Connect with us

នយោបាយ

សម្តេចតេជោ ព្រមានគណបក្សក្នុងស្រុក កុំឱ្យមានការពាក់ព័ន្ធការបង្កើតរដ្ឋាភិបាលនិរទេសក្រៅប្រទេស

បានផុស

នៅ

អតីតនាយករដ្ឋមន្រ្តី សម្តេចតេជោ ហ៊ុន​ សែន ប្រធានព្រឹទ្ធសភា បានបង្ហើបជាសាធារណៈថា ការផ្តួចផ្តើមគំនិតដើម្បីបង្កើតរដ្ឋាភិបាលនិរទេសនៅក្រៅប្រទេសកំពុងចាប់ផ្តើមហើយ ខណៈសម្តេចបានអំពាវនាវឱ្យរាជរដ្ឋាភិបាលកម្ពុជាត្រៀមកម្ចាត់ឱ្យបានម៉ឺងម៉ាត់ ដើម្បីធានាដល់សុខសន្តិភាពដែលកម្ពុជារកបានដោយលំបាក។

ការប្រកាសជាសាធារណៈរបស់ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា ដែលជាគណបក្សកំពុងដឹកនាំរាជរដ្ឋាភិបាល បានធ្វើឡើងនៅក្នុងពិធីអបអរសាទរខួបទី៧៣ នៃការបង្កើតគណបក្សប្រជាជនកម្ពុជា (២៨ មិថុនា ១៩៥១-២៨ មិថុនា ២០២៤)  នៅវិមាន៧មករា រាជធានីភ្នំពេញ ដែលមានសមាជិកចូលរួមប្រមាណ ២ម៉ឺននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចបានថ្លែងថា ដើម្បីធានានិរន្តភាពនៃការអភិវឌ្ឍ ចាំបាច់ត្រូវជំរុញការកែទម្រង់ជាប់ជានិច្ច ព្រោះថាការកែទម្រង់ជាកម្លាំងចលករនៃការអភិវឌ្ឍន៍ បើគ្មានការកែទម្រង់ឬការកែទម្រង់គ្មានប្រសិទ្ធភាព នោះការអភិវឌ្ឍ នឹងខ្វះកម្លាំងជំរុញ។ ត្រង់ចំណុចនេះ សម្តេចបញ្ជាក់ជូនថា ចលនាជ្រុលនិយមក្នុងប្រទេសយើង នៅបន្តមាននៅឡើយ ហើយចលនាជ្រុលនិយមនេះគឺជាឬសគុល និងជាគ្រោះថ្នាក់សម្រាប់ប្រទេសជាតិ ដែលទាមទារឱ្យកម្ចាត់បានទាន់ពេលវេលា។

បើតាមសម្តេចតេជោ បានទទួលដំណឹងមកថា៖«ការផ្តួចផ្តើមគំនិតដើម្បីបង្កើតរដ្ឋាភិបាលនិរទេសនៅក្រៅប្រទេសកំពុងចាប់ផ្តើមហើយ…យើងមិនអាចឱ្យពួកគេមានក្បាលម៉ាស៊ីជារដ្ឋាភិបាលនៅក្រៅប្រទេស ហើយមានសមាជិកធ្វើសកម្មភាពនៅក្នុងប្រទេសបានទេ»។
ទន្ទឹមនឹងនេះសម្តេចតេជោ ព្រមានថាដល់គណបក្សណាក៏ដោយដែលមានទំនាក់ទំនងជាមួយរដ្ឋាភិបាលដែលបង្កើតនៅឯបរទេសត្រូវតែកម្ចាត់ចោល។ សម្តេចសង្កត់ធ្ងន់ថា៖«បក្សណាក៏ដោយ អ្នកណាក៏ដោយ ដែលមានទំនាក់ទំនងជាមួយរដ្ឋាភិបាលដែលបង្កើតនៅឯបរទេស ប្រសិនបើកើតឡើងនាពេលខាងមុខ តាមការគ្រោងទុករបស់គេ យើងត្រូវតែកម្ចាត់ចោល និងរំសាយចោលភ្លាមនូវអង្គការចាត់តាំងបក្សណាក៏ដោយដែលនៅក្នុងប្រទេស នេះជារឿងចាំបាច់ដើម្បីធានាការពារ»។

«យើងមិនអនុញ្ញាតដាច់ខាតឱ្យពួកនយោបាយជ្រុលនិយមមួយក្តាប់តូចមកបំផ្លាញសន្តិភាពបានឡើយ។ ក្នុងន័យនេះ ខ្ញុំអំពាវនាវដល់ប្រជាជនទាំងមូល លើកកកម្ពស់ស្មារតីជាតិនិយម និងកម្ចាត់នយោបាយជ្រុលនិយមឱ្យអស់ពីកម្ពុជា»។ នេះជាការថ្លែងឡើងបន្ថែមរបស់សម្តេចតេជោ។

ជាមួយគ្នានេះ សម្តេចតេជោ អំពាវនាវចំពោះរាជរដ្ឋាភិបាល ពិនិត្យពិចារណាលើរឿងនេះ ធ្វើវិសោធនកម្មទាក់ទងនឹងច្បាប់បង្កើតគណបក្សនយោបាយ និងច្បាប់ដទៃទៀតប្រសិនបើពួកគេបង្កើតនូវរដ្ឋាភិបាលនិរទេស។
សម្តេចថ្លែងថា៖«បើអ្នកឯងមានរដ្ឋាភិបាល យើងក៏មិនអាចទុកគណបក្សនយោបាយឱ្យស្របច្បាប់បានតទៅទៀតដែរ នេះជារឿងដែលចាំបាច់ត្រូវធ្វើ។ យើងត្រូវហ៊ានលះបង់ ត្រូវហ៊ានធ្វើនូវអ្វីៗដែលការពារសន្តិភាពសម្រាប់ប្រជាជាតិ»។
សម្តេចក៏រំឭកដែរថា កម្ពុជាបានបាត់បង់សន្តិភាពរយៈពេលវែងមកហើយ ទើបតែមានសន្តិភាពរយៈពេលជាង ២៥ឆ្នាំ ដូច្នេះយើងមិនខ្លាចនឹងបង់តម្លៃណាក៏ដោយ ដើម្បីនឹងទប់ស្កាត់នូវចរន្តជ្រុលនិយមដែលបង្កើតឡើងនូវស្ថានភាពគ្រោះថ្នាក់សម្រាប់ប្រទេសជាតិនោះឡើយ។
គម្រោងបង្កើតរដ្ឋាភិបាលនិរទេសនៅក្រៅប្រទេសនាពេលនេះ សំដៅទៅលើមនុស្សមួយដែលមាននិន្នាការប្រឆាំងនឹងរាជរដ្ឋាភិបាលកម្ពុជាស្របច្បាប់ ដែលកំពុងនិរទេសខ្លួននៅឯបរទេស។

សូមរំឭកថា ក្នុងអំឡុងឆ្នាំ ២០១៥ ក្រុមនយោបាយមួយដែលមានឈ្មោះថា គណបក្ស​នយោបាយ រណសិរ្យ​រំដោះ​ជាតិ​ខ្មែរ ដែលបាននិរទេសខ្លួននៅបរទេស បាន​ប្រកាស​បង្កើត​រដ្ឋាភិបាល​នៅ​ក្រៅ​ប្រទេស​មួយ​ ដែល​មាន​មូលដ្ឋាន​នៅ​ប្រទេស​ដាណឺម៉ាក ប៉ុន្តែ​ត្រូវបានរដ្ឋាភិបាល​កម្ពុជា​ និង​គណបក្ស​នយោបាយ​ធំ​ៗ នាពេលនោះបាន​ប្រឆាំង​ចំពោះ​ការ​ប្រកាស​បង្កើត​នេះ៕
អតបទ៖ ឡាយ សាមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

នយោបាយ៤៧ វិនាទី មុន

សម្តេចតេជោ ព្រមានគណបក្សក្នុងស្រុក កុំឱ្យមានការពាក់ព័ន្ធការបង្កើតរដ្ឋាភិបាលនិរទេសក្រៅប្រទេស

ជីវិតកម្សាន្ដ៣ នាទី មុន

តារាកូរ៉េម្នាក់ត្រូវគេសង្ស័យថា ស្លាប់ព្រោះតែប្តីបង្ខំឲ្យថតឃ្លិបអាសអាភាសជាមួយជនអនាថា

សេដ្ឋកិច្ច៩ នាទី មុន

ផលិតកម្មគ្រាប់ស្វាយចន្ទីកម្ពុជា សម្រេចបាន ៨៥ ម៉ឺន​តោន ខណៈប្រាក់ចំណូលជាង ១ ពាន់លានដុល្លារនៅឆ្នាំនេះ

ព័ត៌មានជាតិ២៥ នាទី មុន

ឯកឧត្ដម ហ៊ុន ម៉ានី លើកឡើងវិធានការគន្លឹះចំនួន ៣ ដើម្បីកែទម្រង់រដ្ឋបាលសាធារណៈ

ព័ត៌មានជាតិ២៧ នាទី មុន

លើកទី១ ក្រសួងអប់រំ រៀបចំវេទិកាសាធារណៈ ស្តីពី អាទិភាពវិស័យអប់រំ និងថវិកាអប់រំ

ព័ត៌មានជាតិ១៦ ម៉ោង មុន

សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា

ព័ត៌មានអន្ដរជាតិ១៨ ម៉ោង មុន

NASA ឲ្យ SpaceX ជិត​១​ពាន់​លាន​ដុល្លារ កម្ទេច​ស្ថានីយ​អវកាស​អន្តរជាតិ​

សេចក្ដីជូនដំណឹង១៦ ម៉ោង មុន

ទូរទស្សន៍ ហង្សមាស ដាក់ឈុតធំ! ប្រដាល់គុនខ្មែរអន្តរជាតិដណ្តើមខ្សែក្រវាត់មាស៤ នៅលើសង្វៀនតែមួយ

ព័ត៌មានអន្ដរជាតិ២៤ ម៉ោង មុន

ស្ត្រី វៀតណាម ម្នាក់ ខូចថ្លើមនិងសួតធ្ងន់ធ្ងរ ដោយសារតែទម្លាប់ ២ តែងធ្វើរាល់ថ្ងៃ

ព័ត៌មានជាតិ១៣ ម៉ោង មុន

សម្ដេចធិបតី ប្រាប់លោក គង់ វិបុល ឱ្យប្រើប្រាស់ប្រព័ន្ធឌីជីថលក្នុងការងារពន្ធដារ ដើម្បីកាត់បន្ថយភាពស៊ាំញ៉ាំ

Sokha Hotels

ព័ត៌មានពេញនិយម