឱ្យសិស្សានុសិស្សអាចស្វ័យសិក្សាខ្លួនឯងបាន ចំណែកគ្រូបង្រៀន គឺអាចមានសិទ្ធិនៅក្នុងការបង្កើតសាលារៀ់នសម្រាប់ចែករំលែកទៅកាន់អ្នកសិក្សា តាមមុខជំនាញផ្សេងៗគ្នា (ជំនាញរឹង និងជំនាញទន់) ហើយបង្រៀននូវចំណេះដឹងអ្វី ដែលគាត់ចេះទៅកាន់អ្នកដទៃ ឬទៅសិស្សានុសិស្សរបស់គាត់បាន។
![](https://www.kampucheathmey.com/wp-content/uploads/2024/02/Screenshot-3037-1024x550.png)
គួរបញ្ជាក់ថា សាលា ឌីជីថល គាំទ្រដល់កំណែទម្រង់ការអប់រំបែបឌីជីថល នៅកម្ពុជាឱ្យកាន់តែរីកចម្រើនទៅមុខជាបន្តបន្ទាប់ ស្របតាមការវិវត្តរបស់បរិវត្តកម្មអប់រំឌីជីថល កម្រិតសាកល និងក្នុងតំបន់ ក្រោមគំនិតផ្តួចផ្តើមរបស់ បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួង អប់រំ យុវជន និងកីឡា។ មកដល់ពេលនេះ សាលាឌីជីថល មាន ៨៩ ៤៨១ អ្នកប្រើប្រាស់ ៦២ សាលា ១ ៨៤២ សៀវភៅ និង ១១៨ មេរៀន៕
![](https://www.kampucheathmey.com/wp-content/uploads/2024/02/photo_2024-02-06_18-33-22-722x1024.jpg)
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ
-
ព័ត៌មានជាតិ៧ ថ្ងៃ ago
អ្នកឧកញ៉ា ឡេង ណាវ៉ាត្រា គោរពអរគុណនាយកទីចាត់ការហ្វឹកហ្វឺនអគ្គបញ្ជាការផ្តល់កងត្រែទ័ព សម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )
-
ជីវិតកម្សាន្ដ១ សប្តាហ៍ ago
ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់
-
សេដ្ឋកិច្ច៦ ថ្ងៃ ago
ចំណុចចាប់ផ្តើមផ្លូវល្បឿនលឿនភ្នំពេញ-ប៉ោយប៉ែត ស្ថិតនៅខាងជើងវិមានឈ្នះឈ្នះ
-
ព័ត៌មានជាតិ៥ ថ្ងៃ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានអន្ដរជាតិ១ សប្តាហ៍ ago
ជម្លៀសខ្លួនប្រជាជននៅកោះត្រល់ ក្រោយភ្លៀងធ្លាក់ខ្លាំង១២ម៉ោងជាប់គ្នា
-
ព័ត៌មានជាតិ៤ ថ្ងៃ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានជាតិ១ សប្តាហ៍ ago
បុរស២នាក់ បើកបរក្នុងស្ថានភាពស្រវឹងបុកបង្គោលភ្លើង ក្រឡាប់រថយន្តរងរបួសស្រាល